Hello，大家好 ，我哋係由韓國人每日提供最新韓國旅行資訊嘅Creatrip。
大家有冇用訂閱服務呢？ 訂閱服務係指俾咗一定嘅訂閱費，就可以定期使用服務，最典型嘅例子就係Netflix等OTT（over-the-top）服務，或者係Apple Music等等嘅串流媒體服務！最近韓國嘅訂閱服務市場變得非常龐大，超越咗線上享受嘅OTT服務或串流媒體服務，出現咗唔同種類嘅新型訂閱服務。今日小編就話俾大家聽最近韓國嘅訂閱服務出現咗啲咩，睇吓點解呢啲訂閱服務會變得咁hit啦！
韓國嘅訂閱服務介紹
訂閱服務嘅種類
1. 酒類訂閱
instagram @sooldamhwa
價格：每月39,000won（約HKD270）
大家都知好多韓國人都鍾意飲酒，但唔係個個都對酒好有研究，通常飲嚟飲去都係嗰幾隻。如果每個月俾39,000won訂閱「Sooldamhwa」（술담화）嘅「damhwa箱」，每月就可以收到新種類嘅酒，而且全部都係韓國嘅傳統酒嚟㗎添！
instagram @sooldamhwa
提起韓國嘅酒，好多人淨係知燒酒同米酒，其實韓國有1200多間釀酒廠，2000幾種酒！ 一個「damhwa箱」有2-4支傳統酒同一張酒卡！酒卡上除咗介紹相關產品嘅基本資料同味道之外，仲會推薦配酒嘅下酒菜！ 因為傳統酒嘅價格比較貴，所以39,000won就有2-4支，非常吸引。
instagram @sooldamhwa
Sooldamhwa嘅damhwa箱服務幫到被大型公司製造嘅酒搶去光芒嘅韓國傳統酒，得到返關注。同時俾愛酒人士一個機會，等佢哋可以創造出屬於自己嘅特殊品味，而唔係局限於平凡嘅酒！如果想挑戰燒酒、啤酒、米酒等等嘅韓國傳統酒，訂閱呢個damhwa箱應該係最好嘅辦法！
2. 內衣類訂閱
價格：每月19,900won (約HKD138)
各位sis又知唔知道一個bra嘅壽命只有6個月呢？ Bra係女仔最貼身嘅衫，所以揀啱自己身型嘅bra係好重要！如果唔係，個bra就發揮唔到佢嘅作用，仲會為自己身體帶嚟負擔，可能會引致消化不良、姿勢不良等問題。
inthewear
為咗解決呢啲問題，韓國內衣品牌「In the wear」推出咗訂閱服務！In the wear 想每個女仔都積極咁看待自己嘅身體，可以著上健康又靚嘅內衣，每個月俾19,900won就可以收到新嘅內衣！ 甚至頭三個月只需要9900won（約HKD68）就可以體驗呢項服務，價錢相當實惠。
inthewear
開始訂閱之後，第一個月需要輸入自己嘅體型資料，唔單只尺寸，仲包括整體身體面貌，等In the wear推薦到更適合自己嘅內衣。 加上著咗收到嘅bra之後可以俾返feedback，下一個月就會收到更加啱身嘅內衣！ 因為In the wear係根據客人嘅身型而推薦同寄出合適嘅bra，好多客人都話好舒服，而且仲可以試唔同嘅設計，好有意思，所以訂閱bra嘅人都越嚟越多🤩
3. 花類訂閱 
kukka
價格：17,900won (1次，以S size為準)
Kukka係韓國最出名嘅鮮花品牌，唔只有實體店，網上都可以買到好靚嘅花，仲可以上插花嘅堂。 Kukka推出嘅花束訂閱，由S size嘅細型花束到XL嘅巨型花束，總共有4個size任君選擇，仲可以揀想訂閱嘅期限，喺期限入面每2個禮拜就會送一次花束。
kukka
一般情況都係特別嘅日子先會送花/收花！唔知係咪因為咁，使用Kukka訂閱服務嘅人就好似每兩個星期就送一次禮物俾自己咁，所以滿意度非常高。如果係送俾人嘅話，仲可以加埋卡，收到嘅人會更加感動！
kukka
想送花俾另一半，可以透過我哋Creatrip代購服務度訂㗎！
4. 咖啡類訂閱
조선비즈
根據2018年嘅數據顯示，韓國一位成年人一年間飲嘅咖啡足足有353杯，即係話一年365日入面除咗12日之外，每一日都飲咖啡，係大約世界平均消費量嘅2.7倍！韓國人超鍾意飲咖啡，所以都推出咗咖啡訂閱服務。
투썸플레이스
A Twosome place、Ediya、Dunkin冬甩、Paris Baguette、Tous Les Jours等連鎖cafe或bakery都設有咖啡訂閱服務，一個月大約2萬won（約HKD140），即可享受咖啡訂閱服務。 以Tous Les Jours為例，如果每月俾19,900won，就可以喺30日裏面每日喺舖頭飲到一杯美式咖啡，平均每杯都只係663won，超抵！
如果係每一日都飲咖啡嘅打工仔或者學生，喺公司、學校附近嘅連鎖cafe度用咖啡訂閱服務，比單次咁買嚟飲真係抵好多！
