帶你遊勻各個韓劇/電影拍攝地
韓劇、電影啲景都超真實，超靚！係CG定實景？跟小編一齊嚟啦！
Hello，大家好，我哋係由韓國人每日提供最新韓國旅行資訊嘅Creatrip。
唔知大家睇韓劇或者電影嘅時候，有冇諗過去拍攝地度睇吓呢？ 今日小編就為大家介紹幾個韓國人氣電視劇同電影嘅拍攝地啦！😉好多韓國人都去呢啲地方打卡，同扮劇入面嘅角色影相，快啲跟小編一齊行啦！GOGO！！
1. Sunshine Land（선샤인 랜드）
地址：충청남도 논산시 연무읍 봉황로 102
營業時間：09:00 - 17:00（12:00 - 13:00 Lunch Time）（星期三休息，如果本身星期三休息會改其他日子休息）
출처: instagram @minx_9712
呢度係韓劇《陽光先生》主要嘅拍攝地，叫Sunshine Land，所有嘅佈置都好真實，好似搭咗時光機咁返去1900年代～1950年代嘅韓國咁！
출처: instagram @cheese_models
呢度仲可以租當時嗰個年代著嘅服裝添！連劇入面主角著過嘅衫都有，大家可以租嚟著，扮返一日主角都幾開心啊！
2. 龍仁大長今主題樂園（용인 대장금 파크）
地址：경기도 용인시 처인구 백암면 용천리 778-1
營業時間：11月至2月 09:00 - 17:00、3月至10月 09:00 - 18:00
入場費：成人₩9,500、中學生₩8,000、48月個幼兒至小學生₩7,000、48個月以下幼兒免費
출처: instagram @dj__dana
龍仁大長金主題樂園係《大長今》、《朱蒙》、《善德女王》、《同伊》、《李祘》、《擁抱太陽的月亮》等多部MBC人氣古裝劇誕生嘅地方！
最近BTS SUGA《大吹打》（대취타）嘅MV都係呢度拍㗎！
출처: instagram @jin_y_00
呢度真係好大，管理得又好好！由以前市民生活嘅空間，到豪華嘅皇宮，都一一呈現喺大家眼前。細心咁逐個睇嘅話，眨吓眼時間就過去啦！
출처: instagram @taewon._
喺呢度可以搵到唔少古裝劇嘅痕跡，度度都好熟口面！鍾意睇古裝劇嘅人一定唔可以錯過呢度啊！
3. 順天連續劇拍攝場地（순천 드라마 촬영장）
地址：전라남도 순천시 왕조2동 비례골길 24
營業時間：每日 09:00 - 18:00 （最後入場時間17:00）
入場費：成人₩5,000、學生、軍人、小童₩3,000、殘疾人士或65歲以₩2,000
출처: instagram @oct.autumn
呢度一直以嚟誕生咗好多韓劇同電影，最有代表性嘅係《麵包金卓求》、《Giant巨人》、《狼少年之戀》嘅拍攝地😊
출처: instagram @yeo_luck
呢度按時代咁分成3個村莊： 「60年代順天邑內街」、「70年代首爾奉天洞貧民窟」、「80年代首爾邊緣街」，超高質素咁呈現出來！唔少情侶都好鍾意喺呢度租舊校服著住嚟拍拖添！
4. 益山教導所攝影棚（익산 교도소 세트장）
地址：전라북도 익산시 성당면 함낭로 207
營業時間：每日09:00 - 18:00、冬季 09:00 - 17:00（星期一休息）（最後入場時間為閂門前30分鐘）
출처: instagram @from.hyuk
呢度係韓國唯一一個監獄嘅攝影棚。唔單只韓國電影《7號房的禮物》喺度拍過，美國科幻電視劇《超感8人組》都有嚟呢度取景。
출처: instagram @bambam_couple
呢度有2層，連埋一個庭院，將監獄裏裏外外完美複製出嚟，監倉、單人室、審問室、行刑室等等，就咁聽都覺得驚！
출처: instagram @bambam_couple
就算唔係自己鍾意嘅電影、電視劇嘅拍攝地，大家都可以嚟呢度著住囚服，或者警裝咁體驗吓監獄入面嘅環境！ 正常行得正企得正嘅人，一世人應該都唔會入去監獄，所以感覺都幾得意！！
5. 陝川影視主題公園（합천 영상 테마 파크）
地址：경상남도 합천군 용주면 합천호수로 757
營業時間：11月至2月 09:00 - 17:00 （最後買飛時間16:00）、3月至10月09:00 - 18:00（最後買飛時間17:00）（星期一休息，如果本身星期一休息會改第二日休息）
출처: instagram @ji_ny96
陝川影視主題公園係以1920年代-1980年代為背景嘅韓國頂級時代劇攝影棚！ 韓劇《新娘面具》、《祕密森林》、《陽光先生》同電影《暗殺》、《陽光姊妹淘》、《逆權司機》等，大約有190部作品都係喺呢度拍攝！
출처: instagram @lubbbapple
一個空間可以體驗到60年之間嘅境況，每一個角落都好有意思，喺度打卡打到手都軟啊！
6. 薯童謠主題公園（서동요 테마파크）
地址：충청남도 부여군 충화면 가화리 279
營業時間：冬季（11月-2月） 09:00 - 17:00、夏季（3月至10月） 09:00 - 18:00 （星期一休息）
入場費：成人₩2,000、青少年₩1,500、小童₩1,000
출처: instagram @kkook_pic
呢度係2005年人氣韓劇《薯童謠》嘅拍攝地，劇集拍完之後建成咗主題公園！其後《太王四神記》、《月之戀人－步步驚心：麗》、《雲畫的月光》等多部韓劇都嚟呢度取景。
출처: instagram @2__0s2
呢度有3萬坪咁大，唔單只呈現咗朝鮮時代嘅景，仲有高麗時代、三國時代嘅面貌都睇到！大家想睇又靚又充滿傳統氣息嘅風景，嚟呢度就啱啦！😉
7. 莞島青海浦口攝影棚（완도 청해포구 세트장）
地址：전라남도 완도군 완도읍 청해진서로 1161-8
營業時間：每日 08:00 - 19:00
출처: instagram @byeol______2
呢度係位於韓國最南邊莞島嘅青浦口攝影棚，《海神》、《朱蒙》、《大祚榮》、《鳴梁》、《海賊：汪洋爭霸》等要出海嘅古裝劇或電影大部分都喺呢度拍！
출처: instagram shuni_love22
呢度唔單只有用韓屋佈置嘅攝影棚，仲有廣闊嘅南海同好靚嘅山茶花林，鍾意自然嘅人一定會愛上呢度！
8. 聞慶鳥嶺開放式攝影棚（문경새재오픈세트장）
地址：경상북도 문경시 문경읍 새재로 932
營業時間：09:00 - 19:00
入場費：成人₩2,000、青少年軍人₩1,000、小童₩500、團體成人₩1,500、團體小童₩400
출처: instagram @liinzy_e
呢度除咗韓劇《六龍飛天》同電影《南漢山城》以外，仲拍過好多劇同電影，係一個超大型嘅古裝劇拍攝場地。 由茅草屋到瓦房，甚至光化門同景福宮都完美呈現出嚟！
출처: instagram @hriparkk
為咗鍾意古裝劇嘅到訪者準備咗多樣嘅娛樂項目！ 最具代表性、最受歡迎嘅就係著朝鮮時代國王、王妃服裝嘅體驗😊
9. 羅州攝影主題公園（나주영상테마파크）
地址：전라남도 나주시 공산면 신곡리 산2
營業時間：夏季 09:00 - 18:00（4月至10月 ）、冬季 09:00 - 17:00 （11月至3月）（星期一休息）
출처: @2021__wisdom
2006年播出嘅《朱蒙》就喺呢度拍攝，其後《太王四神記》、《李祘》、《與神同行》、《鬼怪》等多部電視劇同電影都係喺呢度取景，呢度主要模仿高句麗、新羅、百濟、三國時代嘅地方😊
출처: @vely__yujin
喺呢度可以體驗傳統服飾、射箭、多種傳統手作坊等等，遊客嚟到可以親身感受自己好似變咗古裝劇主人公嘅體驗。
10. 高句麗冶鐵村（고구려 대장간 마을）
地址：경기도 고리시 교문1동 우미내길 41
營業時間：平日 09:00 - 18:00、週末及公眾假期 09:00 - 19:00
출처: instagram @didorphinjinjin
呢度係可以睇到高句麗鐵器時代文化嘅主題公園。 以高句麗為背景嘅韓劇《太王四神記》喺呢度取景之後，一直被用作唔同古裝劇嘅拍攝場地。
출처: instagram @didorphinjinjin喺度可以詳細咁了解到高句麗嘅歷史同文化，仲可以體驗各式各樣嘅體驗，好適合一家大細嚟呢度玩。
11. 韓國民俗村（한국민속촌）
地址：경기도 용인시 기흥구 민속촌로 90
營業時間：平日10:00 - 19:00、週末及公眾假期：10:00 - 21:00
入場費：成人₩25,000、青少年₩22,000、小童₩20,000、成人自由券₩30,000、青少年自由券₩27,000、小童自由券24,000
출처: instagram @ohyu1231
韓國民俗村係一個200%體驗到韓國傳統屋企同習俗嘅主題公園，嚟呢度嘅遊客真係好多。 《成均館緋聞》、《擁抱太陽之月》等人氣韓劇都喺呢度拍。 大家都試下著住韓服，喺呢度影返輯相啦！
12. 太陽的後裔拍攝地（태양의후예촬영장）
地址：강원도 태백시 통동 346-4
營業時間：每日 10:00 - 18:00
출처: instagram @lee_da_in
《太陽的後裔》嘅fans一定要嚟位於江原道嘅太陽後裔拍攝地！ 可以睇到劇入面出現過嘅建築、直升機、坦克，仲可以借嗰度準備好嘅軍服同護理服，好似主角咁影相~
今日同小編遊晒咁多個拍攝場地，覺得點呢？係咪淨咁睇相都覺得靚呢？鍾意韓劇同電影嘅朋友，之後一定要去以上嘅拍攝地參觀吓啊！好難得有機會扮主角㗎！😉😉
如果有更多想知嘅內容，都可以隨時留言或者dm話俾我哋知：）
Instagram：creatrip.hk