6月必追韓劇

萬眾期待、值得一睇嘅韓劇、電影，今年6月相繼上映

Trang Pham

3 years ago

Hello，大家好，我哋係由韓國人每日提供最新韓國旅行資訊嘅Creatrip。

疫情嚴重留喺屋企做咩好？當然係煲吓劇，睇吓電影啦！小編幫你整理6月煲劇清單啦！

6月份韓劇電影推薦

The Penthouse 3

主演：金素妍、柳真、李智雅等

首播：04/06/2021（逢星期五）

The Penthouse 3 由編劇金善玉執筆，同樣演員陣容延續前兩季嘅故事。喺預告可以看到反派朱丹泰（嚴基俊飾）、「惡女」千瑞珍（金素妍飾）同吳允熙（柳真飾）都出獄。此外，謎一樣嘅白俊基（溫朱莞飾）同沈秀蓮見面，白俊基究竟係邊個？佢同朱丹泰有咩關係？好期待《The Penthouse 3》嘅劇情發展。

機智醫生生活 2

主演：曹政奭、柳演錫、鄭敬淏、金大明、田美都

首播：17/06/2021 （逢星期四）

第一季結束嘅時候留咗好多伏筆，由tvN發佈嘅新海報，引發觀眾嘅好感心。劇情主要講述一班好朋由從學生時代，到一齊喺律帝醫院工作嘅故事。 5個人互相幫助克服困難，除咗係醫生之外，對音樂都充滿住熱情。呢套劇嘅第二季會帶嚟咩故事同情感呢？大家拭目以待啦！

婚詞離曲 2

主演：成勛、李歌領、李太坤

首播：12/06/2021（逢星期六、日）

劇情圍繞婚姻生活，以寫實溫和嘅方式，演繹一個關於維持婚姻、幸福、背叛、離婚嘅故事，讓觀眾睇得著迷，又有種戚戚焉嘅感覺。如果睇過第一季嘅人一定迫不及待想睇主角佢哋點樣保護自己嘅家人！6月12號守住個電視啦！

奪命殺聲 4

主演：李荷娜、宋承憲

首播：18/06/2021 （逢星期五、六）

繼《奪命殺聲》第1、2、3季之後，第4季仍然圍繞著死守住犯罪現場黃金時間嘅112舉報中心隊員破案嘅生活同過程。今次將一個擁有4重人格嘅連環殺人魔喺濟州島犯案嘅調查。如果大家鍾意睇懸疑片嘅fans，就唔好錯過呢套劇啦！

附加人生的她

主演：李壹花、韓昇延、閔燦基

首播： 03/06/2021 （逢星期四、五）

故事講述媽媽萬里（李壹花飾）同女兒高麗雅（韓昇延飾）之間靈魂互換嘅奇幻故事。兩個年齡、身份完全唔同嘅人交換靈魂之後，過住彼此生活，吵吵鬧鬧之中，了解並同情彼此嘅真實感受，係一套溫馨有趣嘅劇！

月刊家

主演：金知碩、庭沼珉、鄭乾柱

首播：16/06/2021（逢星期三、四）

劇情關於房地產，係當今韓國人最感興趣嘅話題。羅英媛（庭沼珉飾）係《月刊》雜誌嘅主編，工作咗10年，但存唔到錢只能以月租方式租屋住。劉自成（金知碩飾）係《月刊》雜誌社嘅CEO，同時投資房地產。偶然之下認識羅英元，兩人開始由炒樓到慢慢擦出愛火花，一齊嚟睇吓劇中點樣講房地產嘅問題同主角兩個嘅愛情係點發展啦！

鄰家魔女J

主演：朴芝妍、李太善、張義秀、高成敏

首播：04/06/2021（逢星期五）

呢一套係關於年輕人愛情同工作嘅浪漫劇，芝妍飾演人氣美妝KOL，大家都信佢介紹嘅化妝品。李太善飾演化妝品公司嘅 CEO ，產品被芝妍認證，同時作為男人追求芝妍。作為觀眾陷入佢哋浪漫嘅愛情之餘，話唔定仲可以學到一啲化妝小竅門呢？

遠看是蔚藍的春天

主演：朴志訓、姜旻兒、裴仁赫

首播：14/06/2021 （逢星期一、二）

改編自同名人氣網絡漫畫，以「人生遠看像喜劇，近看像悲劇」為主軸，講述二十幾歲嘅年輕人喺學校同生活等等面臨嘅問題。呂俊（朴志訓飾）係明日大學新生，一向以積極嘅思想感染身邊每一個人。南秀賢（裴仁赫飾）係呂俊嘅師兄，科科攞A＋，學霸一名。儘管佢好聰明，但遇到經濟困難。金素彬（姜旻兒飾）係秀賢嘅同班同學，父母離異後跟住父親生活。每個人都為自己嘅青春奮鬥，希望活得有意義。包含青春、戀愛故事、還原度極高，實在令人期待！

無法抗拒的他

主演：宋江、韓韶禧

首播：19/06/2021 （逢星期六）

改編自2018年同自同名網絡漫畫，講述一對大學生劉娜比（韓韶禧飾）和朴宰彥（宋江飾）之間溫柔浪漫嘅愛情故事。娜比一方面唔相信愛情，但一方面又好渴望愛；而宰彥係一個覺得戀愛好麻煩，但好享受曖昧嘅人。兩人俾大家一個了解對方嘅機會，最後兩人點樣喺埋一齊呢？又發生啲咩甜到漏嘅故事呢？觀眾都好期待佢哋大發閃光彈！

明天不要來