Hello，大家好，我哋係由韓國人每日提供最新韓國旅行資訊嘅Creatrip。
相信大家對於芫茜一啲都唔陌生，不過喺韓國，就有唔少韓國人都好抗拒，就連佢哋去亞州地方旅行，第一句要學識嘅就係當地「唔要芫茜！」係點講。不過近日就有一間Cafe挑戰韓國人極限，竟然推出芫茜蛋糕！
韓國芫茜蛋糕
인사이트
芫茜同薄荷朱古力一樣，一直都有人攞佢哋嚟比較，更加會有人將佢哋分派。不過近日喺首爾就一間Cafe「원형들」（原形㐦、Wonhyeongdeul）挑戰整芫茜蛋糕。
인사이트
喺芫茜海綿蛋糕上，加上軟腍腍嘅芫茜cream、清爽嘅西柚cream，甜中帶有淡淡嘅芫茜香。
인사이트
唔少人食完都話「就算唔鍾意食芫茜，呢一款大家都可以好易接受。」、「佢唔算好重芫茜味，好甜。」，甚至有啲人都話「好想挑戰一次！」、「朋友生日要買番個俾佢先得。」等留言。
芫茜其實對身體會好好，有抗氧化，預防衰老功效！小編本身都好鍾意食，打邊爐絕對唔可以少有，小編之後都要去試吓呢款蛋糕先得 唔知大家係芫茜派定係反芫茜派呢？
Cafe名：원형들（原形㐦、Wonhyeongdeul）
地址：서울 중구 충무로 4가 32-16
營業時間：星期一至六14:00 - 22:00、逢星期日休息
如果有更多想知嘅內容，都可以隨時留言或者dm話俾我哋知：）
Instagram：creatrip.hk
