南浦洞「味酒工房」介紹
去札嘎其或南浦洞唔再只係食生魚片！當中嘅隱藏烤腸街，你又試過未？
Hello，大家好 ，我哋係由韓國人每日提供最新韓國旅行資訊嘅Creatrip。
以前講到去釜山，大家可能都會諗到要食生魚片，或者係海鮮等，但而家除咗以上呢兩樣之外，喺IG上竟然有好多人都UP烤腸嘅相，身為「吃貨」嘅小編，當然都去試吓係唔係真係咁好食！
南浦洞「味酒工房」介紹
地址：부산 중구 중구로29번길 17-1
營業時間：每日 16:00 - 24:00
小Tip：由札嘎其站7號出口行去大約7分鐘，或由南浦站1號出口行大約15鐘鐘。
以前喺IG打札嘎其或者南浦，好多時都只會見到生魚片或者小食街，但唔講唔知，原來呢度到有一條叫隱藏烤腸街（可能好多人都知，不過喺近呢幾年，突然之間人氣再度急升！）
而喺咁多間烤腸店之中，小編就揀咗最近IG出現得最多次嘅一間「美酒工房」，果然IG力量一啲都唔可以睇少，小編去嘅時間好好彩咁得返最後一張檯唔需要等。
烤扇貝烤腸蝦（有分細、中、大）
扇貝烤腸蝦鍋（有分細、中、大）
烤扇貝蝦（有分細、中、大）
所有烤腸（有分細、中、大）
甜辣調味烤腸（有分細、中、大）
加主食／配料／飲品
主菜大概係以上5款，大家可以睇吓圖再決定食咩，小編苦惱咗一輪，最後決定揀咗烤扇貝烤腸蝦（小)。
落完單之後，職員好快就上配菜。
再等多一陣，小編叫嘅烤扇貝烤腸蝦就嚟度，一開始只要等佢哋慢慢燒，之後職員會再過嚟幫大家。
喺燒緊嘅過程，大家都會聞到好香嘅烤腸味，大約5分鐘左右？職員就會過嚟幫大家剪開所有材料。
剪開之後重頭戲嚟啦！職員會用火槍幫大家燒（大家要小心！）
終於燒好啦！雖然小編只係叫（小）份，但份量真係比想像中多。
芝士＋扇貝呢個組合相信冇人會唔鍾意，扇貝好大粒，同入口即融嘅芝士一齊食，超好味！
而一開始每一個人都會有一個呢間鋪嘅招牌醬汁，大家可以同小編一樣加啲蔥、洋蔥、蒜同烤腸一齊食，咁樣會特別惹味！小編覺得呢個嘅腸唔會有嗰種內臟/腥味，咬落去都幾彈牙。
整體嚟講，小編覺得量都多，本身烤腸已經有調味，所以都幾好食！如果下次再去，小編會想留定肚，再試埋佢哋嘅烤腸炒飯 （곱창볶음밥）（要2人份起）。
最後，小編走之前仲見到有兩個簽名，唔知大家又知唔知係邊個藝人呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
