Hello，大家好，我哋係由韓國人每日提供最新旅行資訊嘅Creatrip。

大家嚟首爾玩嘅時候，應該都見過，或者去過唔少好靚嘅cafe，不過好多都係裝修、擺設營造出嚟嘅氣氛。想享受到自然氣色嘅話，就一定係濟州島啦！靚景同特有嘅氛圍互相融合，喺第二度好難睇到！

今日小編推薦大家10間感受到濟州島嘅美麗，連韓國人都好鍾意去打卡、影靚相嘅cafe，一齊跟住小編出發啦！

濟州島最啱打卡嘅cafe推介

Aewol the sunset (애월 더 선셋)

地址：제주도 제주시 애월읍 일주서로 6111

營業時間：夏季 10:00 - 20:00 (last order: 19:30)；冬季 10:00 - 19:00 (last order: 18:30)

instagram @real__siri

Aewol the sunset 係位於同名度假村1樓嘅coffee shop，可以一邊欣賞濟州島超靚嘅海景，一邊嘆咖啡、食甜品，係濟州島西邊其中一間好出名嘅coffee shop！

instagram @magnifi_suji

雖然室內都有位可以坐，但想睇到蔚藍色大海，同海景合照嘅話，一定要坐出面啦！如果係旅遊旺季去嘅話，出面嘅位仲會爭崩頭。

instagram @lanee__j

同店名一樣，黃昏嘅時候喺呢度可以睇日落嘅霞光，真係好靚㗎！

Gongbech (공백）

地址：제주도 제주시 구좌읍 동복로 83

營業時間：每日 10:00 - 19:30

Gongbech cafe 以前係BTS SUGA嘅哥哥開嘅，雖然而家已經轉咗手，但一樣好多人慕名而來。

instagram @_minginho_24

呢度係由以前用嚟做冷凍倉庫嘅舊建築改造而成嘅，利用植物營造出獨特嘅藝術氛圍，空間好大，好多地方俾大家打卡。

coffee shop前面有條散步嘅路，連接住個海！大家飲完咖啡，食完甜點可以行去呢度，吹吓海風，好寫意㗎！

Sum&Some (섬앤썸)

地址：제주도 제주시 애월읍 가문동길 80

營業時間：每日10:00 - 20:00

instagram @_kky_24_

Sum&Some係一間cafe+pub嘅復古風coffee shop，呢度嘅麵包好出名，因為係天然發酵，又健康又好味。

instagram @borntheshop__

最出名嘅梗係個海景啦！cafe好有工業風，靠住海嗰邊有好多窗，可以欣賞到濟州玄武岩同海景！

instagram @spirit__yogin

影出嚟相都好靚，開咗唔夠2年，已經好多人知，好受歡迎。

Saturday Island （세러데이 아일랜드 남원）

地址：제주도 제주시 남원읍 남한로 21번길 28

營業時間：12:00 - 18:00 (last order: 05:30)，由11:30開始可以排隊等入場，逢星期二、三休息

instagram @yuunee

濟州島嘅cafe最出名嘅係有海景，呢間cafe雖然唔係喺海邊，但係舖頭嘅裝修設計，營造出嘅氛圍好特別，一樣得到大家嘅喜愛。

instagram @mi.ran

嚟到呢度，就好似以前返去鄉下度玩咁，裝飾同擺設都充滿親切感，最重要嘅係可以透過大窗，睇到好靚嘅庭院。

instagram @daisy.n.andy

cafe嘅空間雖然唔大，但係好安靜，可以好舒服咁休息！同心愛嘅人喺呢度嘆吓咖啡、傾吓偈，一定會覺得好溫馨、好幸福！

Biyangnol (비양놀)

地址：제주도 제주시 한림읍 한림해안로 311 

營業時間：11:00 - 19:00（星期二休息）

instagram @maaezg

天氣好嘅時候，望去濟州島西面嘅海邊，會見到一個小島，叫「飛揚島」。 Biyangnol cafe係一間可以欣賞到飛揚島同晚霞嘅coffee shop。

instagram @maaezg

呢度嘅裝修都非常出名，整齊簡潔得嚟空間又大，擺放一啲植物同復古風嘅傢私，好有感覺，加上透明嘅玻璃屋頂，陽光照射落嚟時候更加靚。

instagram @am__yeji

喺呢度望住濟州島西邊咁靚嘅海景，飲住咖啡，真係好嘆！影出嚟嘅相都好唔錯㗎！

Cafe Mônsant De Aewol (몽상드애월)

地址：제주도 제주시 애월읍 애월북서길 56-1

營業時間：每日 10:00 - 19:30 (last order: 19:00)

instagram @danbii.ii

呢間cafe又叫做「GD cafe」，每日都吸引咗幾千名遊客嚟嘅超人氣cafe。雖然而家唔再係GD經營，但仍然好多人慕名而來。

instagram @5nammaemam

呢度最大嘅特點係超大嘅露台同沙灘。攞住嘢飲行去沙灘，望住海景吹住海風，真係好度假feel！

instagram @5nammaemam

因為cafe嘅位置係喺濟水州嘅西邊，喺呢度睇日落都唔錯㗎！

Viewst (뷰스트)

地址：제주도 서귀포시 안덕면 형제해안로 30

營業時間：每日 10:00 - 21:00

instagram @leesu_o.o

就咁睇Viewst呢個店名就知風景係佢哋嘅賣點！呢度嘅窗設計成一個畫框咁，加埋個景，影出嚟真係好似一副風景畫咁！

instagram @yaaang_131

上面張相入面就係呢間cafe人氣最勁嘅photo zone！ 天氣好嘅話，除咗影到靚相，仲可以去屋頂一邊嘆咖啡，一邊感受吓海水嘅味道！

明月國民學校 (명월국민학교)

地址：제주도 제주시 한림읍 명월로 48

營業時間：每日 11:00 - 19:00

instagram @su_uuuuuuuuuuuu

明月國民學校嘅概念相當獨特，喺其他地方搵唔到㗎！ 呢度係改造廢棄咗嘅國民學校（到1995年為止叫做國民學校嘅小學）之後建成嘅coffee shop！ 保留住學校嘅操場同建築物，感覺就好似以前返去小學玩一樣。

instagram @su_uuuuuuuuuuuu

每個班房都設定咗cafe、小商品店、畫廊等等嘅概念，寫住「咖啡班」（커피반）嘅地方就係cafe啦！

instagram @su_uuuuuuuuuuuu

每一個地方都設有影相位，想體驗吓特別設計嘅cafe，呢度就啱晒啦！

High End Jeju (하이엔드 제주)

地址：제주도 제주시 애월읍 애월북서길 56

營業時間：每日 09:00 - 22:00 (last order: 21:20)

instagram @sub____

High End Jeju係喺之前介紹 Cafe Mônsant De Aewol 嘅格離，係同Hi Class-Jeju度假屋一齊經營嘅，間cafe係咪睇落好大呢？

呢度嘅戶外座位最受歡迎，啲燈泡仔裝飾得好靚，好似喺海邊開Party咁！

Orrrn (오른)

地址：제주도 서귀포시 성산읍 해맞이해안로 2714

營業時間：每日 11:00 - 19:00，每個月第二、第四個星期三休息

instagram @ranni__

最後介紹俾大家嘅係2021年4月開張嘅Orrrn，呢間cafe係位於濟州島最出名嘅旅遊景點城山日出峰附近，就咁睇cafe嘅外觀都覺得好靚、好有feel！

instagram @hjo21

Orrrn開張2個月左右，憑住精緻獨特嘅裝修吸引咗好多人！cafe前面就係一望無際嘅大海，後面就有個油菜花田。春天嚟嘅話，唔單只睇到海，仲睇到開得好燦爛嘅油菜花添！

instagram @hjo21

行上城山日出峰睇完日出之後，就可以喺呢度攤唞吓，影吓靚相，正啊！

instagram @real__siri @jxxvely

以上就係小編為大家精心挑選出10間濟州島嘅靚靚cafe 🥰 大家嚟濟州島旅行嘅時候都揀幾間去吓，影吓呃like相啦！😆

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購