Hello，大家好，我哋係由韓國人每日提供最新韓國旅行資訊嘅Creatrip。
如家係TXT嘅fans，應該喺佢哋嘅Twitter會覺得佢哋每個成員平日嘅生活。最近，秀彬更新咗佢喺落雨嘅時候去散步嘅相，仲停留咗係一間食pizza嘅舖頭，今日小編就帶大家入去睇一睇啦！
新沙「Pizza Express」介紹
Pizza Express（피자익스프레스）
地址：서울 강남구 압구정로10길 28
營業時間：每日11:30 - 22:30
小Tips：由新沙站（신사역）8號出口行大約10分鐘就到。
作為稱職嘅fans，偶像去過邊，小編都要去一次！今次小編帶大家跟住TXT隊長秀彬嘅腳印，去位於新沙嘅「Pizza Express」啦！
除咗秀彬去過，國民MC劉在錫拍攝「玩什麼好呢?」同Jessi都去過，門口仲擺住banner添！
呢間舖好容易就搵到，因為舖頭前面有一個超紅嘅打卡位，有櫈同pizza造型嘅燈。所有嚟過呢度嘅人，一定喺呢度打返張卡。秀彬都有影過，小編梗係唔會錯過啦！ 哈哈！不過個pizza燈好多塵，大家影完相記得洗手
影完舖頭門口之後，諗住就行入去睇吓啦！正門前面張地毯都好可愛啊！
舖頭喺平日（星期一至五）有做促銷活動，由開鋪到下午3點，₩8,000（約HKD56）就可以食到lunch set，真係超抵。
行到入舖頭入面，聽到播緊嘅音樂，加埋裝飾嘅風格，好有街頭風，而且呢度有wifi，食飯時上網唔使擔心數據問題，想去洗手間嘅話可以喺櫃枱前要記低密碼「7777」。
呢度嘅menu有英文，又有圖，所以落單一啲難度都冇，嘢食方面有pizza、飲品同一啲小食可以揀。如果唔想叫整個pizza，只係想食一、兩塊嘅話，就可以揀lunch set，包芝士、辣香腸各一塊。小編都叫咗呢個set，加埋辣雞翼。
落咗單之後，小編就喺餐廳度行咗一圈，舖頭唔算好大，但有好多位，唔使怕冇位坐。或者可以喺舖頭啱啱開舖嘅時候嚟（11:30a.m.），就一定唔使等位。另外，呢度枱與枱之間嘅距離都幾遠，唔會坐得唔舒服，或者覺得逼。
大家鍾唔鍾意食新鮮出爐嘅pizza呢？小編真係超推呢間！因為呢間舖頭pizza嘅麵團係自己親手新鮮整，可以食得好安心！
呢度嘅裝修同佈置都好有特色，又有啲滑板做裝飾，好有街頭風。
除咗滑板之後，仲有好多Supreme嘅商品，同埋有座足球機，可以用朋友一齊玩。
仲有沙包可以打，唔怕食完pizza會肥
呢度嘅廚房係開放式，大家可以睇到廚師整pizza嘅過程。
至於刀叉等餐具唔係放喺枱上面，要自己去呢個區度攞。除咗餐具，仲有其他配料：茄汁、辣椒醬、芝士粉等等。
等咗好耐，小編叫嘅嘢食終於整好！不過小編攞到嘅時候，見到個炸薯條......？明明冇叫到，唔通係送嘅？原來係因為舖頭嘅音樂太大聲，職員將小編叫嘅雞翼，聽咗做薯條，最後小編要再叫過。
以下嘅就今次小編總共叫咗嘅嘢食：lunch set(包2塊pizza + 一杯可樂）（₩8,000/約HKD56）、炸薯條（₩7,000/約HKD49）、辣雞翼（₩12,000/約HKD84）。
上圖係意大利辣香腸pizza，超大塊，仲大過小編隻手掌！味道同平時食嘅意大利辣香腸pizza差唔多，個批唔會太厚，唔錯！
呢個就係芝士pizza，味道同上面嘅意大利辣香腸差唔多，只係冇咗香腸。芝士好多，好濃，芝士控一定會鍾意！提提大家要趁熱食，唔係凍咗芝士會變硬，口感就冇咁好食啦！
後來小編發現幾乎每一枱都有叫炸薯條，原來係呢間舖頭嘅招牌菜，唔怪得職員會聽錯。薯條好粗，就算放咗一段時間，仍然好香好脆。 鍾意食炸薯條嘅朋友，一定唔可以錯過。
最後就係辣雞翼啦！係小編同朋友最期待，最鍾意嘅嘢食！呢度嘅雞翼都係即叫即炸，外皮好脆，入面雞肉又好嫩滑，點埋個醬就更加好味。呢個雞翼係小編同朋友一致認為係呢度排名第一嘅必食menu！（咦，明明呢度係食pizza...🙈)
食飽之後，唔好錯過呢度另一個打卡位，就係呢張紅色櫈同pizza燈牌。呢個位係每個韓國人嚟到都度影相up上SNS，大家如果search IG嘅話都會見到！
以上就係今次小編實地考察Pizza Express嘅分享，無論係MOA，抑或係嚟開新沙林蔭大道行街嘅朋友，都好推薦大家嚟呢度！
一場嚟到，梗係要影返張秀彬同款嘅相啦！
背後嘅「r.about」，小編之前都有介紹過㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
