Hello，大家好，我哋係由韓國人每日提供最新韓國旅行資訊嘅Creatrip。
韓國即食麵（韓文：라면，發音近似「拉麵」）已經有接近60年嘅歷史，唔止韓國，世界各地嘅人都陷入佢嘅魅力之中。今日就嚟了解一下韓國即食麵嘅歷史發展，同當中有趣嘅故事啦！
韓國即食麵嘅故事
即食麵誕生嘅背後原因
Naver
1963年9月15號，三養食品公司創始人接受日本明星食品公司（Myojo）嘅免費技術支持，首次開始生產、銷售即食麵。第一包即食麵叫做「三養拉麵」（삼양라면），當時一包嘅價錢係10韓元（約HKD0.07）。
為咗向大家推廣即食麵，三養食品公司嘅屋企人、員工一年間去電影院、公園、街道等地方進行促銷活動，譬如搞試食活動，試食評價。就係咁，即食麵逐漸廣為人知，成為一樣受歡迎嘅美食。
當時1960年代係韓戰結束之後，經濟大肅條嘅時期，處處都被破壞，韓國陷入糧食不足嘅困境，所以咁平嘅即食麵成為嗰個時期解餓嘅食物，被稱為「第二米」（제2쌀）。
Naver
後嚟雖然生產成本、機械投資、管理成本日益增加，但三養公司繼續以「解決人民飢餓比利潤更重要」為準則，7年來一直Keep住10韓元嘅價格。
成長與改變
1965年，韓國政府實施混餐政策（혼분식）嚟解決大米短缺嘅問題，即係佢哋唔食白米，而係食雜榖飯（잡곡밥），同埋用麵粉製成嘅食物（분식）。 因為呢個政策，即食麵嘅銷量大幅增長。
Daum
最原本嘅即食麵是係用雞肉煮出嘅白湯整成，所以唔係咁啱（大部分）鍾意食辣嘅韓國人。面對呢個情況，當時嘅總統朴正熙喺1966年向製造公司建議加入辣椒粉。 三養食品公司隨後根據總統嘅提議，經過不斷試驗，改進即食麵嘅味道，創造出適合韓國人口味嘅即食麵。
Daum
由嗰時起，即食麵行業開始用牛肉湯，加入紅湯麵嘅時代開始，係韓國即食麵市場巨大嘅變化同發展。
到1969年已售出超過1500萬包即食麵。 1970年出現炸醬麵、冷面，仲有符合韓國傳統口味嘅大醬即食麵（된장라면）。
1980年代係即食麵最輝煌嘅嘅時代。呢段時期出現咗多個即食麵品牌相互競爭，好似係農心嘅香辣牛肉大碗麵（육개장사발면）、浣熊麵（너구리）同安城湯麵（안성탕면），Ottogi (오뚜기)嘅真拉麵（진라면）。另外，政府仲同Binggrae（빙그레）合作生產即食麵，令各個即食麵品牌增強競爭力。
1982年11月，第一個香辣牛肉大杯麵（육개장사발면）面世，直接將熱水倒入杯度等一等就可以快速食用。由嗰時起，杯麵就開始流行起嚟。市場上陸續推出多種即食杯麵，例如：辣海鮮杯麵、杯撈麵、杯米粉等。
到咗1985年，即食麵市場出現巨大嘅波動。 農心 (농심) 嘅前身係喺1965年成立於嘅樂天公司，推出過眾多受歡迎嘅即食麵，銷量超過始祖三養，成為即食麵銷量第一。1988年，農心市場佔有率達到50.6%。 今日嘅辛拉麵（신라면）已經成為韓國國家辣味即食麵，深入民心，辛拉麵就好似韓國即食麵嘅代名詞一樣。
挑戰與出口
1990年打後，韓國即食麵行業不斷挑戰自己，創出唔同口味嘅多元化產品，以滿足各人嘅口味。當時，即食麵市場規模已經超過1萬億韓元。
當然，唔係款款都咁成功，有一啲口味就得唔到大眾歡迎而消失，韓國人稱之為「黑仔麵」（비운의 라면），代表性嘅例子係農心嘅「米湯麵」（쌀탕면/1990）同Mug麵（머그면/1993），Yakult（야쿠르트）嘅왕라면(2002)等。
2000年代，韓國開始向國外出口拉麵。 農心擴大市場，在中國、美國洛杉磯開設工廠。 2003年，Binggae退出拉麵市場。 目前，韓國有4個麵條強國：農心、三養、Ottogi同Paldo。
2011年，韓國即食麵界再挑戰「白湯」。 Paldo 推出「咕咕麵」（꼬꼬면），令即食麵市場增長至2萬億韓元。不過「白湯」風頭只得2年，之後又返番去以前一樣嘅紅湯。
Yonhap news
直到今日，大家都會發現大部分韓國即食麵都係紅湯，味道都係偏辣。韓國目前係世界領先嘅即食麵消費國。 根據世界即食麵協會（WINA）嘅數據，2019年韓國每人消費咗大約 75.1 包即食麵。
以上就係韓國即食麵嘅歷史，同所經歷過嘅風風雨雨。 大家最鍾意邊款即食麵呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
