Hello，大家好，我哋係由韓國人每日提供最新韓國旅行資訊嘅Creatrip。
唔知大家仲記唔記得一個月前，明洞一品香找換店發生嘅失竊案呢？當時小偷三分鐘內已經偷走咗4.3億現金，警方確認CCTV畫面同出入密碼鎖感應時間嗰陣發現，5月1號18:20，員工開啟保安系統之後收工，但過咗5分鐘之後（18:25）裝置再度被解鎖，過咗三分鐘又重新鎖定， 而明洞一品香一樓大廈亦影到嫌犯三分鐘時間內出入嘅樣，同犯案時間、密碼鎖再度被鎖上時間一致。
離開大廈嘅男性（來源：YTN）
當時警方大肆宣傳，表示大廈附近嘅CCTV都已經可以肯定嫌疑犯行蹤，相關人士表示，針對出入門鎖、保安裝置、保險櫃都可以輕鬆打開，又冇響警報呢一點嚟睇，唔排除係找換店嘅內鬼所做。
喺早前，首爾南大門警察署表示已經拘捕嫌疑犯A某同共犯B某，將佢哋送到檢查機關。
據了解，嫌疑共犯B某係一品香找換店職員，為咗解決債務問題，向朋友A某提議一齊犯罪，同時提供保安密碼同一品香找換店嘅內部結構等資訊。5月1號下晝，員工放咗工之後，由戴住安全帽A某闖入找換錢店內部，總共拎咗2億9千萬韓元以及13萬元美金（約4億3千萬韓元）之後就逃走。
犯案畫面（來源：南大門警察署）
喺逃跑過程之中，A某為咗躲避追查，早已進行過實地調查，故意行冇CCTV嘅山間小路，不過即使係咁，韓國警方仍然確認到A某係去山區，並針對有CCTV路段進行對比，查出A某可能嘅所在地，之後喺附近埋伏，同時拘捕A某以及共犯B某。
扣除已經用咗嘅金額，警方將兩人偷嚟嘅贓款所剩低嘅3億8千萬韓元，全數歸還一品香。
南大門警察署表示，因為呢一次嘅事件發生，將會針對區內找換店等大量現金存放嘅營業場所，預防犯罪事件再次發生。另外亦針對山區小路等，會唔會追加CCTV而同地方自治團體進行討論。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
