Hello，大家好，我哋係由韓國人每日提供最新韓國旅行資訊嘅Creatrip。
大家知唔知韓國嘅坐式文化係有好耐歷史，好多韓國人都仲係用緊呢一種坐式文化，而最近傳統嘅坐式文化就同現代裝修結合，變成咗坐式裝修，仲好流行添！今日就同小編一齊嚟了解吓坐式文化，同各種坐式裝修啦！
坐式文化
유튜브 tvN D STUDIO
韓國傳統居住文化係冇櫈同床，家庭成員都係坐喺地板上面，所以冬天就會用地熱。
네이버 지식백과
地炕可以利用煮飯嘅餘熱，可以維持到較長時間，同時呢種加熱方式就慢慢演變成坐式居住文化，亦即係而家嘅地熱。
亦都因為係咁，韓國人最大嘅特徵就係就算有梳化都會坐喺地下，係韓國人之間都被視為可以分辨韓國人嘅方法。
當然而家隨着時代轉變，檯同櫈等大部份傢俬都變成宜立式，不過坐式文化同坐式裝修就融入咗去韓國人嘅生活。
我哋而家就睇吓最近有咩坐式裝修啦。
坐式裝修優點
1. 空間可以靈活運用
유튜브 tvN D ENT
之後介紹嘅坐式傢俬入面，有好多都係唔會固定位置，可以喺需要嘅時候好容易咁移動，同時亦都係佢最大嘅優點。
2. 睇落更加闊落
呢個亦都係坐式裝修好大嘅一個優點，就係空間睇落好闊，因為坐喺地板上面，所以傢俬嘅高度低，視線會維持一個低水平，咁就會令到空間睇落更加寬闊。有好多自己一個住嘅一人家庭都會選擇呢種裝修，咁就唔會顯得太過迫，咁地面同天花板嘅高度就會更加多，顯得更加闊。
坐式裝修嘅缺點
不過坐式裝修同坐式文化有一個好大嘅缺點，因為大部份坐式生活嘅韓國人都要好似上圖咁翹腳坐（韓國叫做兩班腳坐），成日以咁嘅姿勢長時間坐嘅話，就會破壞骨盆嘅平衡，膝頭關節都會受損。
正因為咁，如果想健康咁長期過坐式生活，比起翹腳坐，做其他姿勢會更加好。
坐式裝飾傢俱
而家就同大家介紹吓有啲咩坐式裝修嘅傢俬啦！
1. 坐式檯
坐式檯有好多唔同嘅設計。
韓國最普通、最傳統形態嘅坐式桌子就係呢種餐檯，優點就係有需要嘅時候就可以打開用。
而家仲多咗好多唔同嘅設計出現，喺韓國獨居熱門單品嘅文章入面就有介紹過呢款相框檯。
呢種坐式檯真係唔會佔任何位，唔用就放埋一邊就可以。
인스타그램 @eotteonharu
呢一款真係好實用，喺韓國應該會越嚟越受歡迎。
2. 坐式梳妝檯
坐式梳妝檯喺韓國都好受歡迎。
인스타그램 @taeroro__o
如果想喺間房到放張梳妝檯台，不過又唔夠位放一個正常大細嘅梳妝檯的話，咁呢一種坐式梳妝檯真係最好嘅代用品。
唔用嘅時候可以放返塊鏡落嚟，咁就可以當做床頭櫃用，所以空間利用率真係好高。
3. 坐式櫈/梳化
咁當然唔少得就係坐式櫈同梳化啦！比起坐喺地板，坐喺梳化會更方便，姿勢都會端正啲。
오늘의 집 센님 @sennim (@megahertzx)
坐式檯搭配坐式櫈用嘅話，咁就可以令屋企嘅傢俬更加完善。
因為一人家庭房間比較細，所以買呢一種坐式傢俬的話，空間都會睇落大啲，實用性都好高。
即使唔搭配檯，都可以單獨咁用坐式梳化。正如之前所講，韓國人即使有梳化都會坐喺地下，所以如果用坐式梳化嘅話，咁佢哋就坐得舒服啲！
4. 坐墊
인스타그램 @iforu8282
如果覺得連放坐式櫈同梳化都唔係太多位的話，會建議買坐墊用，因為長時間坐喺又凍又硬嘅地板上面，對健康唔好，所以推薦就算唔買沙發都要用坐墊坐喺地下。
5. 低層床褥
인스타그램 @iican__2
最後就係好適合做坐式裝修嘅低層床褥啦。因為如果房間太窄，要再買個好大嘅床架放床的話，咁成個空間就會變得太過壓迫。
인스타그램 @2yujjin22
因為係咁，韓國人會直接將牀褥放喺地下，再喺牀褥下面加木墊板。
인스타그램 @sik_zip
同其他坐式傢俬齊用嘅話，咁就變得又靚又實用。
以上就係韓國坐式文化同坐式裝修趨勢。唔知大家又最鍾意邊一款傢俬呢？歡迎留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
