廣安里「溫飯」介紹
家庭式烤魚餐，廣安里「溫飯」為你提供溫飽一餐！
황요산
2 years ago
Hello，大家好，我哋係由韓國人每日提供最新韓國旅行資訊嘅Creatrip。
釜山係一個港口城市，除咗出名睇海景靚之外，食海鮮亦都好出名，今日小編想介紹呢一間最近喺釜山超有名，只要一到Lunch Time就有好多人嚟排隊！如果大家都鍾意食海鮮，咁就要跟住睇落去啦。
廣安里「溫飯」介紹
- 地址：부산 수영구 수영로540번길 49
- 營業時間：11:30 - 20:30（ 15:00 - 17:00 Break Time、14:30及20:00 Last Order、逢星期一休息 ）
- 小Tips：由廣安站5號出口行過去大約8分鐘左右。
呢一間餐廳叫做「溫飯」，唔知係咪因為俾佢個名吸引，小編覺得就連外牆睇落去都特別溫暖。
當時小編大約係12點左右去到，唔算好多人，不過唔使好耐已經坐滿晒。
坐低之後大家就可以睇要食咩，小編佢之前都做足功課，呢度主打嘅係青花魚（고등어구이 한상）。（已加價）
喺等緊嘅期間，職員都會慢慢開始準備小菜，每叫一個餐都會係一盤咁上檯。
最後小編同朋友兩個，一個叫咗青花魚（고등어구이 한상）同紅鱸魚（금태구이 한상）。
青花魚餐 (고등어구이 한상) - ￦11,000
首先小編食嘅係青花魚，大家可以喺魚上面吱少少檸檬，咁樣魚就會更有鮮味，小編覺得可以將魚同埋蔥一齊食，咁樣會更加好味！另外如果大家鍾意食比較鹹啲啲嘅話，可以點豉油或者Wasabi去食，而且佢唔會有好多骨，肉好嫩，食嘅時候好方便。
紅鱸魚餐 (금태구이 한상) - ￦17,000
而朋友叫嘅紅鱸魚，肉質一樣好鮮嫩，不過食嘅時候就會覺得有少少腥？（可以接受），只要加咗檸檬即刻冇咗腥嘅感覺。
本身每一個餐係包一碗白飯，但小編就加咗￦1,000換豉油蛋飯（간장계란밥），呢個真係世界級好食 佢唔會好鹹，同魚一齊食超夾，或者大家可以喺上面加配菜，例如泡菜、螺肉等一齊食，別有一番風味。
呢個薯蓉亦都好好味！
呢個牛肉海帶湯比平時嘅雖然淡咗啲，但食落就覺得更加健康，牛肉好嫩。
如果有更多想知嘅內容，都可以隨時留言或者dm話俾我哋知：）
Instagram：creatrip.hk