韓國藝人TMI情報
最鐘意嘅漫畫？最恐怖嘅故事？影靚相嘅秘訣？以下呢啲藝人嘅TMI你又知幾多？
Hello，大家好，我哋係由韓國人每日提供最新韓國旅行資訊嘅Creatrip。
相信大家都會知韓國有個流行語叫「TMI （Too Much Information ）」，呢個字其實美國都有用，但同韓國有啲唔同嘅係，英文嘅TMI意思係太核突而唔想知嘅意思，例如朋友同你講大小便有關嘅話題就可以用啦。韓文嘅TMI當然都包括上述呢個情況，但更多時候係形容啲無關重要，知同唔知都唔會有任何得益或損失嘅事，呢個時候就可以用TMI呢個字啦。
今日小編就嚟同大家介紹一啲藝人嘅TMI，睇吓呢啲無關痛癢嘅情報，你又知幾多啦！
韓國藝人TMI情報
朴志訓
지큐코리아Q: 學生時期嘅人生漫畫（人生XX: 最鐘意嘅某樣嘢嘅意思）喺係咩？
A: Maplestory嘅漫畫。
Maplestory （楓之谷）係韓國一個線上遊戲，呢個遊戲被翻譯為多種唔同嘅版本，相信香港都有唔少人玩過。而喺朴志訓小學生嗰陣，正正係楓之谷漫畫流行嘅時期，聽講受歡迎嘅程度係幾乎嗰個都會上堂偷睇呢套漫畫添。
佢仲話因為太鐘意Maplestory嘅世界觀而一口氣睇哂20本漫畫添！ 完全feel到佢有幾咁鐘意呢部作品。
2PM - 祐榮
지큐코리아Q: 最鐘意嘅釜山方言係？
A: 얼라 아이가（仲係小朋友嘛）。
佢話係同佢細個嘅時候一次同朋友鬧交嘅事有關，嗰個朋友比祐榮更加細個，佢哋鬧完交之後，祐榮爸爸問佢哋和好咗未，之後更講咗句「얼라 아이가 佢仲係小朋友嘛。」，就係多得呢句說話，祐榮即刻咩火都冇哂，完全唔再嬲。
지큐코리아因為自己的確比朋友年紀大啲，而自己阿爸呢句說話，令佢學識年長啲嘅人應該要寬容啲。
Red Velvet - Joy
Q: 自拍咁好睇有咩秘訣？
A: 交俾其他人影，咁就一定會影到自己好靚。
Joy話其實自己都唔太識自拍。
지큐코리아Red Velvet其他成員都同Joy講，粉絲影嘅相比佢嘅自拍更好睇，特別係造型師幫自己影嘅相多數都好好睇，所以佢話或者最重要嘅秘訣就係要有個人企喺自己前面哈哈。
ZICO
Q: 一起身第一件會做嘅事係？
A: 最近一起身就會即刻食維他命D。
Zico話佢每年做健康檢查嘅時候，醫生都會同佢講「維他命D不足」。維他命D不足嘅話，腎再吸收鈣質嘅能力就會下降，更會令骨骼加速軟化添。
지큐코리아或者係因為醫生嘅說話而感到危機感，佢嘗試每日都曬太陽同食維他命D。
TWICE - 彩瑛
Q: 你所知道最恐怖嘅故事係？
A: 我自己俾鬼壓嘅經驗。
彩瑛話佢有公演嘅日子就會成日俾鬼壓。
佢話有一次發夢去咗一片花海，正當佢好開心咁周圍跑嘅時候，就突然俾花淹沒咗，然後就喺嗰刻俾鬼壓，佢話呢個係佢一生中最恐怖嘅故事。
東方神起 - 昌珉
Q: 去邊都一定會帶嘅係？
A: 書。
或者有啲人會覺得咁樣帶住啲書周圍去係因為昌珉嘅性格造成，但佢話就算佢每日都帶住兩三本書，都唔代表佢本本都會睇。
昌珉話:「只要放喺隨手可得嘅地方，就會自然咁打開嚟睇，我想嘅係養成閱讀嘅習慣，所以就算係得閒睇一頁都夠，呢個就係我隨身攜帶幾本書嘅原因。」
每日都帶住幾本唔會深入睇嘅書，只係嗰種想養成習慣嘅決心都好令人佩服。
Girl's Day - 惠利
Q: 想改善嘅睡眠壞習慣係？
A: 搶阿媽張被嘅壞習慣。
惠利話佢由細個開始嘅睡眠習慣就已經好差，雖然出社會做嘢之後有改善咗少少，但都有好多改唔到嘅部分。而家嘅惠利仲會同阿媽一齊瞓，係因為惠利想同寵物狗一齊瞓，但愛犬一直都只係肯同阿媽一齊瞓，所以佢先會決定三個一齊瞓！
之但係佢嘅懷習慣就係搶被啦，連佢自己都話係個好難改善嘅習慣啊。
IZ*ONE - 員瑛
지큐코리아Q: 想改善嘅壞習慣？
A: 無意識瞪大隻眼嘅習慣。
佢話自己隻眼比較乾，所以成日會無意識咁用力合埋再瞪大隻眼。
所以會搞到成日眨眼咁，令到佢好想改善呢個習慣。
Crush
Q: 邊套電影令你睇完會不斷咁喊？
A: 《Toy Story》。
最近Crush話佢久違咁睇咗《Toy Story》，而且佢更表示：「《Toy Story》變咗佢嘅人生電影。」
追問佢喺邊個位喊得最勁，Crush就話係當胡迪、巴斯光年同劇中其他角色用盡全力同小朋友玩嘅場景最令佢感動。
以上就係一啲藝人嘅TMI情報啦，唔知大家又點睇呢？如果好奇想知道多啲某個藝人嘅TMI嘅話，歡迎大家可以留言話俾我哋知！
如果有更多想知嘅內容，都可以隨時留言或者dm話俾我哋知：）
Instagram：creatrip.hk