韓星兒時夢想
韓星細細個唔係想做明星？有人想做農夫？
Hello，大家好，我哋係由韓國人每日提供最新韓國旅行資訊嘅Creatrip。
大家有冇諗過韓星其實細細個嘅夢想原來唔係做明星？有啲明星佢哋細細個嘅理想，小編諗大家應該估都估唔到，今日就同小編睇吓，某幾位韓星細細個嘅夢想啦！
韓國明星細細個嘅夢想
1. BLACKPINK Jennie - 熊貓飼養員
한국면세뉴스
BLACKPINK成員Jennie，曾經有透露過如果冇成為歌手，可能就會做熊貓飼養員。佢早前同隊友錄影綜藝節目時就夢想成真，到韓國嘅主題樂園近距離接觸首隻喺當地出世嘅熊貓「福寶」。
2. THE BOYZ 善旴 - 足球選手
이투데이
THE BOYZ嘅善吁原來喺學生時期係入足球隊，所以佢嘅夢想自自然然就變咗就做足球選手。
3. ITZY Yuna - gag woman / 主播
한국경제
ITZY嘅Yuna竟然細細個係想做搞笑藝人/主播？不過天生搞怪嘅佢，做搞笑藝人都算幾夾嘅。
4. Oh My Girl 效定 - 採蔘人
톱데일리
大家冇睇錯係「採蔘人」！採蔘人即係上山採人蔘嘅人。效定因為細細個，屋企家境唔好，所以就想跟婆婆去採蔘，亦都想成為屋企人嘅力量，所以想做採蔘人！
5. BTS V - 農夫
스타뉴스
V直到13歲都係喺鄉下同婆婆一齊住，所以就自然想做農夫。我相信就算佢做農夫，都因為佢太靚仔而爆紅，做韓國最靚仔農夫。
6. Apink 夏榮 - 女軍
NEWS1
夏榮嘅夢想應該好少人會諗到，因為太唔常見。不過想做女軍都好有型，好少人有咁偉大嘅夢想。
7. NCT 在玹 - 主題公園設計師
디스패치
主題公園設計師呢個工作竟然係在玹細細個嘅夢想，小編都好想知佢設計嘅主題公園到底係點樣。
大家睇完之後有冇覺得佢哋嘅夢想好神奇呢？唔知以上邊位韓星嘅夢想都係大家細個嘅夢想呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk