韓國人身高嘅秘密

Hello，大家好 ，我哋係由韓國人每日提供最新韓國旅行資訊嘅Creatrip。

韓國人對身高比較執着，爲咗生高啲會用盡所有辦法，無論係食物、生長激素等方法都會用，父母由小朋友細細個嘅時候就會開始努力培養佢哋嘅身高。

咁韓國人嘅身高有幾高呢？ 好似平時喺電視睇到嘅藝人一樣高？同埋佢哋覺得最理想嘅身高係幾高呢？今日就同小編一齊嚟了解吓韓國人嘅身高啦！因爲統計數據有好多，所以根據統計嘅唔同可能會有1-2cm左右嘅誤差，請大家諒解。

韓國人嘅平均身高

以2020年韓國統計廳爲標準，韓國人嘅平均身高如下：

淨係睇數字，係唔係冇咩實感知道佢哋嘅真實身高呢？ 小編就用相嚟舉例啦！

BTS Jimin同SUGA嘅身高正正就係20幾歲韓國男性嘅平均身高。

而Red Velvet嘅澀琪同TWICE嘅Momo就係20多歲女性嘅平均身高，當然大家都係以比例好而出名，所以睇落都會比實際身高。

根據英國Imperial College London嘅研究，以19歲爲標準，韓國男性嘅身高排名係喺第68位，而女性就排第60位。

KBS

根據2014年嘅調查結果，韓國男性喺過去100年之間生高咗大概15cm，韓國女性就喺過去100年之間生高咗大概20cm！呢個變化幅度係唔係好大呢？ 實際上喺過去100年間，韓國人嘅身高增長係喺全世界幅度最大！到底喺呢100年入面韓國到底發生咗啲咩事，令佢哋平均身高高咗咁多呢？

平均身高變高嘅理由

平均身高一下子就變高嘅理由係啲咩呢？吸收到足夠嘅營養應該係令身體變化得最大嘅因素之一？

GQ

韓國喺19世紀末開始實行近代化，喺70年代同80年代仲急劇增長！大家睇吓上邊張相，左邊係20世紀50年代，而右邊就係而家。 呢兩張相都係由「仁王山」俯瞰首爾風景影嘅相。喺短短70年時間入面，就可以睇得出佢哋嘅發展有幾大變化。

florida korea

喺之前，韓國係徹底依賴農業，如果因爲家境貧寒，就唔可以充分攝取營養，仲會削樹皮嚟食，甚至係蒸嚟食！因為咁所以韓國人成日都會講，如果細細個嗰陣可以食飽啲，就會營養好啲同生得高啲。

最近大部分人可以充分攝取營養，所以先會生得咁高！而且比起單純嘅飲食量增加，飲食上嘅變化都產生咗好大嘅影響，事實上韓國人喺100年前都係以大胃王聞名。

聽講過去去過韓國嘅西方傳教士對韓國人嘅食量感到好驚訝，其中一位傳教士就紀錄咗一段咁嘅文字「勞動人民嘅一般食量係1公斤米，好多人好容易就會食到2-3人份以上嘅食物。 有位老人家明明話自己冇食慾，但就食咗五碗飯。」到底點解佢哋食咗咁多飯，但係就唔生高呢？

就係因爲肉類攝取量少嘅原因！ 佢哋當時注重喺農業發展，所以肉類就變得好珍貴，所以一般人食米比起食肉仲要多好多。大家睇唔睇到嗰個飯碗嘅大細？真係大到好誇張，係相等於一般四人家庭用嘅電飯煲大細。

젠 한국

韓國歷史悠久嘅陶瓷公司對各個時期嘅飯碗大細做咗比較，20世紀40年代大概係680ml，而家只係190ml，680ml的話差唔多係而家嘅四碗飯。

隨着米飯攝取量減少，肉類攝取量都大幅增加。 炸雞、排骨、五花肉等等，大家嚟過韓國都知道有好多出名嘅肉類料理啦？ 就係咁韓國人漸漸將碳水化合物嘅攝取量減少，用肉類嚟補充，營養狀態就變得更好！

當然韓國人對飯嘅熱愛一樣都係好高！嚟過韓國嘅人都知道，佢哋好鐘意食乜都會喺最後加個炒飯食。

同朝鮮嘅差異

同朝鮮居民相比，韓國人平均身高變高嘅原因就係因為營養狀態。

월간 조선

由朝鮮去韓國嘅脫北者身高嘅測量結果顯示，成年男性嘅平均身高係165cm，而女性就係154cm。 同韓國嘅平均身高有成大概7-8cm嘅差距。韓國同朝鮮雖然係有同樣嘅基因，不過朝鮮嘅經濟狀況唔好，令好多人都無辦法正常攝取營養。

有冇得再變高？

如果呢100年間平均身高可以再生高的話，以後係唔係都有機會可以再生高呢？不過由統計結果嚟睇，成長到一定程度之後，並唔會有太大機會再生高。雖然遺傳基因都有侷限性，但係都同韓國人嘅睡眠時間有關。

韓國人嘅平均睡眠時間係7小時41分鐘，比OECD嘅平均時間少咗40分鐘。 如果淨係以成人做對象進行調查的話，平均睡眠時間淨係得6.8個小時。

오마이 뉴스

學生時期因爲入學考試過度學習，成年之後又因爲過量嘅業務而無辦法有充足嘅睡眠，都可能係令到佢哋好難再生高嘅原因之一。

韓國人鐘意嘅身高

當然每個人鐘意嘅身高都唔同，小編都會用實際嘅調查數據去説明俾大家聽！

더 셀럽

首先韓國男性高嘅標準大概係180cm左右，通常以180cm爲中間線，分高定係矮。

而韓國女性高嘅標準大概就係165cm左右，一般由超過165cm開始，就會定義佢哋係高。

根據韓國約會應用軟件「아만다」嘅調查結果，最受女性歡迎嘅男性身高第一位係176~180cm，第二位係181~185cm！不過韓國男性嘅平均身高只係173-174cm，所以係平均身高仲要高啲啲，韓國女性似乎都比較鐘意比自己嘅身高多10~15cm。

最受男性歡迎嘅女性身高第一位係161~165cm，第二位係156~160cm，韓國女性嘅平均身高係161-162左右，所以都係差唔多。

大家睇完有冇覺得好神奇呢？唔知大家又係唔係喺韓國人鐘意嘅身高範圍入面呢？

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購