韓國BR薄荷朱古力將停售一個月
韓國BR雪糕將停售「薄荷朱古力」一個月....將會由其他口味暫時取替？
Hello，大家好，我哋係由韓國人提供每日最新韓國旅行資訊嘅Creatrip。
一直以嚟好多人都會爭論「薄荷朱古力到底好唔好食？」亦因為咁韓國有分반민초파（反薄荷朱古力派）同민초파（薄荷朱古力派）。不過今日對於薄荷朱古力派嘅人嚟講可能會帶嚟一個唔係太開心嘅消息...因為由4月起，韓國BR即將會停售薄荷朱古力一個月 消息一出已經有唔少韓國網民話好失望，到底係咩一回事呢？我哋一齊繼續睇落去啦！
BR 薄荷朱古力將停售一個月
인사이트
一直以嚟BR嘅薄荷朱古力味（민트 초콜릿 칩）都係頭3位，喺早幾日韓國新聞就宣佈由下個月起（4月）將會停售一個月，到底係點解呢？
因為嚟緊4月佢哋將會推出新口味薄荷朱古力波味？（민트 초코 봉봉） ，雖然同樣都係薄荷朱古力，不過唔少網民反應都係「點解呢件事要喺我身上發生，要俾呢個考驗我？」、「話會新出金槍魚紫菜包飯，但唔賣普通紫菜包飯，咁有咩分別？」等留言。
4/15更新：
今日小編再次睇到新聞報導，原本4月只推出薄荷朱古力波味？（민트 초코 봉봉），點知原來BR靜靜雞喺早幾日都推出咗一個三重薄荷朱古力口味（트리플 민초）嘅雪糕，聽網民講：「一開始都覺得應該唔會太有分別，點知食完第一啖等一陣嗰種清涼感即刻湧曬上嚟！」
另外亦有唔少網民話：「嘩竟然有3倍咁多！」、「食完呢個唔使刷牙都得啦！」等等留言。
인사이트
BR負責人表示：「민트 초코 봉봉只係暫時限定推出，喺推出期間原本嘅薄荷朱古力仍然喺部份賣場可以搵得到。」
由1990年開始韓國第一次引入薄荷朱古力口味，雖然直到而家都分為兩大派，有人覺得佢好食，有人會覺得好似食緊牙膏咁，不過身為薄荷朱古力派嘅小編雖然都會期待新口味，不過今次停售一個月都會覺得好可惜
如果有更多想知嘅內容，都可以隨時留言或者dm話俾我哋知：）
Instagram：creatrip.hk
