首爾拍拖路線推介
韓國唔同主題嘅拍拖路線推介，有平有貴俾大家揀
Hello，大家好，我哋係由韓國人每日提供最新韓國旅行資訊嘅Creatrip。
大家有冇覺得諗行程嘅時候好煩惱呢？尤其係同男女朋友嚟首爾旅行的話，雖然首爾本身就已經有好多嘢玩，不過要揀行程做啲咩好真係會諗到好頭痛。小編今日就想同大家推介首爾拍拖路線，有平有貴，平至10,000韓幣貴至200,000韓幣都有，每個路線都有唔同主題㗎，我哋一齊睇落去啦。
路線一. 1萬韓幣 : 望遠漢江約會
1. 望遠市場
地址：서울특별시 마포구 망원1동 망원로8길 7
營業時間 : 每日 10:00 - 21:00
喺望遠站2號出口一出轉右行一段直路，就會見到首爾傳統市場之一嘅望遠市場，入面有好多美食，所以好受人歡迎。
望遠市場QS炸雞丁：7,000won（半隻）
望遠市場嘅代表性小食辣炸雞丁，而入面QS炸雞丁就係最出名！
有芝士黃芥末味、白奶油味、水果味、乾烹雞味、甜味、辣味等總共6種口味，一定有一款啱大家！
黃寅鎬導演手工可樂餅專賣店 : 1,000won - 1,500won（1個）
喺望遠除咗炸雞丁之外，第二出名嘅就係可樂餅！啱啱炸出嚟的話，又脆又熱辣辣，個個食過都覺得正！味道都有好多種，而奶油芝士可樂餅、蔬菜可樂餅、薯仔可樂餅就係最受歡迎，小編最推薦嘅就係奶油芝士同薯仔！
2. 望遠漢江公園野餐
地址：서울특별시 마포구 마포나루길 467 망원동 망원한강공원
行10分鐘都唔洗，就可以由望遠市場去到望遠漢江公園，可以帶住喺望遠市場買嘅炸雞丁同可樂餅，坐喺漢江公園野餐。
而且嚟到漢江公園，當然唔少得嘅就係踩單車環節。
3. 漢江公園 叮鈴鈴
叮鈴鈴 : 1,000won (1人 1個鐘)
地址：서울특별시 마포구 망원동 월드컵로 79 (망원한강공원 따릉이 대여소)
叮鈴鈴係首爾嘅公共單車，只要download個app，就可以好簡單咁俾錢使用。
漢江公園有單車路，所以踩單車好方便，同男女朋友嚟休閒咁過一日都係好唔錯嘅選擇！
仲可以睇到日落，睇住黃昏嘅日光，真係好浪漫㗎！
總費用：9,500won （望遠市場） +2,000won （叮鈴鈴）＝ 11,500won
路線二. 3萬韓幣 : 大學路
第2個拍拖路線推薦就係大學路！
1. 梨花洞壁畫村
地址：서울특별시 종로구 이화동 낙산 4길 46
uptrend media
相信唔使小編多介紹，大家都知道梨花洞壁畫村，不過大家又有冇試過喺度著住韓國懷舊校服喺度打卡呢？
懷舊校服: 5,000won (1人 1個鐘)
졸리 상점
地址：서울특별시 종로구 이화동 낙산 4길 46
졸리 상점
平時睇韓劇，可能都會見過有演員著過呢種懷舊校服，睇落去簡單得嚟又好好睇。雖然小編以前去嘅時候係同朋友一齊打卡，不過都一樣好開心！
2. 惠化 石頭大叔
影完相打完卡，不如去食返餐好？
유튜브 창수오 SooOh Foo:D
地址：서울특별시 종로구 명륜4가 23
營業時間：每日 11:50-20:00
유튜브 창수오 SooOh Foo:D
유튜브 원필름
Nyam Nyam Set（芝士炒年糕+泡菜炒飯+雪糕）13,300韓幣
舖頭入面好有復古嘅感覺，用好平嘅價錢就可以食到芝士炒年糕，份量仲超多，一定食到好飽！
3. 駱山公園散步
地址：서울특별시 종로구 이화동 낙산길 41
喺大學路最出名嘅拍拖地點就係駱山公園，食完晚飯，沿着公園散步，望住夜景，真係好寫意！
總費用：10,000won （租借懷舊校服@1個鐘） +19,900won （石頭大叔）＝ 29,900won
路線三. 5萬韓幣 : 松理團路
1. 高度式
인스타그램 godosik92
地址：서울특별시 송파구 송파1동 55-7
時間：每日 17:00 - 12:00
인스타그램 godosik92
喺正式開始行程之前，不如食餐好啦！松理團路有好多美食店，當中小編想同大家推薦最近大熱「高度式」燒肉店！呢度係專門挑選濟州島智異山古都高地帶生長嘅高山豬，肉質特別嫩。 加上佢有同一般燒肉店唔同嘅感性裝修，所以更加受歡迎。
유튜브 정육왕 MeatCreator
유튜브 정육왕 MeatCreator
高度式裏脊肉2人份+大醬湯:36000韓幣
作爲呢間舖頭嘅招牌菜，呢度嘅牛裏脊肉係其他餐廳食唔到嘅味道，職員仲會直接幫大家燒，為大家講解最好食嘅方法。
2. 石村湖水
地址：서울특별시 송파구 잠실동 47
石村湖係位於蠶室站附近長2.5公里嘅大湖，大家食飽之後可以喺附近散步，幫助消化！同時如果春天嚟嘅話，仲可以睇到好靚嘅櫻花添！
不過呢度就算冇櫻花，都係一個好靚嘅地方，唔單止附近嘅居民，就連遊客都會嚟呢度散步。
3. Peach Gray 咖啡廳
인스타그램 peach_gray
地址：서울특별시 송파구 송파동 94, 1층
營業時間： 11:00 - 21:00
路線3嘅最後一個地方就係peach gray咖啡廳，大家可以喺度邊飲咖啡邊畫水彩畫素描，雖然其他地方都有，不過呢度性價比好高，唔會太貴，所以人氣一直都好高。
인스타그램 peach_gray
인스타그램 peach_gray
Peach維也納咖啡 5,800won + gray coco 5,500won + pancake 7,000won
即使唔識畫畫嘅人都唔使擔心，咖啡廳入面有幾本水彩畫書，初學者可以跟着呢本書畫，畫完又可以留低美好嘅回憶，係一個好好嘅完美約會。
總費用：36,000won （高度式） +18,300won （Peach Gray）＝ 54,300won
路線四. 10萬韓幣 : 西村~北村約會
路線4係可以享受到韓國傳統文化，同時又可以體驗Hip Hop文化嘅路線。
1. Gochibi
地址：서울특별시 종로구 누하동 필운대로 38
營業時間：星期二至日 11:30 - 21:00 (15:00-17:00 breaktime)
呢度係重新詮釋咗韓國濟州島嘅鄉土食物同意大利食材混合嘅異國餐廳，喺首爾市中心享受濟州島嘅味道，真係好正，加上餐廳嘅環境同氣氛都好唔錯。
Gochibi意大利飯 : 19,000won + 大蝦BISQ ROSÉ意大利麵 : 24,000won
左邊就係重新詮釋濟州島傳統飲食嘅Gochibi意大利飯，右邊係濟州島產大蝦同黑虎蝦嘅大蝦BISQ ROSÉ意大利麵，與其話佢係正宗意大利餐廳，可以話佢係韓式嘅意大利餐廳，食材仲好新鮮，大家有時間一定要嚟試吓。
2. 自助影相鋪
食完飯就可以沿着景福宮去北村，沿着呢啲石牆行，就會去到北村自助影相鋪。
地址：서울특별시 종로구 삼청동 북촌로5나길 1919
포토매틱 인스타그램
北村照相館自助照片 : 40,000won
唔單只係韓國嘅藝人，好多韓國年輕人都喺度影過自拍照，留低美好嘅回憶。
如果大家想知道佢更多嘅介紹，可以撳呢度睇吓。
3. Sulla
인스타그램 craftsulla
地址：서울특별시 종로구 봉익동 서순라길 57
營業時間：星期二至星期日 17:00 - 22:00
位於宗廟石牆路嘅韓屋式啤酒屋，最近好受年輕一代歡迎。
