白淺灘文化村「手腕書家」介紹
適合書迷去嘅白淺灘文化村「手腕書家」！邊望海景，邊睇書超寫意！
Hello，大家好，我哋係由韓國人每日提供最新韓國旅行資訊嘅Creatrip。
白淺灘文化村嘅海邊有好多好可愛嘅cafe、今日小編想帶大家去嘅其中一間係手腕書家！入面超好打卡，鍾意影靚相嘅朋友，就一定要嚟啦！
白淺灘文化村「手腕書家」介紹
- 地址： 부산 영도구 흰여울길 307
- 營業時間：每日 11:00 - 19:00
白淺灘文化村位於韓國釜山影島，有韓國版「聖托里尼島」之稱，吸引唔少藝術家同學者嚟搵靈感。 其中呢到有一間可愛Cafe叫做「手腕書街」，如果你鍾意睇書或者想搵個安靜地方休息，咁呢度就最適合不過！
Cafe有分室外同室內座位，如果天氣好，可以坐出面邊望海景，邊吹風睇書，係唔係諗吓都覺得好寫意呢？
成間Cafe主要用咗木製傢俬同簡單裝飾去裝修，簡約得嚟俾人一種好舒服嘅感覺。
門口有一個紙箱，老闆將佢改成一張床，俾一隻超怕醜嘅黑白貓用。 紙盒上仲畫咗一顆樹，相當可愛。
一入到Cafe，大家會見到呢度有超多書，好多人為咗搵好書，都會喺度慢慢睇同嘆咖啡。
除咗書之外，呢度仲有好多卡片同明信片賣！ 空間雖然唔算大，但都嚟引唔少人嚟，如果大家一直搵唔到邊度有明信片買，喺度睇啱可以買幾張寫俾再寄俾朋友。
另外呢度仲有賣香薰蠟燭同手工錶帶，一啲有個性嘅襯衫同帆布袋都有賣，嚟度就好似入咗某位作家嘅藝術空間咁。
大家可以先喺1樓落單，之後再去戶外，或者2樓嘆咖啡。
2樓空間唔算太大，大概只係得6張檯，不過簡簡單單嘅設計，已經令人印象深刻。
呢度書架上嘅書，大家都可以拎嚟睇，不過要小心，千祈唔好整爛，睇完之後亦都要擺返原位。
望到呢個角落，有擺一部好舊嘅收音機同CD，特別有復古氣息，同Cafe氣氛好夾。
木質傢俬配綠色植物同乾花，任何一個位都好適合打卡。
牆上嘅每一幅畫同相，都會令人忍唔住停一停望一望。
Cafe最旺嘅位就係窗邊位，好多人都揀坐喺前面邊望海景邊睇書。
呢個位係2樓一上到去就會見到，同另一半坐喺度影返幅人生照都幾唔錯（最後想多謝願意俾小編影相嘅情侶 ）
呢度Menu只得韓文，如果睇唔明，可能就要問一問老闆，佢會好細心同大家講解。
Dutch Latte（더치 라떼）₩8,000
Dutch Latte好香咖啡味，不過就因為冇落糖，可能會偏苦，大家飲嘅時候，最好先攪勻再飲。
Clove Milk（바인밀크）₩8,000
呢杯飲品係小編出於好奇心想試，因為見到上面寫住有牛奶，以為佢會好甜，點知飲嘅時候，會有一種好涼爽又微酸嘅味道，但都好好飲！丁子香同牛奶嘅組合，真係好神奇！
如果大家去到，小編真心推薦可以試呢杯Clove Milk！
去旅行莫非就係想搵個地方去輕鬆吓，呢間Cafe好安靜，而且俾人感覺好舒服，有興趣嘅朋友之後都可以去㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk