HYBE INSIGHT 介紹
小編親自去咗一趟HYBE INSIGHT！一開始好興奮，去到後面可能會眼濕濕？
Hello，大家好 ，我哋係由韓國人每日提供最新韓國旅行資訊嘅Creatrip。
如果係KPOP迷嘅大家，相信嚟到韓國都會想去經紀公司面前等偶像，早前小編就去咗HYBE新開博物館！（小編都差唔多等咗兩個月先去到.....啲飛好快賣唒 ），唔知大家之後嚟又有冇諗住去呢？
HYBE INSIGHT介紹
- 地址： 서울 용산구 한강대로 42 지하 1, 2F
- 營業時間：每日 11:00 - 21:30 、逢星期一休息
- 小Tips：地鐵去新龍山站（신용산역）2號出口行大約9分鐘，或者搭巴士去到漢江大橋北段-LG Uplus站落車行1分鐘就可以。
- 入場費：普通入場券 22,000won 或 偶像相入場券 25,000won
- 預約網址：https://hybeinsight.com/
要去HYBE INSIGHT一啲都唔難，只要搭地鐵去新龍山站（신용산역）2號出口行大約9分鐘，或者搭巴士去到漢江大橋北段-LG Uplus站落車行1分鐘就可以。
想去參觀博物館都一定要先喺HYBE INSIGHT度預約，大家可以用Weverse帳號登入亦都得，因為app入面都有好多語言揀，相信大家都好易就會買到。入場券有分兩種，一種係普通門券（22,000won），另一種係有埋偶像嘅相（25,000won）。
不過要提提大家，去之前要先down定HYBE INSIGHT嘅app，因為登記同通知都會透過呢個app同大家講。
因為而家係疫情期間，所以入去之前都要掃QR Code，之後大家會見到呢度有好多個Locker可以免費用，基本上只要帶貴重物品喺身就OK，其他放入去保管就可以。
因為每一次可以入去限2個鐘，所以最好將重嘅嘢都先放入櫃保管，而密碼只要輸入4個數字。
正式入去之前，大家會見到呢個大螢幕，佢會不斷播HYBE旗下藝人嘅片段，只要係fans都一定忍唔住停喺度一段時間。
入去之後大家就要打開HYBE INSIGHT app嘅QR Code，俾職員確認之後，大家就會收到入場券。
小編係買咗25,000won嘅入場券，所以會見到有偶像嘅相，後面就會係自己個名（同weverse ID名一樣），小編最後揀咗Jimin、V同埋RM
拎完入場券之後，坐底等就可以，提提大家入去係會好興奮，但好多地方係影唔到相（片係絕對唔影得）。
喺等嘅期間，職員會同大家講解入面嘅流程，然後亦會同大家講分為兩隊，而小編就被分到HYBE Team。
分完隊之後大家排成兩行，之後會收到一個袋（顏色係隨機冇得揀），大家可以將銀包、手機等放入去。
大家入到去唔需要擔心會蕩失路，因為喺app入面會同大家講解，而且職員都會一直喺大家附近，入去前仲要一齊講一次HYBE INSIGHT先入到去
twitter @hybe insight
地下一樓係唔可以影相或者拍片，入去會先見到呢個通道，暗暗地令人有種覺得好神秘又興奮嘅感覺。
另外，建議大家可以帶定耳機，因為app入面有一個叫Docent嘅掣，大家可以揀自己鍾意嘅偶像，佢哋會同大家講解每一個區域有啲咩。
twitter @hybe insight
youtube @kpopherald
youtube @kpopherald
呢度有一部機係360度可以睇到偶像或者製作人嘅工作室，超神奇。
twitter @bts
twitter @bts
vlive @bts
唔知大家只睇相，又記唔記得以上嘅工作室係邊個嘅呢？
youtube @kpopherald
youtube @kpopherald
呢一個區叫做Sound Layers，大家可以戴住耳機聽偶像唱嘅歌，而且仲可以揀指定成員同樂器，就好似一秒間變咗製作人咁。
yonhap news
twitter @hybe insight
之後下一個區大家會見到好多個大螢幕，每一個螢幕都會播緊唔同偶像嘅MV，會令人一直忍唔住停喺度睇。
twitter @hybe ingiht
twitter @hybe ingiht
喺In Motion區，會見到好多偶像練舞嘅時候幕後花絮，因為係每一秒都紀錄底，所以睇嘅時候，會見到有啲相偶像嘅樣超搞笑
twitter @hybe insight
twitter @hybe insight
相信大家都會好期待自己偶像幾時會出歌，幾時有新專輯，或者嚟緊新歌同上一首歌又會唔會有關？喺呢一個位，大家可以睇到當中嘅秘密。
