點解咁多整容醫院都喺江南？
江南美人唔只係一個app，仲係一個代名詞！江南同整容又有咩關係？
Hello，大家好，我哋係由韓國人每日提供最新韓國旅行資訊嘅Creatrip。
除咗shopping、追星，整容都係好多人嚟韓國嘅目的，而好多整容醫院都係喺江南，大家有冇諗過點解呢？
點解咁多整容醫院都喺江南？
江南姐姐
大家有冇聽過「강남언니」（江南姐姐）呢？「강남언니」（江南姐姐）係一個提供整形手術諮詢同評論嘅平台，俾一啲有心想整容嘅人可以睇到真實comment。雖然只有5年歷史，但已經成為好受歡迎嘅整形手術平台。
目前「강남언니」（江南姐姐）有超過1000間整形外科醫院嘅資料！！咁點解叫「江南姐姐」呢？同整形手術有咩關係？
「강남언니」（江南姐姐）呢個詞喺2010年左右開始出現，當時係用嚟形容整容手術患者，有諷刺意味。 因為江南有好多整容外科醫院，經常喺江南見到啱啱做完手術，康復緊嘅患者。
針對韓國 1,008 間整形外科醫院嘅調查中，首爾有 538 間，喺江南區嘅就有 400 家，佔咗74%。 就算而家好多整形外科醫生喺其他地區開設診所或外科醫院，但江南仍然被認為係韓國最重要嘅地區。咁江南成為整形醫院集中地嘅原因又係咩呢？
江南 = 靚、型
可能因為江南係商業區、購物區，有好多高樓大廈，同現代化嘅建築，如果喺江南行嘅時候仔細咁觀察，會發現大多數喺江南嘅人都著得好講究，令到江南有聚集咗美女型男嘅形象地。咁睇嘅話，大多數整容醫院都揀喺呢個令人聯想到「靚」嘅江南度開診所、醫院，都唔出奇啦！
江南 = 奢華、有錢
江南區係韓國租金，地價最高嘅地區之一，喺呢一帶住嘅人非富則貴，周國都見到豪宅、名貴跑車。因為江南有奢華嘅形象，喺呢度起醫院都顯得更加高級、更加有氣派，大家望落都會覺得呢度醫院嘅服務同質素都比其他地方嘅好。為咗令自己醫院提升形象，顯得更加可靠同奢華，所以好多整容醫院都喺江南開設。
江南 No.1
手術唔可能係指100%安全，總係有風險，所以好多人做整容手術之後都會搵好多相關資料，睇吓啲人有咩推薦同評價，好多人都會提江南嘅醫院，而唔少出過意外嘅醫院都唔係江南嘅醫院，所以俾人覺得江南嘅醫院相對安全啲，慢慢江南就成為咗整形外科嘅標誌，享負盛名，又有信譽。
交通方便
江南係首爾嘅中心，交通好發達，坐巴士、地鐵都去到，雖然新沙（신사역）、清潭（청담）都有整容外科醫院，但對比起江南，交通上冇咁方便，所以就冇江南咁受歡迎。
以上就係韓國大多數整形外科醫院都係位於江南嘅原因。 打算變靚靚嘅朋友，記得做足功課，搵間信得過嘅醫院啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
