梨泰院花店介紹
梨泰院邊度有花買？今日小編為大家直擊兩間梨泰院花店！
Hello，大家好 ，我哋係由韓國人每日提供最新韓國旅行資訊嘅Creatrip。
每次嚟到韓國見到街上好多人都拎住一束花，到底佢哋係邊度買？唔知大家又唔係好好奇呢？今日小編就想同大家介紹兩間喺梨泰院好出名嘅花店，如果大家之後會經過不妨都可以去睇吓！
梨泰院花店
- 店名：Flower Hans （플라워한스）
- Instagram：flowerhans
- 營業時間：09:30 - 19:00、逢星期日休息
- 地址：서울 용선구 녹사평대로26길 77-4 플라워한스
- 小Tips：由梨泰院站4號出口出，大約行7分鐘就會到。
第一間要同大家介紹嘅就係呢一間Flowers Hans，佢位於梨泰院古董街，呢條街上面有好多賣古董嘅舖頭，行到盡頭就會見到呢間花店，只係睇外觀有冇覺得好似去咗一間童話故事中花店咁呢？
只要經過呢一間花店嘅人都會忍唔住望多幾眼，小編見到唔少人經過嘅時候都會喺度影相打卡留念，如果晏晝去有陽光射入去嘅時候，影嘅相仲會特別靚！
喺入去舖頭之前，大家可以見到出面有買好多盆栽，各種size都可以喺度搵到。
入到去可以見到好多鮮花，每一朵都好鮮同埋好香，而且小狗Coco仲會好熱情咁樣歡迎大家。
每個角落都佈滿咗唔同嘅鮮花，由花盆、花籃、花束等，入到嚟好似迷失左係一片森林入面咁。
呢度嘅花幾乎都係由外地入口，唔同色彩嘅鮮花，望住佢哋心情都好啲。
而小編去度嘅時候，咁啱就見到老闆喺度整緊一盒鮮花，好多韓國人都會佢哋當做畢業禮物、生日等，收到嘅女仔都一定會好開心。
欣賞完呢度啲花之後，小編都忍唔住買咗兩朵粉紅色鬱金香，因為呢度嘅花係入口貨，所以價錢會偏貴，價錢係￦10,000，如果想買大束嘅鮮花大約價錢係￦50,000，買花籃嘅話就大約係￦100,000。
走之前都忍唔住要拎住束花喺門口度打返張卡，係咪覺得好靚呢？
梨泰院花店
- 店名：D. Flower （디플라워）
- Instagram：d_flower___
- 營業時間：12:00 - 23:00
- 地址： 서울 용산구 이태원동 643
- 小Tips：由梨泰院1號出口行大約17分鐘或綠莎坪站2號出口行大約8分鐘。
如果大家覺得啱啱介紹嘅Flower Hans價錢相對有啲貴，咁嚟緊呢一間D.Flower相對價錢就會親民啲，就算係學生都負擔得起。
小編會留意到呢一間花店，係因為附近充滿着好多歐洲感嘅Cafe，顯得呢到更加有一種浪漫嘅感覺。
雖然舖頭店面唔係好大，裝修亦都好簡單，但就俾人一種好溫暖嘅感覺，而且老闆仲好友善咁小編隨意影相。
呢度同樣都有賣好多各式各樣嘅小盆栽，一個大約係5,000 won。
望住呢啲鮮綠色小盆栽，大家會唔會想買返一盤擺喺屋企或者Office，做到攰嘅時候買返嚟養吓神呢？
每款小盆栽都好可愛，而且有個好嘅就係唔需要特別點打理，就算忙起上嚟嘅時候都唔需要擔心。
因為呢度嘅花主要都係喺鄉下種，所以價錢相對會比其他舖頭平。
當然呢度都有啲係海外入口嘅玫瑰同鬱金香，如果想買大家可以同老闆講你哋嘅要求，老闆會幫大家包好，價錢大約係￦30,000至￦50,000左右。
大家估吓小編買嘅呢個粉紅色鮮花幾多錢？答案係￦10,000，真係超大扎同埋超抵！
其實之前小編都有嚟過呢一間花店買花（右圖），睇完之後仲可以去附近嘅Cafe坐吓同打卡，真係好寫意。
希望大家都會鍾意小編今次介紹嘅兩間花店啦！
「千里送花束，物輕情意重」如果想俾海外朋友一個生日或特別驚喜？都可以搵我哋代訂花束㗎！
如果有更多想知嘅內容，都可以隨時留言或者dm話俾我哋知：）
Instagram：creatrip.hk