Hello，大家好，我哋係由韓國人每日提供最新韓國旅行資訊嘅Creatrip。
早前報道過一名繼母殘忍同毆打13歲繼女致死嘅事件，警方進一步調查後發現，原來由兩年前開始，就經常性發生虐待行爲。警方首次執行今年2月新訂立嘅虐待殺害兒童罪，即「鄭仁法」。
조선일보
上月22號夜晚，A母喺住所連續兩個鐘虐打13歲嘅繼女B，不停用手毆打，用腳踢同踩個肚。A母發現B女被身體情況有異，呼吸急促，身體冇力向下垂，然後停止毆打，但冇送B女去醫院，只係聯絡分居嘅丈夫，就咁放置B女唔理咁過咗5個鐘。
mbc뉴스
丈夫嚟到之後叫救護車，丈夫向警方表示佢到達嘅時候女兒已經死亡，身體已經變硬。
警方調查結果顯示，A母對B女嘅虐待由兩年前開始持續，今年3月同丈夫分居後，情況變得更加嚴重。事發當晚因離婚同養育問題，同丈夫發生爭執，之後虐打B女，B女嘅兩個細佬都在場目擊。
驗屍結果顯示，B女嘅死因係受到外部衝擊導致長期損傷。因為持續嘅暴力虐打，本身已經有腸炎，腹部腫脹，今次再遭受到長時間嘅虐打，身體無法承受。
조선일보
換言之，A母明知B女可能會死亡，但仍然殘忍咁虐打B女，出事之後又唔施予急救，等同殺人。警方以今年2月新立嘅「鄭仁法」（虐待殺害兒童罪）將A母移送檢察機關。根據法例，罪成後可判最少7年有期徒刑，或無期徒刑，甚至死刑，比原本「虐兒罪」或「謀殺罪」刑罰更重。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
