童顏韓星排名
佢哋好似食咗防腐劑咁，出道咁多年個樣都可以唔變咁勁？
Hello，大家好，我哋係由韓國人每日提供最新旅行資訊嘅Creatrip。
韓國而家出道嘅偶像好多都係00後，不過大家又知唔知以前好多歌手都好似食咗防腐劑咁，出道咁多年完全仲係keep到超童顏！今日小編想同介紹由韓國綜藝TMI NEWS選出嘅TOP7 童顏韓星，大家睇完佢哋真實年紀，又會唔會被嚇一跳呢？
韓星童顏排名
TOP 7 - BTS Jin
第七位係我哋嘅BTS大哥Jin啦！雖然完全睇唔出到佢已經30歲（韓國年齡：31），但係佢成日都會講大叔笑話（아재개그），雖然有時會令到所有人靜曬，但呢個都係佢嘅可愛一面
TOP 6 - Red Velvet Irene
由出道前開始嘅高中畢業相開始已經受到關注，喺出道之後，Naver搜尋榜更係直升第一位，無講係咩角度影都係零死角，雖然成日俾成員笑佢係鍾意食婆婆味嘅嘢（할머니 맛），但同成員一齊嘅互動仲好有活力，眨吓眼今年已經31歲（韓國年齡：32），但完全係睇唔出！
TOP 5 - EXO Xiumin
講到童顏小編第一時間都諗到Xiumin，由出道到而家基本上完全冇變，雖然EXO入面係大哥，但睇落更似忙內 今年32歲（韓國年齡：33）嘅佢，小編都好想知佢點keep到咁可愛同童顏。
TOP 4 - 少女時代 太妍
不知不覺太妍已經出道14年，到而家樣貌同出道當時都係差唔多，今年已經33歲（韓國年齡：34），不過相信如果講23歲，應該都會有人相信 平時睇佢嘅綜藝或IG，完全係魅力無法擋！
TOP 3 - 2NE1出身 Dara
以前因為獨特嘅髮型而受到大眾關注，當時出道雖然已經26歲，同忙內Minzy足足相差10歲，但一啲遺和感都冇！今年38歲（韓國年齡：39），但仲係keep得超好！
TOP 2 - Super Junior 希澈
第二位就係我哋宇宙大明星希澈啦！佢完全好似食咗防腐劑咁，咁多年都可以唔變，當年佢面試SM，明明遲到咗30分鐘，正常都會唔合格，點知考官只係睇到希澈個樣即刻合格！佢仲要俾女星更靚....今年已經39歲（韓國年齡：40）......點解可以睇唔出
TOP 1 - 水晶男孩 志源
志源拎第一真係眾望所歸，童顏之中嘅童顏，就算當年佢演《請回答1997》做學生，一啲都唔覺得怪，仲係好夾！睇《西遊記》佢可愛佢一面真係好難唔陷入佢魅力當中，雖然已經40＋（韓國年齡：45），但真係好難令人相信。
如果有更多想知嘅內容，都可以隨時留言或者dm話俾我哋知：）
Instagram：creatrip.hk