Hello，大家好，我哋係由韓國人每日提供最新韓國旅行資訊嘅Creatrip。
韓國有「戀愛國」之稱，喺街上成日都會見到唔少情侶拎住扎花，大家又會唔會好奇佢哋係邊度買呢？
今日想同大家介紹嚟韓國旅行一定會嘅弘大其中兩間花店，如果有興趣嘅朋友之後不妨都可以去睇吓。
弘大花店1
- 店名：Harry's Flower Market (해리스플라워마켓)
- Instagram：harrys_flower_market
- 營業時間：19:00 - 22:00
- 地址：서울 마포구 양화로21길 17
- 小Tips：弘大入口站3號出口直行1分鐘就會見到。
第一間想同大家介紹嘅位於弘大3號出口附近，只要去開延南洞都一定會見過佢嘅蹤影。呢度賣嘅花價格親民，所以一直以嚟都好受韓國人歡迎。
入到舖頭之後，大家會見到呢度嘅花係用咗不鏽鋼筒去裝住，雖然簡單，但因為各種花嘅鮮艷顏色，令到呢度簡單得嚟都好靚。
每一個筒上面都有寫上價錢，大家睇啱就可以自己拎。
呢度除咗有賣花之外，仲有賣一啲葉，大家可以買花嘅同時再買啲葉去襯。
如果大家揀好晒想要嘅花之後，呢度亦都有三款包裝俾大家揀。
第一：用透明膠袋幫大家包起，價錢係免費。
第二：用米色嘅包裝紙幫大家包起，要加￦1,000。
第三：最完整而且最靚嘅包裝，要加￦3,000。
如果大家一直十五十六唔知揀邊款好，呢度亦有啲係職員一早包好嘅款式，最平￦6,000就有交易。
另外呢度仲有賣一啲小扣針，每一種花都有代表住唔同意思。
呢啲小盆栽係唔係好得意呢？唔少韓國人都鍾意買佢哋嚟佈置屋企，增添新氣。
唔知大家又鍾唔鍾意Groot呢？呢兩款Groot嘅小盆栽真係好吸睛，望住佢哋覺得一日嘅疲勞好似都消失曬咁。
弘大花店2
- 店名：Flo-Louge (플로라운지 홍대점)
- Instagram：flo_lounge
- 營業時間：11:00 - 22:00
- 地址：서울 마포구 양화로6길 93
- 小Tips：由弘大9號出口行23分鐘或由上水站1號出口行5分鐘。
第二間要同大家介紹嘅係Flo-Louge花店，雖然佢唔太近弘大，近上水站多啲，不過佢人氣一直都好高，只要喺Naver Search花店，都一定會見到佢嘅蹤影。
入到去嘅時候，小編已經俾呢度嘅鮮花包圍，呢度佈置得好整齊，唔少鮮花仲擺咗喺冰箱入面，令佢哋可以一直保持涼爽，唔易枯萎。
同第一間鋪頭一樣，如果大家唔知點揀鮮花嘅話，Flo-Louge亦有啲係一早包好，面且上面仲有寫上一啲可愛句子，例如： 행복하자（一齊幸福落去）、 꽃길만 같이 걸다（一齊行花路）等，每一句都好有意思。
呢度仲有賣各式各樣嘅花盒、花燈等等，真係好靚，而且價錢亦唔算好貴。
如果大家覺得鮮花難打理，呢度仲有各種假花，一樣都係咁靚。
當然呢度亦仲有賣各種小盆栽。
同樣呢度亦有3款包裝紙俾大家選擇，一樣都係透明唔需要額外加錢，彩色紙加￦1,000、最完整包裝就係￦5,000。
最後小編買咗紫色嘅康乃馨，因為喺其他地方好少見到呢隻色，所小編諗都冇諗就揀咗佢，價格係15000won，都算合理，如果大家想買鮮花，小編好推呢間，而且職員可以用簡單英文溝通，大家唔需要擔心。
「千里送花束，物輕情意重」如果想俾海外朋友一個生日或特別驚喜？都可以搵我哋代訂花束㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
