梨大美食｜火飯
最受遊客歡迎嘅梨大美食「火飯」，小編成功幫大家爭取到優惠啦！
Hello，大家好，我哋係由韓國人話你知每日最新韓國資訊嘅Creatrip。
講到去梨大除咗shopping之外，要講食嘅話又點可以唔提到火飯「불밥」呢？唔單止梨大學生鍾意，就連遊客嚟到梨大，都一定會去食，可想而知佢有幾出名！直到而家小編終於成功幫大家爭取到優惠，之後去食記得要用我哋提供嘅優惠券，想免費有配料話咁易！
梨大美食「火飯」資訊
- 地址：서울시 서대문구 이화여대8길 11
- 營業時間：10:30 - 22:00（Break Time 15:00 - 16:00、Last Order 20:30）
梨大美食「火飯」推薦理由
- 講到梨大美食，火飯絕對不得不提，每一次去都要大排長龍。
- 辣度可以調整，就算唔食得太辣嘅朋友都唔需要太擔心。
- 一直都好有人氣嘅火飯，而家只要係我哋會員，下載優惠券即可免費加配料，咁好嘅優惠你點可以錯過！
梨大美食「火飯」優惠
- Creatrip會員下載優惠券，叫火飯嘅時候可以喺2款入面免費獲得其中一款配料（冬粉、年糕）。
- 唔需要預約。
- 如果用coupon嘅時候，有任何疑問都可以send email到help@creatrip.com。
梨大美食「火飯」價格
菜單 | 價格 |
辣雞 | ￦10,000 |
辣豬肉 | ￦10,000 |
辣魷魚 | ￦10,000 |
梨大美食「火飯」介紹
喺梨大shopping行到攰有啲口痕，想食最地道嘅美食，小編推薦大家一定要去食火飯！
自助bar
手製啤酒
小編特登揀咗4點左右，比較少人嘅時候去食，入到去俾人一種好乾淨嘅感覺，大約有10張枱左右，每一張枱之間都好闊落。
呢度menu相當之簡單，主要有3款（辣雞、辣豬肉、辣魷魚），一個人都可以落單！如果係兩個人想叫唔同口味亦都得，而每一份仲會包埋蒸雞蛋同炒飯。辣度方面大家亦可以再調整，小編有問老闆，佢話韓國人基本上比較食得辣，所以會叫中辣（중간맛）（大約係辛拉麵程度），而遊客嚟到多數會叫小小辣（순한맛），或者小辣（약간순핫맛）。當日小編叫咗辣雞同辣魷魚mix，而辣度方面揀咗中辣。
唔使等好耐，老闆就準備好曬所有嘢，整個過程老闆都會幫大家煮，小編只要等食就OK
等嘅期間，大家亦可以先食蒸蛋等住先，熱辣辣真係超滑，老闆話唔少人食完都會再叫多個。
喺煮緊嘅時候，大家已經會聞到好香嘅味，煮到湯越嚟越濃郁嘅時候就差唔多時候可以食。小編個人覺得中辣冇比想像中咁辣，反而越食越覺得惹味。
老問話只要食剩30%嘅時候，再叫佢就會幫手炒飯。
食炒飯又點可以冇芝士呢？望住係唔係都覺得好邪惡呢！
當老闆炒完之後，會將啲飯鋪平，之後等大約45炒就食得。
大家見唔見到呢度嘅炒飯隱約嘅拉絲呢？真係而家睇返都令人懷念 好想再食....
而小編一開始講到，只要係我哋會員，就可以免費獲得2款配料（年糕、冬粉）嘅其中一款，大家記住唔好錯過啦！
梨大美食「火飯」前往方法
小Tips：梨大站（이대역）３號出口直行約1分鐘，見到LANG.STUDY CAFE轉右行上斜路就會見到。
點先可以享有梨大美食「火飯」贈禮優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係梨大美食「火飯」嘅介紹， 有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
