Hello，大家好，我哋係由韓國人每日提供最新韓國旅行資訊嘅Creatrip。
每年農曆四月初八係「佛誕」，亦即係慶祝佛教創始人釋迦牟尼佛誕生嘅日子。亞洲唔少地區同國家，都會喺嗰日舉行盛大嘅節慶紀念儀式，韓國都唔例外，每年一到農曆四月初八，佛寺廟同街道上都會掛滿花燈，一同參加宗教活動。
今日小編就同大家介紹一吓韓國佛誕嘅燃燈節啦。
韓國佛誕燃燈節介紹
경향신문
佛教喺韓國古代三國（高句麗、百濟、新羅）時代最興盛，聽講喺公元372年，高句麗小獸林王時期佛教由中國（前秦）傳嚟之後，百濟同新羅都相繼由中國引入佛教，之後又由百濟傳到日本。
而傳統嘅花燈慶典就係由印度經中國傳入去韓國，直到而家都係依然興盛不衰，近年已經成為咗韓國最大嘅民間慶典活動，紀念正教覺者對人類文明嘅傳承同精神嘅洗禮。
花燈慶典喺韓國就會叫做燃燈節，係韓國佛誕慶典入面最盛大嘅活動，喺每年農曆 4 月 8 日 佛誕前一個周末舉行。燃燈喺佛教入面有「驅走黑暗，步向光明」嘅意思，燃燈節由1,300 幾年前新羅時期開始流傳至今，都被列為國家無形文化財產。
연합뉴스
不過聽過佛誕節紀念法將會喺今年5月15日喺曹溪寺等全國各個寺廟舉行，期間呢啲寺廟將會嚴格遵守防疫規定，根據各寺廟情況，只會舉行由僧侶同信徒提燃燈繞寺廟周邊行嘅小規模活動。而提燈遊行活動第二日曹溪寺前郵政局路舉行嘅市民活動都將會喺5月16日線上舉行。不過，14號起，首爾江南奉恩寺、清溪川同郵政局路仍將會舉行傳統燈展活動。曹溪宗相關人士表示，喺新冠疫情尚未穩定嘅情況下，燃燈會規模將唔會好似以前咁盛大，各個寺廟將根據防疫指南自行舉辦燃燈會。
唔知大家又有冇參加過韓國佛誕活動呢？大家可以留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
