Hello，大家好 ，我哋係由韓國人每日提供最新韓國旅行資訊嘅Creatrip。
香港嘅相睇文化可以話係非常之唔流行，相信香港人一聽到「相睇」呢一個字，就會即刻聯想到係一啲上咗年紀、好急想組織家庭嘅人，或者係一啲社交能力好差先會參加嘅活動。不過大家又知唔知喺韓國人參加相睇，其實係一件超級正常嘅事嚟！喺韓劇入面大家都可能成日都會睇到呢啲嘅場影出現，無論係職場人定係大學生都有，因為喺韓國人入面，十個起碼有七個都試過去相睇，真係好普遍㗎！今日小編就想同大家講吓韓國嘅相睇文化！
韓國人相睇文化介紹
相睇嘅由來
想要知道韓國嘅相睇文化點解會咁流行，就要追溯一下相睇嘅由來。
플레이리스트
「相睇」其實一直都係韓國婚姻必經嘅傳統階段，由最初相睇到最後成為伴侶，決定權都係喺父母嘅手上。可唔可以成為伴侶都一定要得到批准，如果父母唔鐘意的話，就要分手，所以嗰時嘅韓國男女係唔可以自由戀愛，要通過媒人介紹先可以定下終身，呢種想法相信以前嘅香港都有流傳過，不過真係好耐好耐以前嘅事。
雖然而家嘅時代巳經變咗，不過呢個傳統依舊都有一直保留落嚟，主要都係同韓國重視家庭、尊敬長輩嘅觀念有關。喺韓國，父母喺屋企都仍然係處於擁有絕對主導權嘅地位。喺父母嘅眼中，自己嘅仔女通過親戚朋友介紹而發展成男女朋友的話會比起自由戀愛更加放心，因為起碼會有個保證，知道對方嘅家庭背景等等，而家大部分韓國人都係必須要過雙方父母呢一關先可以結婚。
뉴스인사이드
正如頭先所講，上一代嘅韓國人從來都冇諗過可以自由戀愛，佢哋只可以通過相睇嘅方便去認識伴侶。比起香港人唔熱衷相睇嘅態度，韓國人可以將相睇當作一種最快可以進入婚姻世界，亦都係最安全嘅模式。如果冇經過呢啲傳統嘅程序，按自己嘅意願結婚的話，會被社會同家長批評。
서울경제
喺韓劇入面，大家會見到好多男女主角因為階級身份、金錢嘅差距，而受到父母反對。如果係離過婚嘅男人、有小朋友嘅女人、甚至係唔同種族嘅人就更加唔使講！
而呢家因為時代嘅變遷，韓國人嘅相睇形式都出現咗各種新奇特別嘅相睇活動，好多年輕人都好樂於嘗試，抱住開放嘅態度對待傳統文化。
接住落嚟就會同大家講吓韓國流行邊幾種相睇活動啦！
1. 朋友介紹
내 친구 소개팅
呢個係最基本嘅相睇，通常都會透過朋友介紹去認識新朋友，而且因為係朋友嘅朋友，唔怕會識到太差嘅男仔，通常都會有啲保證。加上大部分韓國人都好重視感情生活，都希望身邊嘅單身朋友都可以快啲搵到新伴侶，所以只要一有朋友單身，大家都會好努力咁去幫手牽紅線。
如果透過朋友介紹而且成功的話會喺婚禮上面送答謝禮俾嗰位朋友，標準嘅答謝禮包括有定製嘅套裝同禮金。
而MBN就有個節目叫做《내 친구 소개팅》（我的朋友在相親），係搵一啲明星嘅素人朋友去試吓相親，大家就可以知道韓國人透過朋友介紹而相親嘅人係幾咁普遍嘅事！
2. 集體聯誼
플레이리스트
好多大學生一般都係幾個男仔幾個女仔一齊舉行「集體聯誼」。 通常都係兩至四個男仔配兩至四個女仔，男女嘅人數一定會一樣，然後一齊約喺餐廳或者飲酒嘅小店見面，如果大家都互相有好感嘅話就會單獨兩個出去，繼續約會。
不過如果冇興趣的話，就會食完飯就離開，好多韓劇都有拍過大學生進行集體聯誼嘅情景，相信大家都見唔少，所以呢個真係韓國好常見嘅文化之一。
3. 婚友社
워크맨
好多韓國年輕人都依然唔習慣自己主動去搵伴侶，所以佢哋更加鐘意依靠婚友社，等公司攞佢哋啲信息去配對。
就係因為咁「婚友社」就成為咗另一個重要管道去認識異性。據了解目前韓國有超過2,500間婚友社。呢啲婚友社主要係提供各種唔同異性相親聚會，除咗傳統嘅宗教活動之外，仲有一般嘅餐飲聚會相睇，甚至仲會舉辦旅行、運動賽事等各種相睇活動嘅婚友社都越嚟越多。
韓國婚友社嘅商業模式大多數都係採用「入會制」，亦都係令未婚者成為付費會員之後，參加唔同嘅相睇活動嚟幫佢哋搵另一半。由於婚友社嘅活動型態相當之多，亦都好有趣，所以好多韓國嘅未婚年輕人都好信呢一套，即使係冇辦法即刻搵到對象，都將呢啲活動視為拓展人脈、認識新朋友嘅管道。
韓國媒體曾報導過某家「頂級」婚友社，入會條件係要1億韓幣入會費，仲要係要醫學大學或其他專業學歷，甚至限定財產要達至1,000億先至可以加入。
4. 波板糖相睇
한겨레
而家就要講吓韓國大學生最近最流行嘅「隨機相睇」，佢係波板糖相睇啦！
春天巳經開始嚟到，韓國嘅大學生都好迫切想去出pool，所以就出現咗唔使通過朋友介紹都可以相睇嘅方法。
呢個方法就係最近喺各個大學入面大受歡迎嘅「波板糖相睇」，最近喺某個網站入面公開咗訪問航空大學「波板糖相睇」嘅現場照片。
糖果相親方法好簡單，想要進行相睇嘅人將自己嘅聯繫方式同暱稱寫喺紙條上面，之後再貼喺波板糖上面就得。對方嘅信息淨係得「慶熙大學IU」、「首爾大學Crush」等介紹自己嘅簡短暱稱。
雖然呢種相親係靠運氣，不過就有好多參加者，喺大學生入面都流行。
唔知大家睇完對邊種相親方法最有興趣呢？歡迎留言話俾小編知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
