弘大美食｜Amazing Nongkhai
弘大「Amazing Nongkhai」，100%正宗泰國菜，大家嚟度食完都大讚！
Hello，大家好，我哋係由韓國人每日提供最新韓國旅行資訊嘅Creatrip。
雖然韓國都有好多泰國餐廳，但如果講到要食正宗泰國菜，好多韓國人第一時間都會諗到呢間位於弘大嘅「Amazing Nongkhai」，無論係裝修定係美食，都有一種短暫去咗泰國嘅感覺！如果之後大家嚟韓國，都想試吓食泰國嘢，咁呢間大家一定唔可以錯過啦！
弘大美食「Amazing Nongkhai」資訊
- 地址：서울 마포구 동교로 156-11 1층
- 營業時間：每日 11:00 - 20:30、Break Time 15:20 - 17:00、Last Order 19:45
- 小Tips：弘大入口站1號出口行7分鐘
- 電話號碼：02-322-0567
弘大美食「Amazing Nongkhai」推薦理由
- 想食到正宗泰國菜，一定要嚟弘大呢間Amazing Nongkhai，而且佢仲得到認證。
- 呢到有其他鋪頭食唔到嘅款式，每一個人嚟到都食到好滿足。
- 呢度用嘅材料全部都好新鮮，有啲仲係泰國進口，保證大家食過番尋味！
弘大美食「Amazing Nongkhai」優惠
- Creatrip會員出示優惠券，即可享二人同行即送一杯泰式奶茶/牛奶，四人同行送兩杯，如此類推。
- 可以先落單，喺埋單嘅時候出示優惠券，職員會自動幫大家扣。
- 唔需要預約。
- 如果用coupon嘅時候，有任何疑問都可以send email到help@creatrip.com。
弘大美食「Amazing Nongkhai」菜單
主菜 | 價格 |
冬蔭功 (똠얌꿍) | 細 ₩13,000 / 大 ₩20,000 |
| 咖哩軟殼蟹 (푸팟퐁 커리 게튀김 퐁커리) | ₩25,000 |
| 甜辣炸魚 (매콤 소스 생선튀김) | 細 ₩40,000 / 大 ₩45,000 |
| 羽衣甘藍炒豬肉 (케일 튀긴 돼지고기 볶음) | ₩13,000 |
| 酸甜豬肉河粉 (새콤매콤 돼지고기 쌀국수) | ₩10,000 |
| 泰式東北部炸香腸 (태국 복동부 소시지 튀김) | ₩8,000 |
| 香辣炒粉絲 (얌운센) | ₩11,000 |
| 泰式豬肉炒飯 (팟카파오무쌉) | ₩12,000 |
| 泰式炒金邊粉 (팟타이 새우) | ₩13,000 |
| 泰式奶茶 (타이 밀크티) | ₩4,000 |
| 凍牛奶 (놈옌) | ₩4,000 |
弘大美食「Amazing Nongkhai」介紹
弘大多好嘢食，相信大家都知，不過如果講到食泰國菜，咁好多人第一時間都會諗起呢間Amazing Nongkhai！由弘大入口站一號出口行去大約7分鐘就會見到，超方便。
如果大家有計劃喺韓國長留，或者係喺韓國生活耐咗，只係食韓餐都會有感到悶嘅一日，唔知大家會唔會想試吓食正宗泰國菜呢？呢間Amazing Nongkhai仲得到認證，好多人嚟食完都覺得好似去咗短暫泰國咁。
鋪頭入面好闊落，而且都算幾多位，不過如果喺星期六、日嚟，好多時都要排隊。另外，呢間鋪頭仲好貼心咁為大家提供免費Wi-Fi添！
天氣好嘅時候大家仲可以坐出面。
鋪頭入面有好多泰國小飾物，好有泰國風情，嚟到呢度真係好似去咗轉泰國咁。
dingo
呢度唔少泰國同韓國藝人都嚟過，就好似GOT7 有謙同Bam Bam，韓國著名廚師洪錫天等。
YouTube @식신로드 4
YouTube @tvN drama
