Hello，大家好 ，我哋係由韓國人每日提供最新韓國旅行資訊嘅Creatrip。
喺香港每逢愚人節，可能都係一啲Facebook page po啲搞笑嘢，好似今年就有譚仔嘅外賣水上電單車服務，不過好似除咗呢樣就冇咩其他搞笑活動，今日小編就想同大家分享吓韓國人會點樣慶祝愚人節，我哋就一齊睇落去啦！
韓國人慶祝愚人節嘅特別方法
1. Webtoon
Webtoon
如果有睇開webtoon的話，都知道每年愚人節webtoon啲作家都會夾埋一齊改咗自己作品嘅相，就例如今年嘅韓國webtoon就改咗全部都用泥膠去整漫畫封面。
Webtoon
而台灣webtoon雖然冇統一主題，不過都認真盞鬼，大家可以睇到《女神降臨》嘅封面簡直好似變咗恐怖漫畫咁，真係超級搞笑。正正係因為咁所以每一年嘅愚人節都相當期待webtoon嘅作家有咩新搞作。
2. 韓國大學生
NEWSIS
大家可能會諗大學生可以做啲咩？原來韓國嘅大學生每逢愚人節都會着返自己嘅高中校服，扮返自己係高中生。香港都好似會着校服，不過唔係愚人節係ocamp活動先會咁做，都算係幾類似。正正因為係咁，所以一到愚人節，喺韓國大學就會見到好多着晒校服嘅大學生，喺學校行嚟行去，加上呢個時候係櫻花季，所以成個氣氛都覺得好青春，好浪漫㗎。
3. 韓國偶像站姐
Twitter - 크레센도
韓國偶像站姐就好鍾意喺Twitter上面po第二啲藝人嘅相，例如如果佢係BTS站姐，佢就可能會改頭換面變做IU嘅站姐，會轉咗po IU啲相，去玩佢嘅followers。
인스티즈
而今年NU’EST嘅站姐仲更加創新，喺三成站嘅廣告牌上面賣廣告，話4月19號NU’EST嘅新歌就會出，不過歌名係啲咩自己都仲未知，不過都請大家如果喺音源網站見到佢哋啲歌嘅話，不妨點入去聽，相當搞笑，亦都呃咗唔少人。
唔知大家仲知唔知韓國人愚人節仲會點慶祝呢？歡迎留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
