韓國瑜伽服推薦
越嚟越多人鍾意做運動，但又唔知邊間瑜伽服好？小編推薦呢5間！
Hello，大家好，我哋係由韓國人每日提供最新韓國旅行資訊嘅Creatrip。
而家疫情影響，唔可以再好似以前咁成日走圍走，喺韓國就算唔可以去玩，好多人都轉投出去做運動，希望身體可以變得更健康，但大家應該都知，韓國人都貪靚，就算去做gym或瑜伽，佢哋都打扮得好靚，今日小編就想最薦5間韓國人最鍾意買嘅瑜伽服店。
韓國瑜伽服推薦
1. andar
如果有做開運動，應該都會聽過呢個牌子，無論係韓國定海外都一樣咁出名，而家仲請嚟Mamamoo代言，除咗有女裝之外，連男裝都可以直接喺度買！加上價錢一啲都唔貴，好多時一買都會令人忍唔住買定好幾套，尺寸、顏色多選擇，大家可以拼出自己鍾意嘅款式，加上小編好鍾意睇買家嘅評價，基本上好多都係有讚冇彈！
參考網址：https://andar.co.kr/
2. xexymix
呢間相信大家都聽過唔少次，佢哋網站經常都會做優惠，好多商品都係做緊1+1，無論係男、女裝都可以直接喺度買，而家由2PM做代言，佢哋每一件都著得超好睇，有時睇到會流鼻血（講笑）。另外，而家xexymix6週年，好多leggings都大特價，由原價58,000won減到而家10,000won就買得到！而且尺碼都好齊，真係唔搶唔得啦！
參考網址： https://xexymix.com/
3. GRANDELINE
呢個係小編喺Naver搵資料嘅時候，無意中發現到，原來有唔少韓妹都鍾意買佢！好多留言都話因為著上身真係好舒服，一啲都唔緊，最最最重要係價錢好平！望住model著上身嘅拼色，真係令人每套都好想買 不過呢一間主打女裝，男裝就冇得買啦.... 不過買呢間嘅時候可以俾啲tips大家，佢每一次上新商品頭3日都會有9折優惠，如果想俾人快一步試新款，同時又可以平啲咁買？你以後知點做啦
4. Conch
雖然呢一間都係主打賣瑜伽服，不過比起其他鋪頭，佢多咗休閒服俾大家揀，而且每一set都已經幫大家襯好，非常方便，有時買咗瑜伽服唔知點襯色？買佢呢度實唔會有錯！
參考網址：https://conch.co.kr/
5. Formative
相比頭幾間，小編覺得呢間相對價錢可能會貴少少，不過仍然有唔少韓妹推，好多人話著佢都覺得好舒服！
如果有睇啱款，又唔知點買嘅朋友，都可以搵我哋代購（撳我）㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk