Hello，大家好 ，我哋係由韓國人每日提供最新韓國旅行資訊嘅Creatrip。
（7月8號更新）
尋日（7號）新聞報道指出：「接種楊森疫苗（Janssen）嘅聖圭雖然被診斷出感染新型冠狀病毒（COVID-19），不過而家已經完全康復。」
所屬經紀公司（DHTNE）亦都表示：「聖圭被診斷出感染新型冠狀病毒之後，一直都有跟足防疫部門指示，去社區治療中心一直做治療，喺尋日（7號）正式可以自由活動。」同時亦講到「對於呢件事，令到fans咁擔心真係好對唔住，喺度真心好多謝大家嘅關心同支持，而家聖圭可以回復正常生活，嚟緊會以健健康康形象見大家同回歸。」
今日（27號）韓國新聞報導指出：「INFINITE成員兼隊長聖圭確診新冠肺炎，所屬經紀公司Double HTN 表示，聖圭為咗出演音樂劇《光化門戀歌》（광화문연가），每星期都定期接受新冠病毒檢測，不過喺25號檢測結果呈陽性。」
據了解，金聖圭今月10號接種楊森疫苗（Janssen），而喺25號得知檢測結果呈陽性。
연합뉴스
目前所屬公司工作人員表示：「聖圭目前冇任何症狀，情況亦都好好，不過已經停止佢目前所有活動，同時亦會遵守當局指示進行隔離，另外同聖圭一齊共事嘅工作人員亦將會接受檢測，無論結果係點亦會進行自我隔離。」
最近韓國確診人數再度上升，大家都要小心，去邊都要戴好口罩，同時時刻刻做好清潔，保持個人衞生！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