就連美食節目《Gourmet Road》（식신로드）、 《好吃的傢伙們》（맛있는 녀석들） 都嚟過拍攝，另外原來Highlight隊長斗俊之前拍《一起吃飯吧2》嘅時候，都係喺度取景。
除咗堂食之外，呢度亦有甜品俾大家外賣。
價錢一啲都唔貴，好多都係₩5,000就有交易，不過提提大家，呢度每日甜品都會唔一樣。
每一張檯都會放好餐具同調味料。
Menu上有韓文同泰文，雖然未必會睇得明，但睇圖一樣可以了解到。
小編當日總共叫咗4道主菜，分別係冬蔭功 （똠얌꿍 전골）、 甜辣炸魚（매콤 소스 생선튀김）、 咖哩軟殼蟹 （푸팟퐁 커리），同埋羽衣甘藍炒豬肉 （케일 튀긴 돼지고기 볶음）。
冬蔭功（똠얌꿍 전골）₩20,000
食泰國菜又點可以唔叫冬蔭功呢？呢度嘅湯底好濃，啲蝦亦都好新鮮同大粒，味道完全同喺泰國食嘅一模一樣！唔會話太辣，但就會令人忍唔住食完一啖又一啖。
咖哩軟殼蟹 （푸팟퐁 커리）₩25,000
小編對呢個真係超有驚喜！雖然睇落好紅會覺得好辣，點知食落嘅時候一啲都唔覺，佢同飯一齊撈埋食完全係冇得輸，不過小編建議大家可以喺佢上枱嘅時候快啲食，如果放耐咗軟殼蟹就會冇咁酥脆㗎啦！
甜辣炸魚（매콤 소스 생선튀김）₩40,000
甜辣炸魚喺Menu上會顯示₩40,000 或 ₩45,000，因為每日都要視乎魚嘅大細，而小編當日去嘅時候就係₩40,000。 小編喺韓國都食過好多泰國餐廳，但如果話要食到炸魚，呢度真係第一次！除咗有辣椒炸魚之外，呢度仲有魚露炸魚、檸檬蒸魚等，全部都好好食！
羽衣甘藍炒豬肉 （케일 튀긴 돼지고기 볶음）₩13,000
食太多肉都會想食啲菜，咁小編會推薦大家食呢一個羽衣甘藍炒豬肉，佢雖然有啲辣，但唔知係咪因為辣所以唔會覺得膩，同其他菜一齊食好夾。
呢度嘅白飯係一個愛心形狀，一上枱令人忍唔住會想即刻打返張卡。
之後小編再有加料，叫多咗幾款！
酸甜豬肉河粉 (새콤매콤 돼지고기 쌀국수) ₩10,000
雖然顏色同冬蔭功睇落好似，不過味道其實唔一樣，佢比冬陰功更加稀，但一樣都好好味！
香辣炒粉絲 (얌운센) ₩11,000
泰國同事話呢一款香辣炒粉絲同泰國食到嘅味道一模一樣！超推薦大家一定要食！
泰式豬肉炒飯 (팟카파오무쌉) ₩12,000
好多人嚟到都鍾意食呢個泰式豬肉炒飯，香港人鍾意用生菜包嚟食，但原來泰國正宗食法係冇生菜㗎！
泰式東北部炸香腸 (태국 복동부 소시지 튀김) ₩8,000
香腸入面有飯同粉絲，食落好似大蒜香腸，相信係為咗迎合韓國人口味而去整。
泰式奶茶 (타이 밀크티) / 凍牛奶 (놈옌) 原價₩4,000
大家記住只要係我哋會員，二人同行就會即送一杯泰式奶茶或者凍牛奶，四人同行就會送兩杯，如此類推！（不過要記住，喺埋單嘅時候要出示優惠券，職員到時候就會幫大家扣翻錢。）
芋頭糕（카놈 투어）₩5,000
食完主菜，當年要食甜品啦！呢一個係芋頭糕，甜甜地，好好味。
香蘭糕（카놈 찬）₩5,000
而呢一個香蘭糕，平時去到泰國都必買！而家喺韓國都有得食啦！
食完之後去埋單。
食厭韓國菜，不如之後就嚟食吓泰國菜啦！
弘大美食「Amazing Nongkhai」前往方法
由弘大入口站1號出口出嚟。
見到Shoopen繼續直行。
過完馬路之後轉右。
去到上圖呢個位之後轉左入小巷。
之後會經過一間超市，見到7-11轉右。
一直直行，就會見到Amazing Nongkhai喺右手邊。
點先可以享有「Amazing Nongkhai」送飲品優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係弘大美食「Amazing Nongkhai」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com