Hello，大家好，我哋係由韓國人每日提供最新韓國旅行資訊嘅Creatrip。
韓國人對香味好敏感，男男女女都會用香水。香水咁多款，都唔知點揀好！今日小編就介紹吓韓星都愛用嘅香水，俾大家參考吓啦！
韓星愛用嘅香水介紹
1. 秀智 - Lanvin Jeanne 珍浪凡女性淡香精
秀智用嘅Lanvin Jeanne 珍浪凡女性淡香精好有女人味， 香味清新，花香同果香加埋一齊，唔會太甜，性感中帶啲甜美。
- 前調： 黑莓、覆盆子、西洋梨
- 中調： 白蒼蘭、覆盆子、牡丹花
- 後調： 龍涎香、檀木香、麝香
2. BLACKPINK Jisoo - Miss Dior 花漾甜心淡香水
Miss Dior 花漾甜心淡香水好受20幾歲嘅韓妹歡迎，香味清爽優雅，帶有活力嘅感覺。 香味唔算好濃，適合一啲唔鍾意強烈氣味太強烈嘅人。
- 前調：佛手柑
- 中調：牡丹、玫瑰
- 基調：白麝香
3. BLACKPINK Rosé - Le Labo Citron 28
Le Labo Citron 28 係專為首爾設計，混合咗新鮮嘅檸檬、薑同茉莉嘅香氣，再用雪松同麝香補足，清新得嚟好有立體感。
- 前調：生薑、檸檬
- 中調：茉莉花
- 基調：麝香、雪松
4. TWICE 定延 - Creed 維爾京島之水中性香水
Creed 維爾京島之水中性香水一開始有少少甜，後嚟橙橘子嘅香味越嚟越濃，最後變得比較清爽。 聞起來係雲呱嘅味，帶少少薑嘅辣味。
- 前調：香檸檬、青檸、橙、椰子
- 中調：茉莉、木槿，依蘭、生薑
- 基調：麝香、白朗姆酒、甘蔗
5. BTS 柾國 - Hermes 李先生的花園中性淡香水
聽講Hermes呢支香水靈感源自中國庭院 ，結合柑橘、薄荷同茉莉花香，營造出一種清新嘅香味，又有古典高雅嘅感覺！ 呢一款係男女老少都可以用嘅香水，特別適合夏天使用。
- 前調：金桔、薄荷、竹子
- 中調：茉莉、花椒
- 基調：橡樹、李子樹、木質香
6. BTS Jin - Diptyque Philosykos 希臘無花果淡香水
呢一款係Diptyque香水之中好受歡迎嘅一款，混合咗柔和嘅木香、無花果、同椰子香， 係一款男女都啱用嘅清新型香水！
- 前調：無花果葉、無花果
- 中調：椰子、綠葉香
- 基調：雪松，木質香、無花果樹
7. G-Dragon - Frederic Malle 狂野麝香
呢款係G-DRAGON 最愛，混合咗琥珀、雲呢拿、檀香等等，完全無任何花香味，俾人一種狂野性感嘅感覺。
- 前調：佛手柑、橙、薰衣草
- 中調：琥珀、雲呢拿、麝香
- 基調：檀香、麝香
8. EXO D.O. - Diptyque 譚道淡香水
呢支香水以花香同麝香為特色，帶有淡淡木香同東方香味，男女都啱用。
- 初調：玫瑰，沒藥、柏樹
- 中調：檀香、雪松
- 基調：琥珀，白麝香、玫瑰木。
以上就係韓星鍾意用嘅香水，大家有無用過邊支呢？之前小編介紹過韓國好受歡迎嘅男性香水，想集中睇男性香水可以撳入下嘅link！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
