Hello，大家好，我哋係由韓國人每日提供最新韓國旅行資訊嘅Creatrip。
韓國防疫當局喺4月28號表示：「預計由5月5號開始，只要完成疫苗接種嘅都可以免除隔離。」，唔知大家又點睇呢？
疫苗接種免隔離
到底點先可以免隔離呢？
第一：即使同確診者有密切接觸，但只要喺韓國打兩劑疫苗，身體產生抗體，事後新冠肺炎檢查結果呈陰性，或者冇任何相關症狀。
第二：打完韓國疫苗之後，由海外返韓國，只要檢查結果為陰性、冇相關症狀。
不過南非、巴西等變異病毒流行國家入境嘅時候，仍然係需要進行14日義務隔離。
目前韓國接種率未到10%，好多人仍然對於疫苗成效同副作用，以及變種病毒帶嚟嘅威脅有所恐懼，不過文在寅總統喺早前就有講11月嘅時候，韓國將達到「群體免疫」目標。
防疫當局表示「無論係韓國人定係外國人，只要喺韓國境內打完輝瑞疫苗或者AZ疫苗（共兩劑），過咗兩星期之後，形成抗體就算接種完畢，同樣都可以符合隔離豁免資格。」不過如果係之前感染過新冠肺炎之後痊癒，體內就算產生咗抗體，只要係冇接種疫苗，都一樣係要隔離。
可能大家都會好關心，如果係喺海外接種輝瑞、AZ疫苗係唔係都可以同樣享有豁免？不過防疫當局就話：「因為國際間仲未有共通接種證明，所以暫時未考慮到，但如果之後世界各國有效認定疫苗驗證標準同程序，豁免隔離對象嘅範圍亦都會變大。」
唔知大家又點睇呢？歡迎大家留言話俾我哋知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
