韓國自助影相舖介紹
自助影相舖人氣祕訣係啲咩呢？點解有咁多人鐘意？你之後又會唔會想影返輯？
Hello，大家好，我哋係由韓國人每日提供最新韓國旅行資訊嘅Creatrip。
大家會唔會都同小編一樣只要一企喺鏡頭前面，全身同表情都會變到好僵硬呢？雖然都好想同其他人一樣去影人生照，但只要一聽到「準備，望住前面1. 2. 3」的話，就會變得好緊張！不過而家唔使擔心，如果大家都去韓國嘅自助影相舖的話，都可以輕輕鬆鬆影到靚靚嘅人生照！
而家喺韓國唔少人都會去自助影相鋪影相，今日小編就想同大家講解吓點解佢會咁紅～
韓國自助影相舖介紹
손나은 인스타그램
一般去影相舖或者攝影棚影相的話，都會有專業攝影師幫自己影。不過喺呢度嘅話，自己就要做專業攝影師！ 自助影相舖有一個遙控器等你可以自己影，只要一撳個遙控器就可以影到靚相，真係好方便！
유튜브 소진스럽
上面就係Girl's Day素珍upload喺YouTube嘅Girl's Day 10週年紀念拍攝影片！可以睇到佢哋手上攞住個細細地嘅有線遙控器嚟影相㗎！
유튜브 소진스럽
素珍後面就可以睇到有影相舖專門用嘅相機、照明同鏡，可以無時無刻都透過塊鏡去檢查自己嘅儀容。
young hyundai
而且一影完相就即刻喺個mon度睇到影成點，真係好方便。大家係唔係都好想知道Girl's Day 嘅10週年紀念自拍影成點呢？
걸스데이 인스타그램
係唔係影得好靚呢？ 唔單止係Girl's Day，其實有好多藝人都有喺呢度影過自拍㗎！
인스타그램 onandoff.studio
甚至世界著名藝人Post Malone都有去過由韓國人經營嘅LA自助影相舖影相！ 影完之後，Post Malon仲用韓文講「真係好有趣！」到底自助影相舖有啲咩魅力，點解會咁紅呢？
自助照相館人氣祕訣
1. 可以自由拍攝
인스티즈
影相要影得靚，最重要係啲咩呢？ 就係要自然！如果俾人影相嘅人覺得尷尬的話，張相通常都會好奇怪。不過如果唔係藝人，幾乎都冇機會可以喺專門嘅攝影棚影相，所以喺鏡頭面前難免會變得尷尬！ 再加上喺初次見面嘅人面前自由咁擺姿勢都係一件好怕醜嘅事。
오연서 인스타그램, 정채연 인스타그램
不過喺自助影相舖因為可以親自去影，自己擺咩姿勢點樣影都係由自己話事，所以唔會怕尷尬，一定可以影到最自然最靚嘅相。
출처: 포토매틱 인스타그램
而且喺一個充滿隱私嘅空間入面拍攝，可以唔使在意其他人嘅視線，所以可以影到好多喺一般攝影棚入面都好難出現到嘅搞怪相。
공효진 인스타그램, 포토매틱 인스타그램
或者可以同自己嘅寵物喺舒服嘅環境入面影相，因為通常寵物都會有啲驚陌生人，所以如果想同寵物影相的話，自助影相舖就係最好嘅選擇之一！
2. 無限制拍攝
포토매틱 인스타그램
自助影相舖最大嘅優點之一就係可以無限制咁影相！ 當然都有時間限制，不過就可以喺有限嘅時間之內隨意影！
이나은 인스타그램
因爲影相嘅數量冇限制，所以可以一直咁影，影到自己滿意為止。
유튜브 SWING ENTERTAINMENT
影完之後就可以喺幾百張相入面揀幾張自己鐘意嘅相就得！不過因為有太多相，所以如果有選擇困難症嘅大家都可能會好頭痛哈哈。
3. 有得修圖
揀完幾張自己滿意嘅相之後，再等多陣，就可以睇到有加咗filter嘅相㗎喇！
정예인 인스타그램, 서지수 인스타그램
首先可以揀顏色，揀左邊彩色又得，右邊咁用黑白相亦都得！
포토매틱 인스타그램
仲有最重要嘅就係修圖！韓國嘅自助影相舖嘅修圖實力真係好勁！ 因爲大部分人都追求自然，所以可以擁有唔誇張，修完圖都仲會認得自己嘅相。
4. 影相短片
유튜브 크랩 KLAB
自助影相舖仲有個係功能係影相短片！影相嘅時候，會將大家影緊相嘅小片段錄底，可以留低珍貴嘅小回憶。
포토매틱 인스타그램
睇完自助影相舖咁多優點，大家就知道點解佢哋咁受歡迎啦？
想要留底屬於自己嘅人生照？想要喺舒適嘅環境底下同屋企人一齊影相？想喺紀念日同男/女朋友留紀念？或者想同朋友留底珍貴回憶嘅時候都可以去！ 實際上喺Instagram上面搜索自助影相舖的話，足足有成12萬個！大家就可以知道佢都幾紅。
自助照相館探訪記
既然佢咁紅所以小編都要去試一試，首先就要定去邊一間自助影相舖影好。所以最好嘅方法就係睇IG，可以睇到佢哋嘅風格同色彩。
經過一番深思熟慮之後，小編決定喺首爾景福宮隔離嘅北村影相舖影！
因為想影彩色相，而唔係黑白相，所以搵到呢間色彩最自然嘅影相舖~
地址：서울 종로구 윤보선길 65
Instagram：@self_bukchon
預約方法都好簡單，喺Instagram介紹欄到用Kakao Talk同佢哋聯絡之後，跟住佢嘅指示預約即可。
페이스북 자취생으로 살아남기
去影相之前先研究吓要擺啲咩pose先！ 因爲係喺有限嘅時間拍攝，所以去到先考慮擺咩姿勢的話可能會浪費時間！ 因爲自助影相舖好流行，所以喺ig都可以睇到好多唔同嘅姿勢。
北村影相唔唔單止係自助影相舖，就連一般影相都可以！ 入到去之後就可以睇到好多靚相，令到小編都開始期待自己會影成點。
影相之前，先喺呢度嘅梳妝枱整理一下儀容，呢度仲準備咗簡單嘅化妝品同護髮產品俾大家用。
預約時間一到，工作人員就帶咗我去工作室內部嘅私人空間！ 呢度嘅背景好白，所以無論着咩衫影都好夾，仲有準備咗好多拍攝道具，高櫈、花束、帽等等，可以利用呢啲小道具去影相。
講真一開始真係會有少少手忙腳亂，不過因為氣氛好輕鬆，所以就好快適應，15分鐘話咁快就過咗。
喺限制時間結束之後，就即刻到揀相時間！ 北村影相舖嘅基本選項係2張修圖，9張會製作成9分相印製！喺大概100張嘅相入面，淨係可以揀幾張自己滿意嘅相都真係幾難，揀完之後大約1個半鐘後返去拎返啲相就可以。
而家就俾大家睇下Before同After嘅分別啦～
最後小編就得到2張4*6嘅相，同一張9格嘅相。另外如果大家想要影相過程中所有原圖，都可以加5000won，不過修圖部份就要自己解決。唔知大家睇完，有冇都想之後嚟韓國影返一輯相呢？歡迎留言話俾小編知。
如果有更多想知嘅內容，都可以隨時留言或者dm話俾我哋知：）
Instagram：creatrip.hk