最近rose 8,500won + 初戀嘅香氣 8,300won
呢兩杯喺呢度最受歡迎嘅手製啤酒，可以一邊飲住啤酒一邊望住充滿韓國風情嘅石牆路。雖然係望住傳統風格嘅建築，但就可以飲住手製啤酒，所以氣氛特別浪漫。喺路線四嘅最後環節，可以喺度飲番杯啤酒好好慶祝吓。
總費用：43,000won （Gochibi） +40,00won （自助影相鋪）+ 16,800won（Sulla）＝ 99,800won
路線五. 20韓幣 : 弘大
1. 弘大 戒指大學
地址：서울특별시 마포구 서교동 잔다리로 7 4층
營業時間：每日 10:30 - 21:00
位於弘大嘅戒指大學係首爾出名嘅戒指工坊！係好多韓國情侶都會必做嘅活動之一。
弘大戒指大學情侶戒：大概10萬韓幣
首先可以揀戒指嘅尺寸同設計，然之後經過職員嘅指導之下，就可以好容易咁製作出世上獨一無二嘅戒指。因為根據點樣設計，價錢會有唔同，不過如果情侶嘅話，大概兩個人10萬韓幣就可以整到。
2. 京義線書街
戴住靚靚嘅情侶戒指，就可以去弘大6號出口行，呢度叫京義線書街，係好安靜嘅散步路。呢度兩邊仲有好多美食店同咖啡廳，小編就喺呢度介紹最有特色嘅兩間小店啦。
Object
地址：서울특별시 마포구 서교동 326-2
營業時間：每日 12:00-21:00
Object係韓國年輕設計師親自少量製作嘅精品店。
書、環保袋、貼紙、筆記本、筆袋、手機殼等等，有好多小物都可以喺度買，加上呢度空間寬敞整潔，淨係望住都覺得好開心。
如果想知道弘大Object探訪記，可以撳呢度睇吓。
Pollalla 收集館
地址：서울특별시 마포구 서교동 335번지 4 102호
營業時間：星期四 - 星期日 12:00 - 20:00
呢度就係同之前介紹嘅Object完全相反嘅飾品店，呢度有好多真實展現韓國70~90年代面貌嘅復古收藏品，當時喺韓國流行嘅動畫公仔、以前韓國藝人周邊、漫畫書等各種各樣嘅商品都有得買。
仲有好多而家搵唔到嘅小物，例如舊版本嘅可口可樂樽、以前嘅酒杯，甚至仲有舊式遊戲機。
好奇70年代~90年代韓國嘅面貌，或者鍾意復古風嘅人一定要嚟，呢度大部份嘅嘢除咗呢度之外喺其他地方係好難買到，所以大家如果有心頭號就一定要買啦。
3. 山嗚 1992
유튜브 사다리 필름
유튜브 국내여행 베스트
地址：서울특별시 마포구 창천동 서강로9길 60
營業時間：星期一至六 17:00-1:30 / 星期日 15:00-12:00
路線5最後一個目的地就係山鳴1992，呢度係弘大好出名嘅酒吧，因為佢淨係買韓國酒，所以係好受歡迎嘅美食店嚟㗎。
韓國嘅米酒、燒酒、清酒、啤酒等，合計165種以上嘅韓國酒。 大家有冇覺得好驚訝呢？呢度仲有好多鍾意韓國美食嘅外國遊客嚟！
유튜브 국내여행 베스트
유튜브 사다리 필름
情侶套餐 36,000韓幣
可以配酒食嘅韓國式下酒菜有好多，其中有一個套餐係以米飯爲主，放3-5個小菜嘅韓式食物，雖然呢度有好多選擇，不過今次係約會行程，所以點情侶套餐就係最好。情侶套餐包括芝士薯仔餅、辣八爪魚、餃子、醃製蕃茄！
總費用：100,000won （弘大戒指大學） + 大概50,000won （京義線書街精品店）+ 大概50,000won（山鳴1992 ） ＝ 200,000won
今日就同小編一齊了解咗五個首爾約會路線，首爾真係有好多嘢玩，美食同景點，大家下次嚟首爾一定要跟住小編嘅行程試吓啦。
唔知大家又最鍾意邊個行程呢？歡迎留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk