Hello，大家好，我哋係由韓國人每日提供最新韓國旅行資訊嘅Creatrip。
大家都知道韓國炸雞好出名，亦都好受韓國人歡迎，所以韓國嘅炸雞店成日都會推出好多新Menu去吸引客人，今日小編就會同大家介紹7個韓國炸雞新Menu，大家下次嚟韓國都可以試吓味！
韓國炸雞新Menu介紹
1. 黃色炸雞 辣脆辣椒炸雞
머니투데이
呢個新款炸雞，佢外皮超級脆，而且入邊仲加咗辣椒，所以又脆又辣，係雙重享受，鍾意食辣嘅大家一定唔好錯過。
2. BBQ 雙重芝士無骨炸雞
서울경제
呢款炸雞入面加咗兩種芝士，分別係cheddar同gouda芝士，加上係無骨炸雞，所以食落啖啖肉，仲要充滿芝士香，芝士控一定要食。
3. Mom’s touch Flex雞腿包
파이낸셜뉴스
呢款包係mom’s touch嘅野心作！佢將佢哋嘅招牌炸雞腿包再加多一塊雞腿肉喺入面，變咗雙層炸雞腿包，令成個包超級厚！不過呢款包係期間限定，得四月呢一個月先可以有得食，如果有留韓嘅香港人的話，一定要試吓！
4. Goobne炸雞 調味hero
파이낸셜뉴스
呢款炸雞係比一般嘅調味炸雞更加脆，而且佢嘅調味料係更加甜辣，可以話係升級嘅調味炸雞新menu！
5. 橋村炸雞 芝士黑松露無骨炸雞
서울신문
有芝士香又有黑松露香嘅炸雞，應該冇人會唔鍾意，再加上佢淨係用雞胸肉做嘅無骨炸雞，所以可以慢慢享受呢種芝士黑松露香。
6. BBQ 干烹炸雞
이데일리
呢款干烹炸雞做下酒菜真係一流，干烹雞係韓國嘅中華料理之一，有加入到蒜香同辣味嘅元素，再加酸甜口味嘅醬汁製成，BBQ仲有加咗辣椒同葱做配菜，可以解膩。
7. Mexicana 甜味鮮奶咖啡炸雞
충청일보
大家冇睇錯，係鮮奶咖啡炸雞！冇諗過韓國人原來真係鍾意飲咖啡鍾意到連炸雞口味都可以有鮮奶咖啡口味。好多韓國人食完都話係真係食到咖啡香，同埋食落冇想像中咁奇怪，大家之後嚟韓國試食呢一款的話記得話俾小編知好唔好食。
以上就係咁多款炸雞新Menu，唔知大家又最想試邊一款呢？不妨留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
