減低宿醉小Tips
韓國人千杯不醉嘅原因，有可能係因為食咗呢5款小食或飲品打底影響？
Hello，大家好，我哋係由韓國人每日提供最新韓國旅行資訊嘅Creatrip。
相信大家每個人飲完酒，第二日都會有宿醉呢個問題，有時就算飲咗宿醉劑都好似冇好轉，呢啲時間好多人都會講句「早知尋日飲少啲啦...」，不過有時飲酒除咗係因為氣氛所致飲多咗，有時都係想俾自己放鬆吓。
今日小編就想同大家介紹5款韓國人飲酒前，為咗防止宿醉會食嘅小食或飲品俾大家 （唔通有啲人千杯不醉係呢個原因？ ）
減低宿醉小Tips
1. 雞蛋
雞蛋本身有胺基酸，除咗好有營養之外，仲可以幫助分解酒精嘅毒素，可以快速咁排出。如果大家有酒聚，去之前可以先食一、兩隻蛋，可以減少宿醉。仲有一個小Tips係：比起食全熟蛋，半熟會更加好。
2. 杏仁
杏仁除咗係一個好嘅下酒菜之外，佢仲可以幫助加快碳水化合物同脂肪代謝，聽講印度人都係用呢個方法去解宿醉。同時杏仁中嘅維他命E仲可以降低患肝癌嘅風險！
3. 牛奶
小編之前同韓國朋友一齊去飲酒，朋友都推薦小編先飲牛奶打定底。一開始都覺得好怪，但後嚟先知，因為牛奶係弱鹼性，可以中和胃酸，同時保護到個胃。不過要提提大家，一定要係飲酒前飲，如果係飲完酒之後先飲牛奶嘅話，會有反效果！
因為牛奶係弱鹼性，可以中和胃酸，同時保護到個胃。
小Tips：一定要係飲酒前飲，唔係嘅話會有反效果！
4. 芝士
芝士係一種高蛋白質食物，豐富嘅蛋白質可以保護大家嘅肝臟，同時有助於分解酒精。不過如果大家唔鍾意食芝士，都可以改食其他高蛋白質嘅食物，就好似豆腐咁。
入面豐富嘅蛋白質可以保護大家嘅肝臟，同時有助於分解酒精。
5. 朱古力
甜甜嘅朱古力含有多酚，佢可以減緩酒精嘅吸收。另外，朱古力當中嘅果糖成分仲可以防止酒精嘅葡萄糖分解，幫助大家消化。如果大家知嚟緊會有酒局要飲好多酒嘅話，可以食少少朱古力打定底（少少就夠，唔可以食太多）。
以上5款係韓國人推薦飲酒前，最好食嘅小食同飲品，不過始終成日飲酒都會對身體唔好，大家都要控制住，唔好每次都one shot，分開幾次，或者停一停再飲會更好。
如果有更多想知嘅內容，都可以隨時留言或者dm話俾我哋知：）
Instagram：creatrip.hk