Hello，大家好，我哋係由韓國人每日提供最新韓國旅行資訊嘅Creatrip。
最近因為疫情嘅影響，首都圈已經成為四階段，除咗一般食肆同超市要10點前閂門之外，就連Gym Room都有限制。
疫情影響Gym Room限制
因為疫情嘅影響，為阻止疫情再度爆發，Gym Room喺早前亦受到一啲限制，做運動嘅時候被要求聽歌唔可以超過120拍子/分鐘以上嘅音樂，同時跑步機最高時速只可以係6km/hr。
衛生局官員話：「會有呢個限制都係為咗唔好令做緊運動嘅人呼吸過快，同時希望做運動嘅時候，大家嘅汗唔會影響到對方。」
另外，每一次喺室內做運動只可以係2個鐘內，同時禁止喺浴室沖涼，所有Gym Room都要喺夜晚12點前閂門。
其中一位Gym Room老闆質疑，有咩證據可以證明，播古典樂或者快歌會影響到防疫效果，同時仲話「好多嚟做Gym嘅人都帶耳機，我又點可以控制到佢哋嘅Playlist呢？」
而衛生局官員就答覆：「呢個方案有助於避免全部Gym Room 面臨結業。」
뉴시스
大家可能會最擔心嘅Kpop樂多都係快歌，咁會唔會冇得聽呢？咁又未必嘅！BTS上個月推出嘅新歌《Butter》，就係110bpm，就算做緊運動都可以聽，不過可惜嘅係BLACKPINK好多首歌都係130bpm左右，所以就限制咗冇得聽
如果有更多想知嘅內容，都可以隨時留言或者dm話俾我哋知：）
Instagram：creatrip.hk