5. 化妝品類訂閱
memebox
價格：每月19,900won (以12個月為準)
事實上，化妝品訂閱服務喺10年前都流行過一次，當時係random咁提供化妝品，但係最近訂閱服務再次流行，新登場嘅化妝品訂閱服務更加先進， 代表性嘅例子有memebox嘅follow memebox。
memebox
Follow memebox根據每月concept提供唔同化妝品，例如今年4月係櫻花彩妝盒，5月係人生照片盒，6月係青春女主角盒，利用唔同概念嚟展示化妝品！如果單買盒入面嘅產品，幾乎要10萬won（約HKD700），但訂閱嘅話只要2萬won就買到，係咪超抵呢？如果大家鍾意化妝品，又成日買嘅話，訂閱應該係一個唔錯嘅選擇！
6. 零食類訂閱
lottesweetmall
價格：每月9,900won (約HKD68)
韓國最大嘅零食公司之一 --樂天零食，最近喺韓國零食界中率先推出零食訂閱服務，引起極大嘅關注。 起初計劃只接受頭200人嘅申請，但聽講開售第一日3個鐘之內就賣晒。因為咁受歡迎，所以唔再受限制，而家可以隨時喺樂天Sweet Mall度申請！
lottesweetmall
訂閱每月零食會提供裝滿一箱好味嘅樂天零食，根據每個月唔同主題，可以享受到符合主題嘅多款零食，而且仲可以最先得到樂天零食嘅新產品優惠。對於平時鍾意食零食嘅人嚟講，呢個訂閱應該超正！
7. 私家車訂閱
현대
價格：每月75萬won (標準級)
除咗嘢食同衫，有冇諗過仲訂閱私家車呢？ 韓國汽車品牌--現代汽車喺2019年開始提供名為「現代Selection」嘅私家車訂閱服務，冇需負擔任何同私家車相關嘅稅金或保險等費用，可以喺自己想要嘅期間內用車！
현대
以現代Selection嘅標準級為準，可以隨心所欲咁用到現代汽車全新Avante、Venue、Sonata 同 Tucson等4種車！除咗申請服務本人之外，仲可以加多1名指定用戶，所以一齊share嘅話，可以平分75萬won（約HKD5200）嘅月費，即係37萬5千won（約HKD2600）就得啦。
현대
現代Selection嘅好處是可以用比較平嘅價錢用到好貴嘅車！ 經濟上難以負擔買車嘅二、三十歲人士，或者想買新車之前體驗吓嘅人都會用呢項服務。
訂閱服務受歡迎嘅原因
透過上面嘅介紹，大家都了解咗最近喺韓國好受歡迎嘅7種訂閱服務，而且證明咗訂閱服務變得多樣化。 kt經濟經營研究所指出，韓國嘅訂閱經濟市場規模由2016年嘅25萬億韓元，增加至2020年嘅40萬億韓元，大約增加咗54%。究竟點解呢啲訂閱服務會咁受歡迎呢？
1. 因COVID-19而偏好非面對面嘅消費
其實訂閱服務唔係一樣新嘢，喺好耐之前開始，牛奶、報紙、雜誌等服務就係傳統形式嘅訂閱服務，但係由2020年開始訂閱服務就好大嘅發展。 雖然原因好多，但COVID-19嘅影響唔可以睇小。
cheli
因為COVID-19疫情嘅關係，消費者鍾意咗非面對面嘅消費，令佢哋更加習慣喺網上買嘢。比起直接喺實體店度買，更希望產品同服務送到上門。 消費者可以安全方便咁享受服務，企業方面又有穩定收益嘅機會，所以由COVID-19開始，訂閱服務市場就爆發式咁增長。
2. CP值
cheli
好多消費者會用定期訂閱服務嘅最大原因係CP值高。 喺上面介紹嘅大部分服務入面可以睇到，比起單件咁買，訂閱服務可以享受到更平、更抵嘅服務。熟悉online訂閱服務嘅年輕一代，收入唔高，買嘢嘅時候會睇價錢。如果可以用實惠嘅價錢享受到自己需要嘅嘢，就會自自然打開銀包。
3. 追求多樣化嘅體驗
實惠嘅價錢固然係一個好重要嘅因素，但為咗令消費者KEEP住消費，就必須滿足埋佢哋心理上嘅需求。 最近流行嘅訂閱服務就滿足咗主要消費者嘅心靈需要，正正係對MZ一代（10~30歲）嚟講最重要嘅價值觀--「多樣化體驗」！
大家睇返頭先小編介紹嘅服務，除咗咖啡類訂閱之外，幾乎全部都係每個月發送新產品。 而家韓國嘅年輕一代比起長期擁有一樣嘢，更加鍾意體驗新嘢。 訂閱服務越嚟越受歡迎，唔係因為根據消費者嘅喜好每個月發送同一樣嘅產品，而係因為透過適當嘅策略，送上略有唔同嘅產品！
今日同小編一齊了解咗韓國有邊啲得意，又意想唔到嘅訂閱服務，同埋呢種服務越越受歡迎嘅原因！大家鍾意邊種訂閱服務呢？ 歡迎留言話俾小編知 😊
如果有更多想知嘅內容，都可以隨時留言或者dm話俾我哋知：）
Instagram：creatrip.hk
