Hello，大家好 ，我哋係由韓國人每日提供最新韓國旅行資訊嘅Creatrip。
大家去食燒肉，如果有叫燒酒同啤酒，職員都會分別俾啤酒杯同燒酒杯你，唔會「一杯走天涯」，去食煎餅飲米酒時，又會俾個好似碗咁嘅容器俾你裝，好似每種酒都有特別為佢而設嘅杯一樣，唔知大家有冇諗過點解會咁㗎呢？為咗美觀？定有實際嘅原因？今日小編就為大家解答呢個疑問啦！
飲唔同酒用唔同酒杯嘅原因
登登！原因就係根據飲嘅酒本身嘅酒精度數、味、香嘅唔同，酒杯嘅大小同形狀都有分別。
酒杯大小同酒精濃度嘅關係
酒杯大小同酒精濃度成反比，即係話，酒精越高濃度，杯就越細隻，從而令到一杯酒所含嘅酒精差唔多，通常會維持喺度10-14ml 左右。
一般啤酒嘅酒精濃度為4.5%，所以標準嘅啤酒杯大約225ml。
一般米酒嘅酒精濃度為6%，所以會用大約150ml嘅容器。至於點解會用碗，下面再詳述。
燒酒平均嘅酒精濃度為20%，所以燒酒杯大約60ml。
酒杯形狀對酒嘅味道同香味嘅影響
용인시민신문
啤酒帶有刺激口感嘅碳酸，為咗令啲泡泡保持住碳酸味，所以啤酒杯都係長身，有啲仲要設計個底部比上面窄一啲添。
燒酒一杯60ml, 大約係人一啖飲哂嘅容量，所以將燒酒杯嘅杯身設計成直線形，方便one shot。
米酒嘅味道甜中帶澀，為咗令酒味均勻咁喺嘴入面散發，所以用表面面積較大嘅容器--碗嚟代替杯。而且米酒本身嘅顏色係米白色，唔透明，冇必要好似葡萄酒或白蘭地咁要用眼去確認顏色，所以會用泥土做嘅陶瓷杯或碗，又或者係金色嘅鋁碗。
不過而家都有商家為咗搞新意，特別推出大型嘅燒酒杯，唔知會唔會飲一杯就不省人事呢？
以上就係飲唔同酒，用唔同形狀，唔同size酒杯嘅原因，大家又估唔做得中？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
