Hello，大家好，我哋係由韓國人每日提供最新韓國旅行資訊嘅Creatrip。
BTS又一創舉！唔只上billboard，自己打倒自己再上第一名等等歷史性紀錄之外，今日仲宣佈被任命總統特使，將會出席聯會國大會！
BTS獲任命為總統特使
청와대 공식 SNS
今日（21號），BTS所屬經紀公司HYBE宣佈：「BTS被任命為未來世代同文化嘅總統特使」。
연합뉴스
另一邊箱，青瓦台發言人朴京美（박경미）喺書面新聞發佈會上表示，防彈少年團（BTS）將出席9月喺美國紐約舉行嘅第75屆聯合國大會等主要國際會議，向世界青年傳達慰問同希望。另外，BTS將積極參與解決環境、貧困、不公平等改善及尊重多樣性等世界性課題嘅活動。
朴京美發言人表示：「任命使節團係為咗幫助引導可持續發展等未來一代嘅全球議題，以及提升韓國喺國際社會中嘅地位，擴大外交權力」，「今次任命特使係公共外交其中一環，利用凝聚國民嘅外交力量，擴大外交局面，通過同喺全世界舞台上展開傑出活動嘅民間專家合作，提高主導全球焦點嘅國家形象」。
한국일보
佢跟住補充：「BTS嘅歌《Permission to dance》歌詞包含安慰嘅信息，編舞上又加入咗手語，傳達咗唔同種族人士共存同和諧嘅意思，亦同韓國通過世界聯手合作，克服新冠肺炎危機嘅意志一脈相承。」
如果有更多想知嘅內容，都可以隨時留言或者dm話俾我哋知：）
Instagram：creatrip.hk
