海雲台 「BUSAN X THE SKY」介紹
釜山最高建築！全世界最高嘅Starbucks都喺呢度！嚟釜山點可以錯過？
Hello，大家好，我哋係由韓國人每日提供最新韓國旅行資訊嘅Creatrip。
「BUSAN X the SKY 」喺2020年開張，係一個好高人氣嘅景點，位於海雲台L City Landmark Tower嘅100樓。喺呢度上面可以飽覽海、山、城三景，開張之後瞬間成為熱點。小編今次嚟到釜山都一探究竟，睇吓係咪真係傳說中咁正！跟住小編嚟啦！GOGO！
海雲台「BUSAN X THE SKY」介紹
BUSAN X THE SKY
地址：부산 해운대구 달맞이길 20
營業時間：10:00-21:00（最後買飛時間：20:30）
小Tips：由2號線海雲台站3號出口行15分鐘
L City Trademark Tower係釜山最高嘅大廈，就咁望上去已經覺得好壯觀！ BUSAN X the SKY 展望台就係喺2020年7月17開幕嘅！
入口嘅設計都好現代化！
因為疫情，入場之前需要嘟QR code，如果冇嘅話，就要用字筆填底個人資料，然後消毒雙手先可以入場。
呢度仲有lokcers俾拎住行李嘅遊客暫時存放，非常方便。
行前兩步，就會見到賣飛嘅counter。
呢度有顯示入場券嘅價錢同營業時間：
成人（13歲以上）27,000 won，約HKD190
小童（3-12歲） 24,000 won，約HKD170
營業時間：每日10:00 - 21:00
買咗飛之後，喺部機下面掃一掃QR code就可以入場。
上去展望台之後，有個叫「X the PHOTO」嘅角落，俾大家攞住啲飾物、道具打卡。
演員申鉉濬、韓寶凜、張基龍都嚟過打卡！
搭𨋢之前，需要過檢，睇吓有冇帶危險物品。
跟住指示牌就會去到搭𨋢嘅位置！
上到100樓只需56秒！超快！所以耳仔可能會因為受壓而有耳鳴嘅情況。𨋢入面冇窗，不過有影片可以觀賞。搭𨋢上去嘅影片同落返去地方時嘅影片係唔一樣㗎！
上到100樓，離地接近400米咁，係咪好高呢！俯瞰到沙灘、大海、山同高樓大廈，真係幾正！
可惜小編去嘅時候天氣麻麻，唔係嘅話個景應該會更清晰！
觀望台好大，仲掛住好多藝術畫，好似行咗入美術館一樣。
天色雖然有啲陰，但係影出嚟都幾有意境。
展望台附近，有個指示牌寫住「Shocking Bridge」，小編就落去睇吓係點嘅樣。
原來係一條透明玻璃造嘅通道，可以望到腳下100層嘅景，有畏高嘅話真係唔講得少！
雖然有啲驚，但係小編都克服咗心理障礙，影到好多靚相。
過咗透明玻璃通道，就會見到落去99樓嘅樓梯，個吊飾真係好靚！
落去下一層就會搵到餐廳、cafe，同空中花園。
一落入去，就見到一間叫「 X the LOUNG」嘅餐廳。
餐廳旁邊都有個空中花園，由呢度望出去嘅景都好吸引。
一眼飽覽海雲台嘅城景同海景，有世界在我腳下嘅感覺。
呢度仲有賣紀念品店「X the GIFT」，同幾間cafe，包括Starbucks。
紅色框框就係Starbucks所在嘅位置啦！
唔好睇少呢間Starbucks，呢間係全世界最高嘅Starbucks！
只限X the SKY嘅遊客使用㗎咋！
如果大家有機會嚟釜山海雲台旅行，可以體驗吓世界最高嘅Starbucks，感覺應該好唔同。
X the GIFT 嘅紀念品店賣好多釜山專門嘅精品。
好多都同海有關。
著住著 I LOVE BUSAN嘅Tee 遊釜山嘅話，應該係人都知你係遊客！
離開之後，有個叫「SKY LETTER」嘅角落，可以喺個tablet度寫一個字，就會喺大熒幕度影示出嚟，之後可以用嚟做背景影相留念。
呢度有望遠鏡俾大家睇吓釜山其他景，一次只係需要500won。
呢度仲有得自己整錢幣紀念品，好有價值，有興趣嘅朋友都可以整返個。
雖然小編係朝早嚟，相信夜晚嚟嘅夜景都會好靚！
大家計劃去釜山旅行，想睇海景同釜山城景，影到靚相嘅話，推薦大家嚟BUSAN X the SKY ！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
