Hello，大家好，我哋係由韓國人每日提供最新韓國旅行資訊嘅Creatrip。
好多韓團都有好多位成員，個個都靚仔靚女，不過有時打歌服一式一樣，化妝又好相似，有時真係覺得佢哋好似樣，分唔清邊個打邊個！今日就睇吓有邊幾隊嘅成員，相似到令人懷疑過佢哋係有親戚關係，甚至講笑話佢哋係孖生㗎啦！
似孖生嘅韓團成員
1. TREASURE 俊奎 & 道榮
TREASURE嘅俊奎同道榮，佢哋兩個嘅身高差唔多，而家笑起上嚟超似樣，以前真係有人搞錯咗佢哋兩個添！
TREASURE出演《Treasure Map》第36集 〈괜찮아, 우정이야〉入面，道榮同俊奎就扮演雙胞胎，真係好似，好可愛。
2. BLACKPINK Lisa & Rosé
第二對似樣嘅成員係BLACKPINK嘅來嚟泰國嘅Lisa同喺新西蘭成長嘅Rosé，兩個望落都比較西方。
first love for rose
而且佢哋兩個成日痴埋一齊，又會成日打電話俾對方。佢哋喺台上表演時亦相當合拍！
3. iKON 允亨 & 粲右
iKON允亨同粲右真係似樣到，曾經有fans喺演唱會度嗌錯名！唔只樣似，連髮型都似！唔通連造型師都搞錯咗佢哋？
唔好講fans，連允亨嘅爺爺嫲嫲都認錯自己個孫！犯過錯誤。 允亨試過俾幾張相爺爺嫲嫲揀邊張係自己，當中撈埋咗粲右嘅相，點知爺爺嫲嫲最後揀咗粲右嘅相！呢個過程拍底咗，大家可以去允亨嘅YouTube channel 「송슐랭 사이드」 (SONGCHELIN GUIDE) 度睇返，真係好好笑！
4. GFRIEND出身 Yuju & Yerin
GFRIEND出身嘅裕株同睿隣都係有又大又圓嘅眼睛，加上佢哋嘅造型好多時都一樣，所以出道嘅時候都成日俾人話似樣。
呢張面貼面嘅相，望落係咪真係好似孖生姊妹呢！
5. ENHYPEN JAKE & HEESEUNG
出身自澳洲嘅ENHYPEN成員Jake 同大哥羲承，都俾好多人話佢哋似雙胞胎。 無論邊個角度睇，都有餅印feel。
而且佢哋兩個又成日合照，有時就咁立吓眼，真係未必即刻分得清邊個打邊個！
6. ENHYPEN 禎元 & JAY
同隊入面仲有另一對好似樣嘅成員，就係禎元同JAY。兩位面形都好似，又係眼大大，離遠睇嘅話真係會搞錯！
不過如果有細心留意佢哋嘅話，禎元會有比較可愛，而JAY就偏向Cool 少少。
7. THE BOYZ 賢在 & 柱延
honeyed plum
另一隊好紅嘅男團THE BOYZ，總共有11位成員，一齊喺舞台上表演真係好壯觀。當中賢在同柱延就成日俾人搞亂。
佢哋除咗面形似之後，眼睛同鼻形都好似，真係要細心睇，先分得到佢哋兩個！
8. THE BOYZ Hwall （已退出）& Kevin
ocean dream
同隊嘅Hwall同Kevin都係超似樣，無論面形、身高、身材都好相似，佢哋兩個嘅感情仲好好，成日都會打俾對方！
連佢哋自己都話好似樣，佢哋兩個笑起出嚟，真係殺死人！
9. 宇宙少女 延靜 & 秀彬
宇宙少女總共有13位成員，著上同樣嘅打歌服，喺舞台上表演時真係好有睇頭！佢哋團入面又有冇「雙胞胎」呢？
好多fans都話延靜同秀彬好似，雖然佢哋身高唔一樣，但係一樣有一對又圓又大嘅眼睛，鵝蛋形嘅小臉，感覺好相似，一樣好可愛。
10. NCT 在玹 & Jeno
NCT嘅在玹同Jeno都俾人話好似樣，fans仲稱佢哋為父子組，但其實佢哋年紀只係差3歲！
兩個笑嘅時候，一樣對眼變成一條彎彎嘅線，好迷人！佢哋嘅笑臉真係令fans瞬間融化晒。
11. NCT 悠太 & 泰容
同隊嘅悠太同泰容成為另一對雙胞胎，兩個都好漫撕男系列，簡直就係由漫畫入面跳出嚟一樣！
雖然外貌相似，但佢哋都有各自嘅魅力！
12. ASTRO MJ& JINJIN
ASTRO 嘅MJ同JINJIN身高、身材都差唔到，髮型同衣者都一樣嘅話，望落都幾似㗎！
台上同台下嘅佢哋有唔同感覺，大家又鍾意邊個嘅佢哋呢？
13. SEVENTEEN DK&圓佑
SEVENTEEN嘅DK同圓佑，如果話佢哋係孖仔，真係會信！似樣到...
呢張相真係不得了！連眼神都一樣！不過佢哋上台表演時就會比較易分，因為一個係主唱，一個係rap。
唔單只DK同圓佑，仲有fans話珉奎都好似樣，可以話係三胞胎。
14. 少女時代 俞利 & 潤娥 & 徐賢
少女時代嘅俞利、潤娥同徐賢，喺初出道嘅時候都曾經有fans話佢哋三個人感覺好相似。
佢哋高度、身材都差唔多，背後睇嘅話好難分得出，不過佢哋三人都各有特色同魅力！
15. BTS SUGA & 柾國
baby cookie
BTS各個成員都好有個人特色，唔會分唔出大家。不過有時某啲角度又會幾相似。就好似上面張側面相，就咁望一望，真係好似有兩個SUGA，或者兩個柾國坐咗喺度咁。
呢張舞台相驟眼睇，點解Jimin前後都有柾國嘅？
〈Fake Love〉嘅舞台上，柾國除底手上嘅面具之後，轉頭望向鏡頭。 喺佢直視鏡頭之前，同SUGA真係好神似。如果佢哋兩個都唔轉個頭望鏡頭嘅話，相信有人會搞錯佢哋
喺LOVE YOURSELF IN SEOUL嘅演唱會上〈Seesaw〉嘅舞台上，有fans拍嘅片影到SUGA同J-hope又有幾分似，大家又覺得似唔似呢？
以上就係好多韓國啱啱出道嘅時候，俾人搞唔清嘅「雙胞胎」，不過其他每位成員都有個人風格，了解多咗佢哋就唔會分唔清！唔知大家初時追呢啲韓團時，有冇差唔多嘅感覺呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
