4套關於光州事件電影推介
不經不過光州事件已經過咗41年，4套關於光州事件電影推介，每一套都好值得睇！
Hello，大家好，我哋係由韓國人每日提供最新韓國旅行資訊嘅Creatrip。
今年係南韓光州事件41周年，小編想推薦大家4部關於光州事件嘅電影，等大家有更多嘅了解。
4套關於光州事件電影推介
1. 華麗的假期（上映年份：2007年）
webzine
電影名係嚟自喺當時做國軍保安司令嘅全斗煥上將，向大韓民國陸軍下達嘅武力鎮壓命令代號。
電影主角姜民宇係的士司機，講述1980年，佢同就讀高中嘅弟弟姜振宇喺韓國南部嘅光州過住平凡嘅生活。有一日，原先對政治冇關心嘅男主角喺戲院睇電影嘅時候，遇到軍人衝入戲院追打示威者，將佢捲入呢場運動入面。之後佢嘅屋企人仲喺一次示威入面被殺害，男主角就同其他光州人決定搶軍火武裝抗爭，佔領政府總部。
2. 26年 （上映年份：2012年）
위키백과
呢套電影係講述光州事件發生咗26年之後，5位受害者嘅子女都長大成人，集體向光州事件入面對平民大屠殺嘅總統全斗煥復仇嘅故事。因為呢一套電影嘅題材好敏感，係講述去暗殺一個仍然在生嘅真實公眾人物，所以令到投資公司臨時撤資。劇組就變相向市民發出眾籌嘅消息，最終有1萬5千人捐款，總共籌到7億韓幣去拍，呢套戲仲得到過唔少提名。
3. 逆權司機 （上映年份：2017年）
위키백과
相信呢一套係大家最熟悉嘅一套電影，講述喺1980 年，一位的士司機協助一位德國記者，將光州血腥鎮壓嘅新聞片段送到國外，令到世界各地都知道呢一場血腥鎮壓。
4. 以子之名(In the Name of the Son)（上映年份：2021）
daum영화
喺今個月12號上映嘅《以子之名》都係一部講述5·18民主化運動嘅電影。係講述代理司機吳彩根（安聖基飾）爲咗遵守同兒子嘅約定，對5·18鎮壓策立者進行定罪嘅故事。描寫咗冇辦法忘記過去嘅人同唔願意對過去負責嘅人物對比。雖然唔知呢套電影香港有冇得上映，不過都好想推薦比大家睇！
以上就係四部韓國關於光州事件嘅電影，希望每一個爭取緊民主嘅國家或地區都可以成功！
如果有更多想知嘅內容，都可以隨時留言或者dm話俾我哋知：）
Instagram：creatrip.hk