韓國爆紅伴舞盤點
韓國爆紅伴舞盤點，可以直接原地出道？會令人一直錯重點全程望住伴舞？
Hello，大家好，我哋係由韓國人每日提供最新韓國旅行資訊嘅Creatrip。
韓國kpop偶像上各大音樂節目都必定會有伴舞，佢哋係為配合舞蹈嘅主角或者歌唱者表演而從旁跳舞。不過最近有好多伴舞都爆紅，令好多人都錯重點淨係望住佢哋跳舞，仲話佢哋可以直接出道做C位！
今日小編就會同大家介紹一啲爆紅伴舞，睇吓大家又覺唔覺得佢哋都可以原地出道啦！
韓國爆紅伴舞盤點
Noze
wikitree
隸屬wayb舞團，係翰林藝術高中嘅畢業生，擁有豐富嘅舞台經驗，甚至係專門教跳舞嘅老師。韓國男團EXO成員Kai喺上年11月尾推出首張solo專輯《KAI》，Noze就係做主打歌《Mmmh》嘅伴舞以爆紅，引起網民嘅熱烈討論。
Kim Jiyang
인사이트 screenshot
合作藝人：伯賢、SOMI、姜丹尼爾等
喺SOMI《Birthday》嘅時候做伴舞而爆紅，仲被人指責因為太靚氣場壓住somi嘅氣場。憑藉出眾嘅外貌，同肉眼可見嘅舞蹈實力，成功咁引起好多人嘅注意。
車炫承
MyDaily
車炫承喺宣美《WATERBOMB 2018》嘅公演受到網民關注，因為佢嘅肌肉喺噴水舞台顯得額外性感。相信大家對佢一定好有認識，因為佢係宣美嘅御用伴舞，仲同過宣美影過雜誌相。
雙權兄弟
權寧得、權寧敦原本係公司YG嘅雙胞胎練習生，不過因為更加鐘意跳舞，所以選擇唔入娛樂圈，決定要做舞者。亦都係因為佢哋跟隨YG藝人四處巡遊，令佢哋人氣爆燈，追親YG藝人嘅，都一定識佢哋雙權兄弟。喺今次ROSÉ 《On The Ground》，哥哥權寧得仲有個人直拍，而家巳經有130萬人睇咗，人氣果然爆燈。
金泰宇
合作藝人：少女時代、EXO、Super junior銀赫、Henry、SHINee泰民等
金泰宇又名Kasper，佢係SM嘅御用伴舞同排舞師，亦都係韓國知名度最高嘅舞蹈教室1Million嘅舞蹈老師，吸引咗大批粉絲搶住報名。喺泰妍《Why》MV入面，就係金泰宇同泰妍唯一跳雙人舞嘅Dancer。
大家如果仲知道邊係伴舞係出名嘅話，不妨留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
