Hello，大家好，我哋係由韓國人每日提供最新韓國旅行資訊嘅Creatrip。
最近因為《某一天滅亡來到我家門前》嘅熱播，男主角徐仁國好多年前透過綜藝節目公開嘅出生秘密都再次喺網上引起咗討論，如果你仲未知道呢個搞笑嘅故事的話，今日就等小編介紹俾你知啦！
徐仁國出生嘅秘密
2013年徐仁國同媽媽一齊上節目，提到自己父母係相差7年嘅姐弟戀，仲要係透過相睇認識嘅。估唔到後來竟然牽扯出連徐仁國自己都唔知，好似韓劇一樣咁精彩嘅秘密🤣
KBS2 <해피선데이 - 스타 패밀리쇼 맘마미아>
當時主持人問徐仁國媽媽，當知道徐仁國爸爸同自己相差咁多年有冇覺得好驚訝嘅時候，徐仁國媽媽竟然好大方咁話，其實佢都係生咗仔，去註冊結婚嗰陣先知道對方俾自己細咁多年🤣
KBS2 <해피선데이 - 스타 패밀리쇼 맘마미아>
上到節目先知道自己原來係未婚生子嘅產品（？）都未等徐仁國驚訝完，主持人就接住問徐仁國父母相睇同徐仁國出世嘅月份，點知徐仁國媽媽就話，佢哋12月份相睇，而徐仁國就係10月份出世嘅🤣
KBS2 <해피선데이 - 스타 패밀리쇼 맘마미아>
正所謂懷胎十月，全場靜咗幾秒，先反應過嚟發現徐仁國父母竟然係相睇嗰日就即刻去咗做有意義嘅生育活動（？）！隨住全場嘅大笑，徐仁國最後都忍唔住大叫咗聲「엄마（媽咪）！」。小編諗佢都冇諗過自己嘅身世竟然會用咁嘅方式公諸於世🤣
KBS2 <해피선데이 - 스타 패밀리쇼 맘마미아>
以上就係徐仁國嘅身世秘密，精彩程度真係比得上韓劇，小編第一次睇都笑咗好耐！唔知大家又覺得好唔好笑呢？歡迎留言同我哋分享！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
