Hello，大家好，我哋係由韓國人每日提供最新韓國還行資訊嘅Creatrip。
小編聽到各位AROHA嘅呼叫聲啦！自從小編上次去完EXO Xiumin同ASTRO產賀嘅生日cafe之後，唔少網民都叫小編可唔可以去埋銀優生日cafe，為咗唔令大家失望，小編當然都唔會錯過啦！自從佢拍完《女神降臨》之後，人氣真係唔講得少，喺弘大就有三間生日應援cafe，小編每一間都去咗，希望大家會鍾意啦
車銀優生日咖啡廳
1. Lovin' Her（러빈허）
- 地址：서울 마포구 서교동 신촌로6길 22
- 時間：10:30至22:00
相信大家以前嚟韓國都一定有聽過呢間Cafe，因為佢嘅招牌就係有一棵櫻花樹，除咗成間Cafe係以花做主題之外，佢連飲品都唔會錯過，本身都好有人氣嘅佢，今次變成銀優cafe，當然都吸引唔少fans嚟打卡啦！
入去之前望到銀優呢張相，真係令人睇到心心眼😍小編趁冇人嘅時候快啲打咗張卡。
經過之前嘅教訓，小編決定要早啲去，所以都好好彩可以坐到窗邊位。
利用銀優3月30號生日做成嘅「Planet No.330」菜單真係好有創意，小編諗都唔諗全部都要晒
嚟到除咗叫飲品之外，如果叫餅乾套餐嘅話會送更多週邊產品，所有飲品上面都貼有銀優嘅樣，大家飲完之後都可以帶個樽走，用嚟收藏。
同埋小編一開始都有講到，呢一間係以花做主題，所以連冰都係有花嘅圖案，超有心思。
只要係銀優嘅粉絲，應該都睇得出係佢嘅公仔形象NOONNOO啦？因為實在太可愛，令人一直好抉擇到底食唔食好，不過最後小編都係食咗
生日應援Cafe嘅咖啡杯套除咗一定係無條件要收起嚟之外，今次小編仲得到兩張4*6銀優卡片、四張小卡、兩張貼紙，以及可以套喺飲管上嘅小立牌，另外因為小編仲叫咗餅乾套餐，所以仲有一個銀優手扇。
呢度真係掛滿咗好多銀優嘅相，身為AROHA嘅大家，又記唔記得每一張相係邊一個時期影嘅呢？
呢度每一張相都好好J 令人超想帶曬佢哋返屋企....
因為cafe入面太多人，所以內部嘅相小編都冇影到好多，不過呢度有一間房，用咗投影機去播銀優嘅直拍，坐喺度嘅粉絲同小編一樣都睇到心心眼，係差在未流口水
等疫情完咗之後，大家之後不妨都可以嚟呢間Cafe，雖然到時未必有銀優，不過只要係我哋會員仲可以享有九折優惠添！
2. 咖啡小公園/ Cafe Mini Park（카페 소공원）
- 地址：서울 마포구 어울마당로5길 52 2F
- 時間：11:30至21:00
- instagram：@cafe.minipark
因為咖啡小公園係喺啲小巷嘅2樓上面，所以好容易會行過，或者留意唔到佢嘅蹤影，所以睇地圖嘅時候要再留心多啲，或者認住NEUF嘅招牌。
咖啡小公園係一間專門搞應援嘅cafe，大家都可以留意吓佢哋instagram（撳我），睇吓之後會係邊一位藝人嘅生日Cafe。
呢度嘅飲品全部都有用銀優嘅名或者花名去改，原本叫飲品或者餅乾都會送銀優嘅即影即有，好可惜今次小編嚟遲咗
雖然冇即影即有，但呢度都送好多週邊，例如貼紙、卡片、書籤、膠卷卡片到小卡都有，每一款都好值得收藏。
比起啱啱去完嘅Lovin' Her相比，雖然呢度比較細，但就精緻啲同埋俾人一種好溫暖嘅感覺。
呢度嘅杯套仲好貼心咁用咗佢哋嘅應援色。
望住呢度嘅擺設，小編都好想將自己間房裝修成咁，每日一起身望到銀優，真係特別覺得起勁同埋幸福。
呢度仲有一個小盒，大家可以寫低想同銀優講嘅說話，寫滿同整理好之後就會寄出，唔知銀優之後會唔會睇到小編嘅朋友寫嘅信呢？
最後當然都唔可以錯過喺呢一塊全新鏡，同銀優一齊打卡啦
3. CAFE VIVID（카페 비비드）
- 地址：서울 마포구 독막로3길 28-18
CAFE VIVID同咖啡小公園好近，大約行30秒左右就會去到，呢一間同啱啱介紹嘅兩間唔同，因為呢一間主要係做外賣生意，冇得坐低不斷影，不過都好值得去！
喺落單嘅隔離，擺滿咗好多週邊，只要叫飲品嘅話就會有兩個唔同版本嘅杯俾大家揀，小編都苦惱咗好耐，最後揀咗可愛版本。
呢度嘅週邊小編覺得最特別嘅但係有銀優嘅濕紙巾，啱晒而家疫情底下，成日需要消毒，有咗佢方便好多（雖然可能好多人都唔會捨得用 ）
雖然呢度只係做外賣生意，內部空間雖然唔大，但佈置得一啲都唔馬虎，可以睇得出呢度嘅用心。
就算只係咁樣同銀優一齊影，小編都已經覺得好幸福，如果見到真人就更加不得了啦
小編一日去咗三間銀優生日應援cafe，雖然係有啲啲攰，但可以拎到咁多週邊，返到屋企慢慢欣賞，即刻覺得係超值得！
除咗要祝銀優3月30號生日快樂之外，嚟緊4月5號亦係ASTRO回歸嘅大日子，大家又準備好未呢？
如果各位有想要小編去嘅藝人生日應援cafe，好歡迎大家可以留言話俾我哋知！
就算而家疫情嚟到韓國，小編都可以親自代大家去，希望大家會鍾意啦。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