youtube @kpopherald
twitter @hybe insight
youtube @kpopherald
youtube @kpopherald
大家一定唔可以錯過呢個Between The Lines區，大家可以拎係耳機聽住偶像嘅訪問，有啲似係同大家傾緊電話咁。
youtube @BANGTANTV
youtube @TOMORROW X TOGETHER OFFICIAL
另外喺Behind The Swaet區，大家可以睇到平時偶像練舞嘅過程，可以見到佢哋平時幾俾心機。
weverse @bts
naver x dispatch
另外呢度仲有好多偶像之前用過嘅MIC都展示咗出嚟，好多都已經有好多痕跡，見證住佢哋嘅一直以嚟嘅成果。
twitter @hybe insight
뉴스켤처
twitter @hybe insight
呢一個區係講述HYBE旗下藝人嘅故事，以及音樂點樣傳到世界各地。
呢度會展示藝人拎過嘅獎，真係令人忍唔住嘩一聲！背景音樂加上燈光令到呢度超震撼！
twitter @bts
就連BTS成員之前都嚟過影相。
行完地下一樓，終於可以去另一層，呢層大家可以任影相（唔可以拍片）。
呢度展示咗好多RＭ鍾意嘅藝術家之一James Jean好多作品，同樣呢啲畫都令到BTS有好多唔同啟發。
如果想了解更多可以企喺前面睇影片，不過展覽只係到2021年11月14號。
之後去到 Ways Of Listening區，大家可以喺度玩一個AR game，集齊所有金幣喺走之前仲可以拎到獎品。
玩法好簡單，大家只要喺25分鐘內收集9個金幣就可以，大家要不斷行，之後經過指定區域就會獲得1個金幣。
喺玩嘅同時大家亦要爭取時間喺度影吓相，因為錯過咗就冇㗎啦
뉴스켤처
如果大家係有節奏感，一定唔可以錯過呢個Beat Challenge。
雖然好似平時手機玩嘅game差唔多，但現實咁玩真係難更多
望住其他人玩都好高分.....小編就......
另外大家可以留意地板有一個叫STAND HERE嘅字，企喺度大家會聽到偶像嘅歌，好似喺大家耳邊唱緊咁，超神奇！
呢個位之前SUGA同Jimin都有嚟過打卡，喺A.R.M.Y嘅你又點可以錯過？
呢間房嘅主題叫做Euphoria嘅SOLO曲，呢度可以聽到柾國唱歌，同埋有一種香味，令人聞落好舒服。
就連之前BTS著過表演嘅衫都可以喺度睇到，唔知大家記唔記得邊個著邊套呢？唔記得都唔緊要，因為有螢幕會話俾大家知正確答案。
呢個位係展示咗SEVENTEEN成員每一隻戒指。
之前NU'EST拍MV著過嘅衫都有展示出嚟，唔知大家又記唔記得係邊個MV呢？
喺呢一個區大家可以跟住音樂咁跳舞，大家先用QR Code登記，跳完之後會收到Email，大家可以睇返段片。
呢度掛滿好多藝人嘅海報，每一張都好吸睛
twitter @bts
呢度有一個位係俾大家睇當時偶像拍MV嘅場景，佢會不斷轉，大家可以停一停去睇。
之後職員會再大家聚集埋一齊之後去另一個區，呢個區入到去會好靜，唔會聽到出面嘅聲音。（提提大家，千祈唔好多手去掂）
yonhap news
最後呢一個區會播藝人嘅訪問，佢哋會坦白講出佢哋嘅感受，有啲聽到可能會令人眼濕濕添！
睇完訪問會去到最後一個區，呢度所有旗下藝人專輯都展示咗出嚟，唔知大家又買過幾多隻呢？
大家唔好唔記得喺度都要打返張卡啊！
記住如果大家喺玩遊戲嘅時候贏咗，一定要去掃QR Code拎獎品，最後小編們都嬴咗一個手帶同一個耳塞？
喺走之前大家如果有鍾意嘅，都可以喺度買啲週邊返去。
大家仲記唔記得小編一開始收到嘅袋呢？原來呢度要14,500won一個！
喺呢度大家仲可以見到HYBE用咗藝人著過嘅衫，剪成一塊布，之後做成鎖匙扣去賣，完全可以稱得上零浪費！
嚟到又點可以錯過食HYBE老闆房時爀推薦嘅蛋撻呢？每盒9,800won，有原味、蘋果肉桂、紅豆核桃3種口味，如果可以加熱少少食會更好味。
如果只食蛋撻可能會覺得有啲口乾，咁就試吓HYBE嘅配方茶啦！Pop Gray帶有苦味，而Sound Herb有果味同淡淡酸味，個人會比較推薦Sound Herb。
走之前要喺呢個BTS 《Life Goes On》MV場景打返張卡
記住喺走之前都要用QR Code去紀錄底啊！
喺 HYBE INSIGHT呢兩個鐘入面，雖然未必影到好多相同片，但一樣都可以玩得同睇得開心，之後嚟韓國，大家又會唔會去呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk