Hello，大家好，我哋係由韓國人每日提供最新韓國旅行資訊嘅Creatrip。
今日小編想同大家介紹兩間位於鐘閣同忠式路附近嘅兩間花店，如果大家之後有意會去附近想買送送俾你最珍貴嘅另一半，不妨都可以參考吓呢兩間。
鐘閣花店
- 店名：cachi_flowercafe
- Instagram：cachi_flowercafe
- 營業時間：11:00 - 22:00
- 地址：서울 종로구 종로 51
- 小Tips：由鐘閣3-1號出口出嚟入去JONGNO TOWER，搭扶手電梯上去上一層就會見到。
只係睇外觀係唔係已經覺得好高級同好靚呢？
呢間花店最大特色係會因應唔同季節而去換唔同嘅花， 而家係櫻花季節，所以鋪頭出面都用咗唔少櫻花去裝飾。
當以為呢度只係花店嘅時候，其實佢仲係一間Cafe！大家可以買完花再喺度慢慢坐嘆杯咖啡。
鋪頭入面有一塊全身鏡，唔少人嚟度都會企喺前面都打卡。
當日小編去嘅時候，咁啱落緊雨，可能因為咁唔少人都嚟到cafe坐，為咗可以影到內部嘅相俾大家睇，小編都要等一後時間，多人走嘅時候先影到。
呢度賣嘅飲品亦都相當吸睛，小編分別玫瑰梳打同cachi Blossom！
玫瑰梳打 5700won /cachi Blossom 5700won
cachi Blossom係4月限定，所以大家之後嚟到都可能已經冇咗 不過相信佢之後都會一直推出唔同新口味。
乾花￦10,000
將飲品同乾花一齊打卡係唔係好靚呢？
兩杯飲品都唔會太甜，好易入口，相信大家都一定會鍾意。
因為佢好近地鐵站，如果大家咁啱去開鐘閣，行到攰又想搵間cafe坐吓，呢間都係一個唔錯嘅選擇。
除咗鐘閣店之外，小編之前仲去過江南店，一樣都係好有feel。晏畫去會係一間cafe，而送晚去會變成一間酒吧，可以同時享受兩種唔同魅力。
「千里送花束，物輕情意重」如果想俾海外朋友一個生日或特別驚喜？都可以搵我哋代訂花束㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk