Hello，大家好，我哋係由韓國人每日提供最新韓國旅行資訊嘅Creatrip。
首爾有好多好靚又時髦嘅咖啡廳，而今日小編就去咗兩間以橙色為題嘅咖啡廳，一間充滿Swag，另一間充滿感性，如果本身都鍾意橙色嘅你，之後又會唔會想嚟打卡呢？
首爾橙色主題咖啡廳1
店名： Arkofbrothers
Instagram：arkofbrothers
營業時間：星期二至星期五 11:00 - 19:00、週末12:00 - 19:00、逢星期一休息
地址：서울특별시 영등포구 선유서로30길 22
小Tips：由永登浦區廳站6號出口行14分鐘，或者由楊坪站2號出口行5分鐘。
第一間會帶大家去嘅係位於永登浦「ArkofBrothers」，由外觀就可以睇到充滿橙色嘅swag街頭風。
咖啡廳嘅牆壁同地板都係統一爲灰色，感覺好簡潔，仲用橙色作爲點綴，感覺好有Sense。
唔單止係枱同櫈，就連一個細道具都有用橙色，牆上嘅海報設計都好夾，睇落真係充滿swag風。
喺呢度仲有一樣好特別嘅就係有各種各樣嘅週邊，保溫杯、袋、T恤、藍牙耳機盒等。
Menu隔離仲有擺放一啲可愛貼紙，鍾意嘅朋友都可以拎嚟留念。
小編覺得以特色主題咖啡廳嚟講，呢度嘅飲品真係唔算費。
最後小編就叫咗佢哋嘅sunset ade同S'more lotus cookie，飲品同曲奇係唔係好靚呢？
Sunset Ade (₩5000)
佢啲顔色真係好似sunset咁，橙橙哋黃黃哋真係好靚！佢嘅橙色都同舖頭嘅橙色主題好夾！
將最底嘅桃粒、檸檬、橙、蘇打撈勻之後就可以飲，飲嘅時候覺得好有涼爽，甜甜地，好適合喺炎熱嘅夏天飲。
Smore cookie (₩3000)
呢款係含有棉花糖嘅S'more曲奇，全部都係老闆每日親自焗㗎。
小編平時都好鐘意食lotus餅乾，所以就叫咗lotus口味，因為太好食，所以買多咗個朱古力味同lotus味返屋企。
外面好脆，入面就好濕潤，再加上甜甜嘅棉花糖，真係好正，朱古力味好濃，唔會好甜，好推薦俾大家之後嚟試！
而Lotus Smore Cookie就可以強烈感受到桂皮嘅香，如果平時鐘意食有肉桂的話，配上咖啡一齊食，簡直係完美！
呢度又swag，又有完美嘅橙色主題咖啡，大家又會唔會想嚟呢度坐吓呢？
首爾橙色主題咖啡廳2
店名： Paint Coffee
Instagram：paintcoffee01
營業時間：星期一、二、四、五 09:00 - 20:30、週末09:00 - 20:30、逢星期三休息
地址：서울특별시 성동구 왕십리 도선동 무학로10길 24
小Tips：由往十里2號出口行大約12分鐘。
第二間要為大家介紹嘅係往十里paint coffee！
只睇外觀係唔係已經覺得同之前介紹嘅「Ackofbrothers」完全唔同呢？ Paint咖啡整體上都俾人一種明亮溫暖嘅感覺。
用象牙色牆壁同原木裝飾，再加上橙色做點綴，只係望到都令人覺得心情好舒暢。
呢度最大賣點係有一個大窗口，陽光照落嚟嘅時候，真係好靚好舒服。
呢度同樣都有賣好多週邊產品，有興趣嘅朋友都可以嚟買。
呢度嘅飲品主要有咖啡、非咖啡飲品同季節性飲品組成。甜品方面亦有選擇，例如有牛角包窩夫、牛角包、法包等。
呢度最大嘅特點之一就係每日就可以食到唔同嘅甜品，大家可以去之前睇吓佢哋Instagram上面今日有咩甜品。
小編去嗰日就準備咗smore cookie同Scone！
小編諗咗好耐，最後就揀咗芝士四重奏Scone同Paint鮮奶咖啡。
Paint鮮奶咖啡 (₩5500)
上面放滿咗香甜鹹鹹嘅鹽焦糖霜，上面層cream真係又濃又甜，每飲一啖都覺得好幸福。
芝士四重奏Scone (₩ 3500)
睇個名就知道芝士四重奏Scone，係一次可以食到4種芝士口味，外面好脆，入面就好濕潤，如果係芝士控嘅你就一定要詆吓！
呢一間相對比較溫暖同感性，唔知兩間大家又會鍾意邊間多啲呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
