韓國人氣角色週邊介紹
韓國目前超人氣角色，每款週邊都咁可愛，快啲帶佢哋返屋企啦！
Hello，大家好，我哋係由韓國人每日提供最新韓國旅行資訊嘅Creatrip。
提起韓國得意可愛嘅角色，大家可能第一時間會諗起Kakao嘅Ryan、LINE嘅BT21等等，其實除咗佢哋之外，仲有好多好受歡迎嘅卡通角色！韓國人仲成日買呢啲角色嘅週邊商品，為日常生活增添活力！
今日等小編介紹一吓而家韓國超紅嘅卡通人物，同埋佢哋有咩週邊產品啦！
韓國人氣角色週邊介紹
BT21
BT21係由BTS同NAVER LINE FRIENDS crossover而成嘅卡通角色。 每個角色都象徵住BTS嘅成員同fans A.R.M.Y。最左係代表V嘅「Tata」、跟住係代表J-hope嘅「Mang」、柾國嘅「Cooky」、智旻嘅「Chimmy」、RM嘅「Koya」同Jin嘅「RJ」，喺Cooky頭頂嘅係SUGA嘅「Shooky」，隔離就係代表住A.R.M.Y嘅「Van」。
全部都係BTS成員親自設計出自己嘅角色，所以每個角色嘅個性都好突出！
BT21咁多週邊中，小編最想推薦嘅係呢款BT21 BB攬枕。將BT21角色都設計係BB版，製成cushion型嘅公仔。大細適中，加上軟腍腍嘅棉花，超好攬！唔攬嘅時候放喺牀頭，都可以做裝飾，增添可愛感。
Ryan
喺韓國，冇人唔識Ryan！佢係韓國聊天App Kakao Talk嘅角色，Kakao Friends中最具代表性嘅角色。 雖然個樣似熊仔，但其實係佢係一隻冇鬃毛嘅雄獅！ 好似黑豆一樣嘅小眼睛，同一字眉係Ryan最大嘅特色。
Ryan嘅週邊款式多樣，最近呢款車用芳香劑好受歡迎。擺出一隻手退車pose嘅Ryan真係超可愛！將佢固定喺通風口，就會散發出香味，掩蓋車內嘅異味。揸車嘅時候，有Ryan係隔離，就會有一種Ryan喺度保護自己嘅感覺。
春植
春植係上年7月推出嘅Kakao Friends新角色，係Ryan養嘅貓。雖然只係推出咗1年左右，但係憑住佢超呆超萌嘅外型，即刻俘虜咗大家嘅心！
呢款產品係春植護腕cushion，深受春植fans嘅喜愛。 喺公司做嘢，或者喺屋企上online class、做功課，長時間用電腦嘅時候，手腕會痛。 用春植嘅護腕cushion墊住嘅話，就舒服好多！ 而且仲有得攬住，軟腍腍，又可愛，做嘢都開心啲，手腕又健康。
Apeach
呢粒桃大家應該都唔陌生，佢都係Kakao Friends人氣角色之一。比起原版嘅Apeach，BB版嘅Little Apeach更加受歡迎！BB face，加埋粒門牙，真係可愛到爆！
夏天開冷氣，或者冬天嘅時候，都會比較乾燥，不如喺間房留返個位俾Apeach啦！ 趴喺地下嘅Apeach,，頭頂散發出噴霧，可以保持室內嘅濕度，保護大家乾燥氣管同皮膚。
Jordy
Jordy係Kakao推出嘅Niniz emotion入面其中一個角色，係一隻由冰川漂過嚟嘅可愛恐龍。 拋開冰川化石嘅生活，以喺韓國就業為目標努力生活！
呢一款口罩帶，啱晒而家疫情時代！ 喺需要暫時除口罩，用手攞住，或者放喺袋度都唔係咁方便同唔衛生，用口罩掛條帶，就可以解決呢個問題。 柔和色系嘅帶，兩邊仲有Jordy嘅公仔，可愛得嚟，又有時尚感！
想買Ryan、春植、Apeach、Jordy等等Kakao可愛角色週邊嘅朋友，可以撳入下面條link，搵我哋Creatrip代購㗎！ 除咗上面介紹過嘅產品之外，仲有好多可愛嘅產品😊😊
熊大
熊大係Line Friends最有代表性嘅角色之一。面圓圓，非常可愛，但係角色設定上佢係完全唔講嘢，又冇面部表情，更加刺激咗大家嘅好奇心，更有魅力！
呢個熊大化妝袋兩邊有可以拉緊嘅繩，材料柔軟，摸上去就好似摸緊公仔一樣。 大細啱啱好，放到補妝嘅化妝品，或者需要嘅文具，啱晒帶出街，可愛又實用。
Jessoo（똘망똘망 다람이）
Jessoo係韓國漫畫家兼插畫師創新嘅可愛松鼠角色。 眼睛圓圓，露出兩隻長短不一嘅門牙，可愛嘅五官做出各種生動、活潑嘅表情！
鍾意Jessoo獨特又多樣化表情嘅Jessoo fans，最鍾意就係佢嘅環保袋！ 表情多多，有開懷大笑、嬲、喊、驚訝等9種感情。著住可愛休閒嘅衫，再搭呢個袋，即刻有種唔似打扮咗但有打扮感嘅feel！
OMPANGi（옴팡이）
OMPANGi係啱啱大學畢業，20零歲嘅作家所創作嘅emotion icon角色。一推出，就登上emotion icon銷售排行榜上頭幾名，非常受歡迎。 OMPANGi唔係大型公司嘅角色，而係由個人作家創作嘅emotion，有咁嘅成績真係好唔容易。白雪雪嘅面，加上粉紅色面豬登，立即捉住韓國人嘅心！
emotion icon大獲成功之後,OMPANGi就出咗多款週邊商品。 最近最有人氣嘅就係佢嘅鎖匙圈藍牙耳機盒。鎖匙圈同AirPods case係一套咁賣！ 唔只印有OMPANGi嘅case，仲有3D公仔，唔怪得咁受歡迎啦！
Dinotaeng Quokka（다이노탱 쿼카）
Dinotaeng係以動物同自然素材，打造成可愛卡通商品而出名嘅韓國品牌。每個Dinotaeng嘅角色都好可愛，好溫暖，就咁望住都覺得幸福！ 喺Dinotaeng角色中，最出名、最有代表性嘅就係短尾矮袋鼠Quokka，尤其喺20、30歲嘅女性中人氣很高。
Dinotaeng Quokka 嘅週邊都好多款式，其中最有人氣嘅係呢款iPad袋。 Quokka平時好鍾意食棉花糖，呢個燒棉花糖嘅 Quokka 超有標誌性。
如果想買Dinotaeng Quokka嘅周邊，可以撳入下面嘅link搵我哋Creatrip代購㗎！
以上就係最近韓國人氣超勁嘅角色同佢哋嘅週邊產品。係咪樣樣都好可愛，好想帶晒佢哋返屋企呢？ 🥰
如果大家有邊樣想買，但我哋架上仲未有嘅話，唔緊要！撳入下面嘅link 同我哋問價，我哋會盡快回覆大家！
如果有更多想知嘅內容，都可以隨時留言或者dm話俾我哋知：）
Instagram：creatrip.hk