我結傳奇夫婦集合
激發所有人戀愛細胞嘅「我結」,大家又知道邊幾對傳奇夫婦呢?
Hello,大家好,我哋係由韓國人每日提供最新韓國旅行資訊嘅Creatrip。
經典綜藝節目MBC《我們結婚了》,係因為出演者都係知名偶像演員,所以就引起觀眾廣大嘅迴響同關注,而節目都打造咗好多令觀眾印象深刻嘅夫妻。
今日小編就會同大家介紹入面幾對傳奇夫婦。
我結傳奇夫婦集合
1. 趙權 佳人 - 亞當夫婦
스타뉴스
第二季嘅經典夫婦一定非佢哋莫屬,因為趙權同佳人嘅身高都比較嬌小,所以就被叫做亞當夫婦,當時趙權嘅形象夠瘋狂,搭上個性直率嘅佳人,呢對組合可以話係有相當新穎嘅火花。
佢哋嘅夫妻生活長達一年三個月,仲喺《2010 MBC演藝大賞》分別獲得「綜藝節目部門男、女新人獎」同「年度最佳螢幕情侶獎」。
2. 徐玄 容和 - 紅薯夫婦
Mydaily
當年被稱為「紅薯夫婦」嘅鄭容和同徐玄係節目播出以嚟年紀最細嘅一對夫婦,而被稱為「紅薯夫婦」嘅原因係因為徐玄超鐘意食紅薯。佢哋就好似初戀少男少女咁,都會直接充滿粉紅泡泡、閃光炸彈。
唔知道大家仲記唔記得《我們結婚了》紅薯夫妻一齊作詞作曲嘅《平語歌》寫盡尷尬害羞嘅初戀情懷,大家可以去聽吓,2011年兩人喺做「夫妻」400幾日之後喺節目「下車」。
3. Joy 星材 - 星宿夫婦
조이뉴스24
兩人喺2015成為假想夫婦,喺短短一年時間入面展現20代情侶浪漫可愛嘅感覺!兩人又似情人又似朋友嘅相處,令人睇完都想拍拖!
4. 宋再臨 金素恩 - 精靈夫婦
SportTV
宋再臨同金素恩組成嘅精靈夫婦喺《我們結婚了》節目入面受到極大嘅歡迎,尤其係宋再臨嘅肉麻情話更加成為精靈夫婦嘅一大特點。
5. 泰民 娜恩 - 初戀夫婦
헤럴드뉴스
初戀夫婦係由SHINee忙內李泰民同APink嘅孫娜恩所飾演嘅夫婦,係繼紅薯夫婦之後最有初戀感覺嘅夫婦,所以就叫做初戀夫婦。初戀夫婦由首次拍攝就引起關注,而且佢哋2個都係母胎單身,造就咗史上最細嘅couple組合。
6. 頌樂 Eric Nam - 可頌夫婦
스포츠경향
Eric Nam同MAMAMOO隊長頌樂曾經出演《我們結婚了》,兩人喺節目入面嘅互動好可愛同羞澀,由好認生逐漸發展成為好好嘅伴侶,親密程度都慢慢提高! 只可惜佢哋因為行程關係,淨係拍得短短4個月(2016年4月到7月)就宣布下車。
7. 宋茜 Nichkhun - 維尼夫婦
스포즈조건
2010年6月1日,2PM Nichkhun同f(x)嘅中國成員Victoria(宋茜)進行首次韓國MBC人氣真人秀節目「我們結婚了」錄製。組成假想夫婦,引起粉絲強烈興趣,中國粉絲仲改咗「維尼夫婦」(攞Victoria同Nichkhun嘅音譯第一字)呢個稱號。
呢對超高顏值嘅cp,郎才女貌,兩人仲多才多藝,迅速俘獲咗無數觀眾嘅心,佢哋每一個行為都好浪漫,單身人士可能會被閃親。
唔知大家最鍾意邊對夫婦呢?不妨留言話俾小編聽。
如果有更多想知嘅內容,都可以隨時留言或者dm話俾我哋知:)
Instagram:creatrip.hk