由整容醫生親自挑選嘅理想面型排名
而家喺韓國最人氣嘅理想面型到底係邊個？由現任整形外科醫生親自挑選男女TOP5
Hello，大家好，我哋係由韓國人提供最新韓國旅行資訊嘅Creatrip。
大家都知道韓國整容係比較出名同埋韓國人對呢一方面都好開放，所以小編今日想介紹一下由現任整形外科醫生評選嘅韓國明星理想面型排名，一齊睇吓連整容醫生都覺得比例好又靚嘅明星男女top5係邊個啦！
男藝人TOP5
第５位 - BTOB 陸星材
將自己塊臉稱爲「天上界美貌」嘅陸星材排喺第5位，佢對單眼皮大眼睛係佢嘅特徵，佢呢種眼就算係整容都係好難模仿。
雖然陸星材俾人嘅印像係「喜劇人」，不過佢呢個咁有型嘅外貌絕對唔可以俾佢嘅喜劇天賦掩蓋，完全係犬型男友！
第4位 - 宋江
Netflix嘅親生仔嘅宋江係第4位，作爲演員出道咗5年，出演過《喜歡的話請響鈴》同《Sweet Home》等。佢自細就擁有超高顏值，五官仲好分明，所以收到好多娛樂公司嘅試鏡邀請。
佢嘅高鼻、下巴、眼同額頭都被醫生稱為係完美，童顏得嚟又俾到人深刻印象，整形外科醫生仲話佢係陸星材加車銀優混合嘅臉。
第3位 - BTS V
成爲全球明星，喺海外有好多粉絲嘅BTS V就排喺第3位，佢嘅五官係充滿中西特色嘅面型，尤其係佢嘅V型下巴，根據整形外科醫生講法，想要做眼部整形手術嘅客人經常都會帶住V嘅相，想整成好似同佢一樣咁，只係佢隻眼同陸星材隻眼都係一樣，單眼皮之如眼又大，係好難做到，所以好多人都放棄。
第2位 - 徐康俊
徐康俊美貌唔單止多女鍾意，就連男人都唔例外，佢白皙嘅肌膚同淺啡色眼睛都令佢好有魅力，整形外科醫生都話唔少徐康俊嘅雙眼，好多人都想擁有。
第1位 - Astro 車銀優
比女人仲要靚嘅ASTRO車銀優果然係第一名，佢喺高中嘅時候就已經俾人選為「臉蛋天才」，係各個美男榜嘅常客，就連整形外科醫生都話：「車銀優嘅臉上係完美無瑕，每次睇到都會感到好驚訝。」
女藝人TOP5
第5位 - 吳漣序
隨着年齡嘅增長，外貌就相反逐漸變年輕嘅吳漣序係排第五，擁有令人懷疑係唔係整容嘅完美鼻型，想要整容嘅客人都成日會攞住吳漣序嘅相想去整得一模一樣，整形外科醫生都話吳漣序個鼻係近乎完美 。
第4位 - 秀智
被稱爲「國民初戀」嘅秀智就排第四，男星理想面型排名第二嘅徐康俊係秀智嘅粉絲，排名第一嘅車銀優都話過想同秀智一齊拍愛情電視劇，就可以知道佢有幾咁受歡迎，整形外科醫生都話：「好多客人希望成爲秀智。」
第3位 - 少女時代 潤娥
年輕人經常都會去諮詢整形外科醫生，話想成爲水潤娥，而實際上佢仲獲得過女大學生最鐘意嘅臉孔第一名。
第2位 - BLACKPINK Jennie
擁有貓相嘅BLACKPINK Jennie就獲得第2名，時尚、妝容、髮型都係最尖端引領潮流嘅Jennie，圓臉令人聯想起貓嘅性感眼睛，係2021年流行嘅時尚臉形。
第1位 - Red Velvet Irene
擁有公仔般美貌嘅Red Velvet Irene排名第一，嚟整容嘅客人經常都會攞住佢幅相，想要整同佢一模一樣嘅眼型。
以上就係韓國整容醫生所選韓國面形比例最好嘅韓星，亦都都係好多韓國人夢寐以求嘅面型。唔知大家睇完仲有冇覺得邊個韓國藝人，都係擁有完美嘅面形呢？不妨留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk