Hello，大家好，我哋係由韓國人每日提供最新韓國旅行資訊嘅Creatrip。
有時無論我哋點管理好皮膚都好，永遠都好難超越天生皮膚好嘅人。之前韓國就有一篇報導介紹由韓國雜誌社Allure Korea小編選出7位皮膚好嘅韓星。因為佢哋係直接幫偶像影相，所以可以近距離接觸到，有佢哋嘅認可，更加值得信賴。
而家就等我哋睇吓有邊7位韓星，唔需要化妝，皮膚都超好嘅韓星啦！
皮膚超好嘅韓星
1. Oh My Girl - Arin
네이트뉴스
第一位就係俘獲咗無數少男心嘅Arin啦！曾經有一位美妝小編近距離接觸過Arin，佢話：「Arin嘅皮膚真係好白滑。」平時拍海報或廣告都可以睇到佢好有水光感，同現實都係一模一樣。
2. IZ*ONE出身 - 員瑛
꾸르
以擁有清純同果汁美貌嘅IZ*ONE出身員瑛，佢除咗係IZ*ONE嘅Center之外，亦係公認皮膚好嘅靚女之一。皮膚超光滑，修圖同冇修圖幾乎係一樣，真係令人羨慕。
3. EXO - 伯賢
노컷뉴스
之前伯賢拍時尚雜誌《W KOREA》，佢手上拎住嘅首飾都唔夠佢塊面咁白滑。出年就30歲嘅佢，一啲都睇唔出，依然俾人感覺好後生。除咗塊面夠白之外，就連佢對纖纖玉手都係恨死格離。
4. IU
매일경제
IU無倫係化咗妝定係素顏都一樣係咁靚，之前有一位美編講過：「望住IU，終於明白只要『基本』就夠。」平時IU會跳過好多繁複嘅化妝步驟，只會強調畫眉同線條，就已經令五官好立體同完美。
5. 河成雲
티스토리
唔少美編都講到「成雲幾乎係唔需要任何修圖，佢皮膚就好似雞蛋一樣咁白滑」，仲講到佢唔化妝嘅時候皮膚仲好！
6. MONSTA X - 周憲
v live
周憲白滑嘅皮膚，加上佢兩個可愛嘅酒粒，完全係迷倒唔少少女。之前有一位化妝師一望周憲仲以為已經係化咗妝，點先原來係素顏，因為皮膚太好，實在嚇咗一跳。
7. NCT - 在玹
NEWS1
在玹有「雕刻美男」之稱，皮膚幾乎可以話係完美，完全睇唔出佢有任何缺點，之前有一位化妝師仲講到：「因為在玹皮膚太好，好想感受一吓，手指唔受控制咁篤咗佢一下。」
以上7位係由韓國雜誌社Allure Korea小編選出皮膚好嘅韓星。大家覺得有邊位韓星冇上榜而覺得可惜嘅呢？歡迎大家留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
